பொங்கல் விடுமுறை முடிந்து பள்ளிகள் தொடங்கிய நிலையில், மாணவர்கள் மற்றும் அரசு ஊழியர்கள் அடுத்த விடுமுறை எப்போது என்பதை எதிர்நோக்குகின்றனர். குடியரசு தின விடுமுறை ஞாயிற்றுக்கிழமையில் வருவதால் ஏமாற்றமடைந்தவர்களுக்கு, பிப்ரவரி மாதம் நான்கு நாட்கள் தொடர் விடுமுறை கிடைக்கும் வாய்ப்பு உள்ளது.
விடுமுறை- மாணவர்கள் கொண்டாட்டம்
பள்ளி மாணவர்கள் முதல் அரசு ஊழியர்கள் வரை விடுமுறை என்றாலே கொண்டாட்டம் தான், அதிலும் கொத்தாக விடுமுறை வந்தால் கேட்கவா வேண்டும் சந்தோஷத்தில் துள்ளி குதிப்பார்கள். அந்த வகையில் டிசம்பர் மாதம் மற்றும் ஜனவரி மாதம் மாணவர்களுக்கு கொண்டாட்ட மாதமாகவே அமைந்தது. அந்த வகையில் டிசம்பர் மாதத்தில் ஒரு பக்கம் மழையால் விடுமுறை கிடைத்தால் மறு பக்கம் அரையாண்டு தேர்வு முடிந்து 10 நாட்கள் தொடர் விடுமுறை கிடைத்தது. இதனால் மாணவர்கள் சுற்றுலாவிற்கும், தாத்தா, பாட்டியை பார்க்க சொந்த ஊர்களுக்கும் புறப்பட்டனர்.
மாயமான 9 நாள் விடுமுறை
இதனையடுத்து ஜனவரி 2ஆம் தேதி பள்ளி தொடங்கி ஒரு வாரம் தான் வகுப்புகள் நடைபெற்ற நிலையில் எந்த வருடமும் இல்லாத வகையில்பொங்கல் பண்டிகைக்கு 9 நாட்கள் தொடர் விடுமுறை கிடைத்தது. இந்த விடுமுறை பள்ளி மாணவர்களுக்கும் மட்டுமில்லாமல் அரசு ஊழியர்களையும் கொண்டாட வைத்தது. குறிப்பாக ஜனவரி 11ஆம் தேதி தொடங்கி ஜனவரி 19ஆம் தேதி வரை விடுமுறை கிடைத்தது. எனவே பொங்கல் பண்டிகையை மகிழ்ச்சியாக கொண்டாடிய மக்களுக்கு 9 நாட்கள் விடுமுறை என்பது வா மா மின்னல் என்பது போல் சட்டென முடிந்துவிட்டது.
மீண்டும் எப்போது விடுமுறை
இதனால் இன்று முதல் பள்ளி மாணவர்கள் முதல் அரசு ஊழியர்கள் வரை பணிக்கும் பள்ளிக்கும் சோகமாக புறப்பட்டு வருகின்றனர். இந்த நிலையில் பள்ளி மாணவர்கள் மற்றும் அரசு ஊழியர்கள் அடுத்த எப்போது தொடர் விடுமுறை வருகிறது என காலண்டரை தற்போதே பார்க்க தொடங்கி விட்டனர். அந்த வகையில் ஜனவரி மாதம் எப்போதும் கை கொடுக்கும் குடியரசு தின விழா இந்தாண்டு ஞாயிற்றுக்கிழமையில் வருவதால் சோகமடைந்துள்ளனர். எனவே குடியரசு தின விடுமுறை கைக்கு எட்டாமல் சென்று விட்டது.
பிப்ரவரியில் கொண்டாட்டம்
அடுத்ததாக அவர்களுக்கு குஷியான மாதமாக பிப்ரவரி மாதம் வருகிறது. ஆமாம் பிப்ரவரி மாதம் என்றாலே விடுமுறையே கிடைக்காத மாதமாக உள்ள நிலையில் இந்தாண்டு மாணவர்களுக்கும் அரசு ஊழியர்களுக்கும் சற்று மகிழ்ச்சியை தரும் மாதமாக அமைந்துள்ளது.
அந்த வகையில் பிப்ரவரி 11ஆம் தேதி தைப்பூசம் விடுமுறை வருகிறது. இந்த விடுமுறையானது செவ்வாய்க்கிழமை வருகிறது. அதற்கு முன்னதாக சனி மற்றும் ஞாயிறு விடுமுறை நாட்கள் எனவே திங்கட்கிழமை மட்டும் ஒரு நாட்கள் விடுப்பு எடுத்தால் தொடர்ந்து 4 நாட்கள் விடுமுறை கிடைக்க வாய்ப்பு ஏற்பட்டுள்ளது.
தொடர் விடுமுறை கிடைக்க வாய்ப்பு
எனவே பிப்ரவரி மாதமும் மாணவர்களுக்கு குஷியான மாதமாக மாறியுள்ளது. எனவே இந்த தொடர் விடுமுறையை பயன்படுத்தி வெளியூர் செல்பவர்கள் தற்போதே பயண திட்டத்தை செயல்படுத்திக்கொள்ளலாம்
சேனலை கிளிக் செய்து பின்தொடரவும்