பள்ளி மாணவர்களுக்கு காலாண்டு தேர்வு அட்டவணை வெளியானது! யார் யாருக்கு எப்போது எக்ஸாம்! முழு விவரம் இதோ!

தமிழகத்தில் 6 முதல் 12ம் வகுப்பு வரை காலாண்டு தேர்வு செப்டம்பர் மாதம் நடைபெறும். தேர்வு கால அட்டவணையை பள்ளிக்கல்வித்துறை வெளியிட்டுள்ளது. செப்டம்பர் 27 முதல் அக்டோபர் 7 வரை காலாண்டு தேர்வு விடுமுறை.

காலாண்டு தேர்வு

தமிழகத்தில் 2025-26ம் கல்வியாண்டிற்கான நாள்காட்டியில் 6 முதல் 12 வகுப்பு வரை மாணவர்களுக்கு காலாண்டு தேர்வு செப்டம்பர் 15ம் தொடங்கி 26ம் தேதி வரை நடைபெறும் என தெரிவித்திருந்தது. அதன்படி 6 முதல் 10ம் வகுப்பு மாணவர்களுக்கு செப்டம்பர் 15 தொடங்கி 26ம் தேதி வரையும், 11 மற்றும் 12ம் வகுப்பு மாணவர்களுக்கு செப்டம்பர் 10 முதல் 25ம் தேதி வரையும் தேர்வு நடைபெறும். இதனையடுத்து செப்டம்பர் 27ம் தேதி முதல் அக்டோபர் 7ம் தேதி காலாண்டு தேர்வு விடுமுறை கிடைக்கிறது. இந்நிலையில் காலாண்டு தேர்வுக்கான கால அட்டவணை பள்ளிக்கல்வித்துறை வெளியிட்டுள்ளது.

6 முதல் 8ம் வகுப்பு வரையிலான தேர்வு அட்டவணை

6ம் வகுப்பு மாணவர்களுக்கு செப்டம்பர் 15ம் தேதி தமிழ், 16ம் தேதி விருப்ப உடற்கல்வி, 17ம் தேதி ஆங்கிலம், 18ம் தேதி விருப்ப மொழிப்பாடம், 22ம் தேதி கணிதம், 24ம் தேதி அறிவியல், 25ம் தேதி சமூக அறிவியல். இந்த தேர்வுகள் அனைத்தும் காலை 10 மணிக்கு தொடங்கி 12 மணிக்கு முடிவடைகிறது.

7ம் வகுப்பு மாணவர்களுக்கு செப்டம்பர் 15ம் தேதி தமிழ், 16ம் தேதி விருப்ப மொழிப்பாடம், 17ம் தேதி உடற்கல்வி, 18ம் தேதி ஆங்கிலம், 22ம் தேதி கணிதம், 24ம் தேதி அறிவியல், 25ம் தேதி சமூக அறிவியல். இந்த தேர்வுகள் அனைத்தும் மதியம் 2 மணிக்கு தொடங்கி 4 மணிக்கு முடிவடைகிறது.

8ம் வகுப்பு மாணவர்களுக்கு செப்டம்பர் 15ம் தேதி தமிழ், 16ம் தேதி உடற்கல்வி, 17ம் தேதி ஆங்கிலம், 18ம் தேதி விருப்ப மொழிப்பாடம், 22ம் தேதி கணிதம், 24ம் தேதி அறிவியல், 25ம் தேதி சமூக அறிவியல். இந்த தேர்வுகள் அனைத்தும் காலை 10 மணிக்கு தொடங்கி 12.30 மணிக்கு முடிவடைகிறது.

10ம் வகுப்பு தேர்வு அட்டவணை

9ம் வகுப்பு மாணவர்களுக்கு செப்டம்பர் 15ம் தேதி தமிழ், 16ம் தேதி விருப்ப மொழிப்பாடம், 17ம் தேதி உடற்கல்வி, 18ம் தேதி ஆங்கிலம், 22ம் தேதி கணிதம், 24ம் தேதி அறிவியல், 26ம் தேதி சமூக அறிவியல். இந்த தேர்வுகள் அனைத்தும் மதியம் 2 மணிக்கு தொடங்கி 4.30 மணிக்கு முடிவடைகிறது.

10ம் வகுப்பு மாணவர்களுக்கு செப்டம்பர் 15ம் தேதி தமிழ், 16ம் தேதி ஆங்கிலம், 17ம் தேதி விருப்ப மொழிப்பாடம், 22ம் தேதி கணிதம், 24ம் தேதி அறிவியல், 26ம் தேதி சமூக அறிவியல். இந்த தேர்வுகள் அனைத்தும் காலை 10 மணிக்கு தொடங்கி 1 மணிக்கு முடிவடைகிறது.

