4 நாள் தொடர் விடுமுறை.! எதிர்பார்த்து காத்திருந்த குஷியான அறிவிப்பை வெளியிட்ட தெற்கு ரயில்வே

தீபாவளி பண்டிகையையொட்டி 4 நாட்கள் விடுமுறை அறிவிக்கப்படவுள்ளது.பயணிகள்  கூட்ட நெரிசலை சமாளிக்க, தெற்கு ரயில்வே சிறப்பு ரயில்களை அறிவித்துள்ளது. திருநெல்வேலி, பொடனூர், திருவனந்தபுரம் போன்ற நகரங்களிலிருந்து சென்னைக்கு சிறப்பு ரயில்கள் இயக்கப்பட உள்ளன. 

விடுமுறை என்றாலே அனைவருக்கும் கொண்டாட்டம் தான், அதிலும் தீபாவளியையொட்டி தொடர்ந்து 4 நாட்கள் விடுமுறை கிடைத்தால் கேட்கவா வேண்டும். உறவனிர்களோடு பண்டிகையைய கொண்டாடவும், சுற்றுலா செல்லவும் தொடங்கிவிடுவார்கள். அந்த வகையில் ஏற்கனவே பலரும் தீபாவளி பண்டிகையையொட்டி சொந்த ஊருக்கு பயணம் செய்யும் வகையில் ரயில்களில் டிக்கெட் முன்பதிவு செய்துள்ளனர். 

இதன் காரணமாக அனைத்து ரயில்களும் நிரம்பியுள்ளது. பேருந்தில் பல மடங்கு கட்டணம் வசூலிக்கப்படுவதால் பொதுமக்கள் தவித்து வருகிறார்கள். இந்த நிலையில் தீபாவளி பண்டிகையை முன்னிட்டு அதிகப்படியான பயணிகள் நெரிசலை சமாளிக்க தென் ரயில்வே சிறப்பு ரயில்களை இயக்கவுள்ளதாக அறிவித்துள்ளது.

அந்த வகையில் திருநெல்வேலி – செங்கல்பட்டு இருவாராந்திர அதிவேக சிறப்பு ரயில்கள் (06156 / 06155) இயக்கப்படவுள்ளது. இந்த ரயில் அக்டோபர் 21 மற்றும் 22 (செவ்வாய் & புதன்) இயக்கப்படவுள்ளது. (ரயில் எண் 06156) (திருநெல்வேலி–செங்கல்பட்டு): திருநெல்வேலியிலிருந்து காலை 4.00 மணிக்கு புறப்பட்டு அதே நாளில் மதியம் 1.15 மணிக்கு செங்கல்பட்டை அடையும். (ரயில் எண் 06155) (செங்கல்பட்டு–திருநெல்வேலி): பிற்பகல் 3.00 மணிக்கு புறப்பட்டு இரவு 11.55 மணிக்கு திருநெல்வேலியை அடையும்.

 இந்த ரயில் கோவில்பட்டி, சாத்தூர், விருதுநகர், மதுரை, தின்டுக்கல், திருச்சி, வில்லுப்புரம் உள்ளிட்ட இடங்கள் நிற்கும் என தெரிவிக்கப்பட்டுள்ளது. இந்த ரயிலில் பயணிகள் வசதிக்காக 2 ஏசி 3-டயர், 1 ஏசி சேர்கார், 12 சாதாரண சேர்கார், 4 பொது வகுப்பு, 2 மாற்றுத் திறனாளி வண்டிகள் இணைக்கப்படும்.

பொடனூர் – சென்னை சென்ட்ரல் – மங்களூரு சிறப்பு எக்ஸ்பிரஸ் (06044 / 06001) 06044: பொடனூரிலிருந்து அக்டோபர் 19 இரவு 11.20 மணிக்கு புறப்பட்டு மறுநாள் காலை 8.45 மணிக்கு சென்னை சென்ட்ரலை அடையும். 06001: சென்னை சென்ட்ரலிலிருந்து அக்டோபர் 20 மதியம் 12.15 மணிக்கு புறப்பட்டு மறுநாள் காலை 8.00 மணிக்கு மங்களூருவை அடையும். 

இந்த ரயில் திருப்பூர், ஈரோடு, சேலம், ஜோலார்பேட்டை, வள்ளியூர், கொழிக்கோடு, மங்களூர் உள்ளிட்ட ரயில் நிலையங்களில் நிறுத்தப்படும். 7 ஏசி 3-டயர், 4 ஏசி எகானமி, 5 ஸ்லீப்பர், 1 மாற்றுத் திறனாளி வண்டி, 1 லக்கேஜ் வேன் இணைக்கப்படும்.

மங்களூரு சென்ட்ரல் – சென்னை சென்ட்ரல் – பொடனூர் சிறப்பு எக்ஸ்பிரஸ் (06002 / 06043) 06002: மங்களூரிலிருந்து அக்டோபர் 21 மாலை 4.35 மணிக்கு புறப்பட்டு மறுநாள் காலை 10.15 மணிக்கு சென்னை சென்ட்ரலை அடையும். 06043: சென்னை சென்ட்ரலிலிருந்து அக்டோபர் 22 மதியம் 12.15 மணிக்கு புறப்பட்டு அதே நாளில் இரவு 10.00 மணிக்கு பொடனூரை அடையும். இந்த ரயிலில் ஏசி 3-டயர், ஏசி எகானமி, ஸ்லீப்பர், மாற்றுத் திறனாளி பெட்டிகள் இணைக்கப்படும்.

திருவனந்தபுரம் வடக்கு – சென்னை எக்மோர் – திருவனந்தபுரம் வடக்கு சிறப்பு எக்ஸ்பிரஸ் (06108 / 06107) 06108: திருவனந்தபுரம் வடக்கிலிருந்து அக்டோபர் 21 மாலை 5.10 மணிக்கு புறப்பட்டு மறுநாள் காலை 11.00 மணிக்கு சென்னை எக்மோரைக் அடையும்.

06107: சென்னை எக்மோரிலிருந்து அக்டோபர் 22 மதியம் 1.25 மணிக்கு புறப்பட்டு மறுநாள் காலை 8.00 மணிக்கு திருவனந்தபுரம் வடக்கை அடையும். இந்த சிறப்பு ரயில் கொல்லம், காயங்கேயம், கொட்டயம், எர்ணாகுளம், பாளக்காடு, ஈரோடு, சேலம், வண்டிமலை உள்ளிட்ட இடங்கள் நின்று செல்லும். 16 ஏசி 3-டயர், 2 ஸ்லீப்பர், 2 லக்கேஜ் வேன்கள். இந்த தீபாவளி சிறப்பு ரயில்களுக்கு முன்பதிவு அக்டோபர் 12 (ஞாயிறு) காலை 8.00 மணியிலிருந்து தொடங்கும் என அறிவிக்கப்பட்டுள்ளது.