த.வெ.க. மதுரை மாநாடுக்கு பைக்கில் வரக்கூடாது! கெடுபிடி போடும் காவல்துறை!

தமிழக வெற்றி கழகத்தின் மதுரை மாநாட்டிற்கான போக்குவரத்து மாற்றங்கள் அறிவிக்கப்பட்டுள்ளன. வெவ்வேறு மாவட்டங்களில் இருந்து வரும் வாகனங்களுக்கான வழித்தடங்கள் மற்றும் கனரக வாகனங்களுக்கான மாற்றுப்பாதைகள் குறித்த விவரங்கள் இங்கே.

த.வெ.க. மதுரை மாநாடு

வருகிற ஆகஸ்ட் 21 அன்று மதுரை-தூத்துக்குடி சாலையில் உள்ள பாரபத்தி பகுதியில் நடைபெற உள்ள தமிழக வெற்றி கழகத்தின் (த.வெ.க.) மாநில மாநாட்டையொட்டி, போக்குவரத்து நெரிசலைத் தவிர்க்கும் வகையில் மதுரை மாவட்ட காவல்துறை புதிய வழித்தடங்களை அறிவித்துள்ளது. மாநாட்டிற்கு வரும் வாகனங்கள் மற்றும் பொதுப் போக்குவரத்திற்கான வழித்தட மாற்றம் குறித்த முழு விவரங்கள் இங்கே கொடுக்கப்பட்டுள்ளன.

மாநாட்டு வாகனங்களுக்கான வழித்தடங்கள்

பார்க்கிங் 1-க்கு வரும் வாகனங்கள்:

குமரி, நெல்லை, தென்காசி: கோவில்பட்டி, அருப்புக்கோட்டை, காரியாபட்டி, ஆவியூர் வழியாக மாநாட்டு திடலை அடைய வேண்டும்.

தூத்துக்குடி, விருதுநகர்: அருப்புக்கோட்டை, காரியாபட்டி, ஆவியூர் வழியாக வர வேண்டும்.

ராமநாதபுரம்: பார்த்திபனூர், நரிக்குடி, திருச்சுழி, அருப்புக்கோட்டை, காரியாபட்டி, ஆவியூர் வழியாக மாநாட்டு திடலை அடைய வேண்டும்.

தஞ்சாவூர், நாகப்பட்டினம், திருவாரூர், மயிலாடுதுறை, புதுக்கோட்டை, சிவகங்கை: சிவகங்கை, திருப்புவனம், அ.முக்குளம், மீனாட்சிபுரம், ஆவியூர் வழியாக மாநாட்டு திடலை அடைய வேண்டும்.

பார்க்கிங் 1ஏ-க்கு வரும் வாகனங்கள்:

கோவை, திருப்பூர், ஈரோடு, சேலம், நாமக்கல், கரூர், தருமபுரி, கிருஷ்ணகிரி: திண்டுக்கல், பாண்டியராஜபுரம், நாகமலைப்புதுக்கோட்டை, கப்பலூர் மேம்பாலம், மேலக்கோட்டை, கூடக்கோவில் வழியாக வர வேண்டும்.

தேனி: ஆண்டிபட்டி கணவாய், உசிலம்பட்டி, செக்காணூரணி, நாகமலைப்புதுக்கோட்டை, கப்பலூர், கூடக்கோவில் வழியாக வர வேண்டும்.

பார்க்கிங் 2 மற்றும் 3-க்கு வரும் வாகனங்கள்:

சென்னை, விழுப்புரம், வேலூர், கடலூர், கள்ளக்குறிச்சி, காஞ்சிபுரம், திருவள்ளூர், திருவண்ணாமலை: திருச்சி, விராலிமலை, மேலூர், விரகனூர் சுற்றுச்சாலை, அருப்புக்கோட்டை சந்திப்பு, பாரபத்தி வழியாக மாநாட்டு திடலை அடைய வேண்டும்.

கனரக வாகனங்களுக்கான மாற்று வழித்தடங்கள்

சென்னை, வட மாவட்டங்களில் இருந்து:

விருதுநகர், தூத்துக்குடி, நெல்லை, தென்காசி, குமரி: திருச்சி, மணப்பாறை, திண்டுக்கல், திருமங்கலம் தேசிய நெடுஞ்சாலை வழியாக செல்ல வேண்டும்.

சிவகங்கை, ராமநாதபுரம்: திருச்சி, கீரனூர், புதுக்கோட்டை, காரைக்குடி வழியாக செல்ல வேண்டும்.

தூத்துக்குடி, நெல்லை, தென்காசி, குமரியில் இருந்து:

வட மாவட்டங்கள்: திருமங்கலம், திண்டுக்கல், மணப்பாறை, திருச்சி வழியாக செல்ல வேண்டும்.

மேற்கு மாவட்டங்கள்: திருமங்கலம், திண்டுக்கல் வழியாக செல்ல வேண்டும்.

மேற்கு மாவட்டங்களில் இருந்து:

விருதுநகர், தூத்துக்குடி, நெல்லை, தென்காசி, குமரி: திண்டுக்கல், திருமங்கலம் வழியாக செல்ல வேண்டும்.

ராமநாதபுரம், சிவகங்கை: திண்டுக்கல், நத்தம், கொட்டாம்பட்டி, சிங்கம்புணரி வழியாக செல்ல வேண்டும்.

தேனி மாவட்டத்தில் இருந்து:

விருதுநகர், தூத்துக்குடி, நெல்லை, தென்காசி, குமரி: உசிலம்பட்டி, பேரையூர் வழியாக செல்ல வேண்டும்.

ராமநாதபுரம், சிவகங்கை: பெரியகுளம், திண்டுக்கல், நத்தம், கொட்டாம்பட்டி வழியாக செல்ல வேண்டும்.

பொதுமக்களுக்கான வாகன வழித்தடம்

பிற மாவட்டங்களில் இருந்து மதுரை மார்க்கமாக வரும் பொதுமக்கள், விருதுநகர், தூத்துக்குடி, நெல்லை, தென்காசி, கன்னியாகுமரி செல்லும் வாகனங்கள், விரகனூர் சுற்றுச்சாலையிலிருந்து ராமநாதபுரம் நான்கு வழிச்சாலையில் சென்று, திருப்புவனம், நரிக்குடி, திருச்சுழி, காரியாபட்டி, அருப்புக்கோட்டை வழியாகச் செல்ல வேண்டும். அல்லது கப்பலூர் மேம்பாலம், திருமங்கலம், கள்ளிக்குடி, காரியாபட்டி, அருப்புக்கோட்டை வழியாகவும் செல்லலாம்.

முக்கிய அறிவிப்பு:

மாநாட்டுக்கு வரும் அரசியல் கட்சியினர் மற்றும் பொதுமக்கள் இருசக்கர வாகனத்தில் வருவதைத் தவிர்க்க வேண்டும்.

மாநாடு நடைபெறும் அன்று, அருப்புக்கோட்டை சந்திப்பில் இருந்து பாரப்பத்தி வரை உள்ள தேசிய நெடுஞ்சாலையைப் பயன்படுத்தாமல் மாற்றுப் பாதையில் செல்ல வேண்டும்.