அடேங்கப்பா! தமிழ்நாட்டில் இவ்வளவு அதிகமா மழை பெஞ்சிருக்கா; டேட்டாவை பார்த்தா அசந்து போவீங்க!
First Published | Dec 22, 2024, 9:47 AM IST
தமிழ்நாட்டில் வடகிழக்கு பருவமழை இயல்பை விட அதிகமாக பெய்துள்ளது என்று சென்னை வானிலை ஆய்வு மையம் தெரிவித்துள்ளது.
☰
Heavy Rain
வெளுத்து வாங்கிய கனமழை
தமிழ்நாட்டில் இந்த ஆண்டு வடகிழக்கு பருவமழை வெளுத்து வாங்கியுள்ளது. ஆழ்ந்த காற்றழுத்த தாழ்வு பகுதி காரணமாக பெரும்பாலான மாவட்டங்களில் கனமழை கொட்டியது. குறிப்பாக நெல்லை, தூத்துக்குடி, தென்காசி ஆகிய தென் மாவட்டங்களில் கனமழை கொட்டி தீர்த்தது. மேலும் பெஞ்சல் புயல் காரணமாக கடலூர், விழுப்புரம், திருவண்ணாமலை மாவட்டங்களில் அதி கனமழையும் கொட்டியது.
சென்னையிலும், புறநகர் மாவட்டங்களிலும் ஓரளவு பரவாலாக மழை பெய்தது. இதன் காரணமாக சென்னைக்கு குடிநீர் வழங்கும் செம்பரம்பாக்கம், புழல் ஏரியில் நீர்வரத்து அதிவேகமாக உயர்ந்தது. இந்நிலையில், தமிழ்நாட்டில் வடகிழக்கு பருவமழை இயல்பை விட அதிமாக பெய்துள்ளதாக சென்னை வானிலை ஆய்வு மையம் தெரிவித்துள்ளது.
Tamilnadu Rain
இயல்பை விட அதிகம்
அதாவது தமிழ்நாட்டில் அக்டோபர் 1ம் தேதி முதல் டிசம்பர் 21ம் தேதி வரை வடகிழக்கு பருவமழை இயல்பை காட்டிலும் 34 சதவீதம் அதிகமாக பெய்துள்ளது. தமிழ்நாட்டில் சராசரியாக இந்த காலக்கட்டத்தில் 42 செ.மீ மழை பதிவாகும் நிலையில், நேற்று வரை 57 செ.மீ வரை மழைப்பொழிவு பதிவாகி இருப்பதாகவும் சென்னை வானிலை ஆய்வு மையம் கூறியுள்ளது.
கடந்த 24 மணி நேரத்தில் சேலம் சந்தியூர் KVK ஆந்ஸ் பகுதியில் 8 செ.மீ மழையும், திருநெல்வேலி கொடுமுடியாறு அணை, திருநெல்வேலி பாலமோர் மற்றும் திருச்சி நந்தியாறு பகுதிகளில் தலா 7 செ.மீ மழை கொட்டியதாகவும் கூறப்பட்டுள்ளது.
Tap to resize
Northeast monsoon
இன்று மழைக்கு வாய்ப்பா?
தமிழ்நாட்டில் இன்று முதல் 6 நாட்களுக்கு மிதமான மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. இது தொடர்பாக வானிலை ஆய்வு மையம் வெளியிட்ட அறிவிப்பில், ''22.12.24 முதல் முதல் 27.12.24 வரை தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.
Rain in Chennai
சென்னையில் எப்படி?
சென்னையை பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்யக்கூடும். சென்னையில் அதிகாலை வேளையில் ஒருசில பகுதிகளில் லேசான பனிமூட்டம் காணப்படும். நகரின் அதிகபட்ச வெப்பநிலை 31-32° செல்சியஸை ஒட்டியும், குறைந்தபட்ச வெப்பநிலை 24-25° செல்சியஸை ஒட்டியும் இருக்கக்கூடும்'' என்று கூறப்பட்டுள்ளது.
மூணாறுக்கு 3 நாள் டூர்.! கட்டணம் இவ்வளவு தானா.? தமிழ்நாடு சுற்றுலா துறை அசத்தல் அறிவிப்பு
Latest Videos
சேனலை கிளிக் செய்து பின்தொடரவும்click me!