TET Hall Ticket: சிறப்பு ஆசிரியர் தகுதி தேர்வு ஜூலை 4 மற்றும் 5 ஆகிய தேதிகளில் நடைபெற உள்ளது. இந்த தேர்விற்கான ஹால் டிக்கெட்டை ஆசிரியர் தேர்வு வாரியத்தின் அதிகாரப்பூர்வ இணையதளத்தில் பதிவிறக்கம் செய்து கொள்ளலாம்.
ஆசிரியர் தகுதித் தேர்வு (TNTET - Tamil Nadu Teacher Eligibility Test) என்பது தமிழ்நாட்டில் உள்ள அரசு, அரசு உதவி பெறும் மற்றும் தனியார் பள்ளிகளில் ஆசிரியராக பணியாற்றுவதற்கு எழுத வேண்டிய ஒரு கட்டாயத் தகுதித் தேர்வாகும்.
25
ஆசிரியர் தகுதித் தேர்வில் தேர்ச்சி காட்டாயம்
அதுமட்டுமல்லாமல் பணியில் இருக்கும் ஆசிரியர்கள் அனைவரும் ஆசிரியர் தகுதித் தேர்வில் தேர்ச்சி பெற்றிருக்க வேண்டும் என உச்சநீதிமன்றம் கடந்த 2025-ம் ஆண்டு உத்தரவிட்டது. குறிப்பாக செப்டம்பர் மாதத்தில் இருந்து 2 ஆண்டுகளுக்குள் அனைத்து ஆசிரியர்களும் தகுதி பெற வேண்டும். அப்படி தகுதி பெற விரும்பாதவர்கள் அவர்களுக்கான சலுகைகளுடன் ஓய்வுப் பெற்று கொள்ளலாம் எனவும் தெரிவிக்கப்பட்டது.
ஓய்வுப்பெற 5 ஆண்டுகள் வரை கால அவகாசம் கொண்டவர்களுக்கு மட்டும் இந்த உத்தரவில் இருந்து தளர்வு வழங்கப்பட்டது. இந்த உத்தரவினால் தமிழ்நாட்டில் அரசு பள்ளியில் பணிபுரியும் ஆயிரத்திற்கும் மேற்பட்ட ஆசிரியர்கள் பணியை இழக்கும் சூழல் ஏற்பட்டது. இந்நிலையில் தமிழ்நாட்டில் பணிபுரியும் ஆசிரியர்களுக்கு சிறப்பு டெட் தேர்வு நடத்த தமிழ்நாடு அரசாணை வெளியிட்டது. அதன்படி, கடந்த பிப்ரவரி 13-ம் தேதி அறிவிப்பு வெளியாகி விண்ணப்பங்கள் பெறப்பட்ட நிலையில், இதற்கான தேர்வு ஜூலை 4 மற்றும் 5 தேதிகளில் நடைபெற உள்ள நிலையில் ஹால் டிக்கெட் வெளியாகியுள்ளது.
இதுகுறித்து ஆசிரியர் தேர்வு வாரியம் வெளியிட்ட செய்திக்குறிப்பில்: 2026ம் ஆண்டு பணிபுரியும் ஆசிரியர்களுக்கான தமிழ்நாடு ஆசிரியர் தகுதித் தேர்வு தாள் 1 மற்றும் தாள் 2க்கான தேர்வு ஜூலை 4, 5 ஆகிய தேதிகளில் நடைபெற உள்ளது. தேர்வுக்கு விண்ணப்பித்தவர்கள் ஆசிரியர் தேர்வு வாரியத்தின் இணையதளத்தில் ஹால் டிக்கெட்டை பதிவிறக்கம் செய்து கொள்ளலாம்.
55
ஹால் டிக்கெட் பதிவிறக்கம் செய்வது எப்படி?
எனவே, தேர்வர்கள் User id மற்றும் கடவுச் சொல் (Password) ஆகியவற்றை உள்ளீடு செய்து தங்களுக்குறிய நுழைவுச் சீட்டினை பதிவிறக்கம் செய்து கொள்ளலாம். பதிவிறக்கம் செய்ய இயலாதவர்கள் ஜூன் 22 முதல் 30 வரை நடைபெறும் ஆசிரியர் தேர்வு வாரியத்தின் சிறப்பு முகாமில் கலந்துகொண்டு முகாம் அலுவலர்களை நேரடியாக தொடர்புகொள்ளலாம் என தெரிவிக்கப்பட்டுள்ளது.