11ம் வகுப்புக்கான தேர்வு அட்டவணை

11ம் வகுப்பு மாணவர்களுக்கு செப்டம்பர் 10ம் தேதி தமிழ், 11ம் தேதி ஆங்கிலம், 15ம் தேதி உயிரியல், தாவரவியல், வரலாறு, வணிக கணிதம் & புள்ளியியல், அடிப்படை எலக்ட்ரானிக்ஸ் இன்ஜினியரிங், அடிப்படை சிவில் இன்ஜினியரிங், அடிப்படை ஆட்டோமொபைல் இன்ஜினியரிங், அடிப்படை மெக்கானிக்கல் இன்ஜினியரிங், டெக்ஸ்டைல் டெக்னாலஜி, அலுவலக மேலாண்மை மற்றும் செயலகம், 17ம் தேதி தொடர்பு ஆங்கிலம், நெறிமுறைகள் மற்றும் இந்திய கலாச்சாரம், கணினி அறிவியல், கணினி பயன்பாடுகள், உயிர் வேதியியல், மேம்பட்ட மொழி (தமிழ்), வீட்டு அறிவியல், அரசியல் அறிவியல், புள்ளியியல், நர்சிங் (தொழில்முறை), அடிப்படை எலக்ட்ரிக்கல் இன்ஜினியரிங், 19ம் தேதி வேதியியல், கணக்கியல், புவியியல், 22ம் தேதி இயற்பியல், பொருளியல், வேலை வாய்ப்பு திறன்கள், 25ம் தேதி கணிதம், விலங்கியல், வணிகவியல், நுண்ணுயிரியல், ஊட்டச்சத்து மற்றும் உணவுமுறை, டெக்ஸ்டைல் ​​& டிரஸ் டிசைனிங், உணவு சேவை மேலாண்மை, நர்சிங் (பொது). இந்த தேர்வுகள் அனைத்தும் மதியம் 2 மணிக்கு தொடங்கி 5 மணிக்கு முடிவடைகிறது.

12ம் வகுப்புக்கான தேர்வு அட்டவணை

12ம் வகுப்பு மாணவர்களுக்கு செப்டம்பர் 10ம் தேதி தமிழ், 11ம் தேதி ஆங்கிலம், 15ம் தேதி கணிதம், விலங்கியல், வணிகவியல், நுண்ணுயிரியல், ஊட்டச்சத்து மற்றும் உணவுமுறை, டெக்ஸ்டைல் ​​& டிரஸ் டிசைனிங், உணவு சேவை மேலாண்மை, நர்சிங் (பொது), 17ம் தேதி தொடர்பு ஆங்கிலம், நெறிமுறைகள் மற்றும் இந்திய கலாச்சாரம், கணினி அறிவியல், கணினி பயன்பாடுகள், உயிர் வேதியியல், மேம்பட்ட மொழி (தமிழ்), வீட்டு அறிவியல், அரசியல் அறிவியல், புள்ளியியல், நர்சிங் (தொழில்முறை) அடிப்படை எலக்ட்ரிக்கல் இன்ஜினியரிங், 19ம் தேதி இயற்பியல், பொருளியல், வேலை வாய்ப்பு திறன்கள், 22ம் தேதி உயிரியல், தாவரவியல், வரலாறு, வணிக கணிதம் & புள்ளியியல், அடிப்படை எலக்ட்ரானிக்ஸ் இன்ஜினியரிங், அடிப்படை சிவில் இன்ஜினியரிங், அடிப்படை ஆட்டோமொபைல் இன்ஜினியரிங், அடிப்படை மெக்கானிக்கல் இன்ஜினியரிங், டெக்ஸ்டைல் டெக்னாலஜி, அலுவலக மேலாண்மை மற்றும் செயலகம், 25ம் தேதி வேதியியல், கணக்கியல் புவியியல் . இந்த தேர்வுகள் அனைத்தும் காலை 10 மணிக்கு தொடங்கி1 மணிக்கு முடிவடைகிறது.

11 நாட்கள் விடுமுறை

செப்டம்பர் 27ம் தேதி சனி முதல் காலாண்டு தேர்வு விடுமுறை தொடங்கிவிடும். வழக்கமாக ஒரு வாரம் விடுமுறை கிடைக்கும் நிலையில் இம்முறை 11 நாட்கள் விடுமுறை கிடைக்கிறது. இதில் ஆயுத பூஜை, விஜய தசமி மற்றும் காந்தி ஜெயந்தி உள்ளிட்ட விடுமுறைகள் அடங்கும்.