குவிந்து கிடக்கும் வெங்காயம், தக்காளி! பை நிறைய அள்ளி செல்லும் இல்லத்தரசிகள்! உச்சத்தை தொட்டதா காய்கறிகளின் விலை?

Tomato And Onion Price: அனைத்து விதமாக சமையலுக்கும் தக்காளி, வெங்காயம் இரண்டும் பயன்படுத்தப்படுகிறது. எனவே தக்காளி, வெங்காயத்தின் விலை சரிந்திருந்தாலே போதும் கூடை, கூடையாக மக்கள் அள்ளி செல்வார்கள்.

சமையலுக்கு முக்கியம் தக்காளி, வெங்காயம்

சமையலுக்கு ருசியை அள்ளி கொடுப்பதில் தக்காளி, வெங்காயம் முக்கிய பங்கு வகிக்கிறது. இதனால் காய்கறிகளை விட மக்கள் தக்காளி மற்றும் வெங்காயத்தை அதிகளவு வாங்கி செல்வார்கள். அனைத்து விதமாக சமையலுக்கும் தக்காளி, வெங்காயம் இரண்டும் பயன்படுத்தப்படுகிறது. எனவே தக்காளி, வெங்காயத்தின் விலை சரிந்திருந்தாலே போதும் கூடை, கூடையாக மக்கள் அள்ளி செல்வார்கள்.

போட்டு போடும் தக்காளி, வெங்காயம்

இந்நிலையில் கடந்த சில நாட்களாக தக்காளி பெட்டி பெட்டியாக தமிழகம் முழுவதும் உள்ள காய்கறி சந்தையில் குவிந்து வருகிறது. அதேபோல் வெங்காயத்தின் வரத்தும் அதிகரித்ததால் லாரி லாரியாக மூட்டையில் வந்த வண்ணம் உள்ளது. இதனால் தக்காளி மற்றும் வெங்காயத்திற்கும் இடையே போட்டி போட்டு குறைந்து வருகிறது. தற்போது 4 முதல் 5 கிலோ வெங்காயம் ரூ.100க்கும், தக்காளியும் 5 கிலோ ரூ.100க்கு விற்பனை செய்யப்பட்டு வருகிறது. மேலும் காய்கறிகளின் விலையும் கணிசமாக குறைந்துள்ளதால் சந்தோஷத்தில் இருந்து வருகின்றனர்.

காய்கறிகளின் விலை

சென்னை கோயம்பேடு காய்கறி சந்தையில் இன்று பிப்ரவரி 18ம் தேதி காய்கறிகள் மற்றும் வெங்காயம் தக்காளி விலை என்ன என்பதை பார்ப்போம். பூண்டு ஒரு கிலோ 80 முதல் 100 ரூபாய்க்கும், டபுள் பீன்ஸ் 150 முதல் 180 ரூபாய்க்கும், கருணைக் கிழங்கு 15 முதல் 25 ரூபாய்க்கும், பீன்ஸ் ஒரு கிலோ 40 முதல் 45 ரூபாய்க்கும், இஞ்சி ஒரு கிலோ 65 முதல் 70 ரூபாய்க்கும், வெண்டைக்காய் ஒரு கிலோ 46 முதல் 51 ரூபாய்க்கும், பூசணி ஒரு 15 ரூபாய்க்கும், முள்ளங்கி ஒரு கிலோ 10 முதல் 15 ரூபாய்க்கும், பீர்க்கங்காய் ஒரு கிலோ 50 முதல் 66 ரூபாய்க்கும், புடலங்காய் ஒரு கிலோ 25 ரூபாய்க்கும், கோவைக்காய் 25 முதல் 50 ரூபாய்க்கும் விற்பனை செய்யப்படுகிறது

அவரைக்காய் முருங்கைக்காய் விலை உச்சம்

பட்டர் பீன்ஸ் ஒரு கிலோ 68 முதல் 90 ரூபாய்க்கும், அவரைக்காய் ஒரு கிலோ 70 முதல் 130 ரூபாய்க்கும், முட்டைக்கோஸ் ஒரு கிலோ 10 முதல் 13 ரூபாய்க்கும், கேரட் ஒரு கிலோ 30 முதல் 40 ரூபாய்க்கும், வெள்ளரிக்காய் ஒரு கிலோ 20 முதல் 30 ரூபாய்க்கும், முருங்கைக்காய் ஒரு கிலோ 120 முதல் 140 ரூபாய்க்கும், கத்திரிக்காய் ஒரு கிலோ 41 முதல் 46 ரூபாய்க்கும் விற்பனையாகிறது.

நெல்லிக்காய் புதிய உச்சம்

அதேபோல் பெரிய வெங்காயம் ஒரு கிலோ 20 முதல் 24 ரூபாய்க்கும், சின்ன வெங்காயம் ஒரு கிலோ 63 முதல் 70 ரூபாய்க்கும், தக்காளி ஒரு கிலோ 20 முதல் 22 ரூபாய்க்கும், பச்சை மிளகாய் 40 முதல் 50 ரூபாய்க்கும், பீட்ரூட் ஒரு கிலோ 30 முதல் 35 ரூபாய்க்கும், உருளைக்கிழங்கு ஒரு கிலோ 15 ரூபாய்க்கும், குடைமிளகாய் ஒரு கிலோ 56 முதல் 62 ரூபாய்க்கும், பாகற்காய் ஒரு கிலோ 41 முதல் 46 ரூபாய்க்கும், சுரைக்காய் ஒரு கிலோ 25 முதல் 35 ரூபாய்க்கும், நெல்லிக்காய் 230 முதல் 290 ரூபாய்க்கும் கோயம்பேடு சந்தையில் விற்பனையாகிறது.