குவிந்து கிடக்கும் தக்காளி, வெங்காயம்.! அள்ளிச்செல்லும் மக்கள்- ஒரு கிலோ இவ்வளவு தானா.?

தக்காளி மற்றும் வெங்காயத்தின் வரத்து அதிகரிப்பால், அவற்றின் விலை தற்போது குறைந்துள்ளது. சென்னை கோயம்பேடு சந்தையில் இன்றைய காய்கறி விலை நிலவரம் மற்றும் வடகிழக்கு பருவமழையால் எதிர்காலத்தில் விலை உயர வாய்ப்புள்ளது என வியாபாரிகள் தெரிவித்துள்ளனர்.

சமையலில் முக்கிய தேவையாக இருப்பது காய்கறிகளாகும். எனவே காய்கறி சந்தையில் மூட்டை, மூட்டையாக காய்கறிகள் குவிந்து வருகிறது. அதிலும் தக்காளி மற்றும் வெங்காயத்தின் வரத்து அதிகளவில் உள்ளது. இதன் காரணமாக விலையானது தற்போது சற்று குறைந்துள்ளது. 

ரசம் முதல் பிரியாணி வரை எது சமைப்பதாக இருந்தாலும் தக்காளி, வெங்காயம் அடிப்படை தேவையாகும். எனவே இதன் விலை உயர்ந்தால் இல்லத்தரசிகள் கதறி துடிப்பார்கள். ஆனால் தற்போது வரத்து அதிகரிப்பால் விலையானது சரிந்துள்ளது. அந்த வகையில் 100 ரூபாய்க்கு 4 முதல் 5 கிலோ வரை தக்காளி மற்றும் வெங்காயம் விற்பனை செய்யப்பட்டு வருகிறது.

இதனால் பொதுமக்கள் பை நிறைய தக்காளி, வெங்காயத்தை வாங்கி செல்கிறார்கள். அதே நேரம் தற்போது தமிழகத்தில் வட கிழக்கு பருவமழை தொடங்கியுள்ள நிலையில் வரும் நாட்களில் விளைச்சல் பாதிக்கப்பட்டு விலையானது அதிகரிக்க வாய்ப்பு இருப்பதாக வியாபாரிகள் தெரிவித்துள்ளனர். எனவே ஒரு கிலோ தக்காளி விரைவில் 50 ரூபாயை தாண்டும் என கூறுகின்றனர்.

சென்னை கோயம்பேடு காய்கறி சந்தையில் பெரிய வெங்காயம் ஒரு கிலோ 20 முதல் 25 ரூபாய்க்கும், சின்ன வெங்காயம் ஒரு கிலோ 45 ரூபாய்க்கும், தக்காளி ஒரு கிலோ 20 முதல் 25 ரூபாய்க்கும், பச்சை மிளகாய் ஒரு கிலோ 45 ரூபாய்க்கும், பீட்ரூட் ஒரு கிலோ 30 ரூபாய்க்கும், உருளைக்கிழங்கு ஒரு கிலோ 35 ரூபாய்க்கும், 

வாழைப்பூ ஒரு கிலோ 15 ரூபாய்க்கும், குடைமிளகாய் ஒரு கிலோ 40 ரூபாய்க்கும், பாகற்காய் ஒரு கிலோ 30 ரூபாய்க்கும், சுரைக்காய் ஒரு கிலோ 30 ரூபாய்க்கும், அவரைக்காய் ஒரு கிலோ 40 ரூபாய்க்கும், முட்டைக்கோஸ் ஒரு கிலோ 15 ரூபாய்க்கும், கேரட் ஒரு கிலோ 50 ரூபாய்க்கும் விற்பனை செய்யப்படுகிறது.

காலிபிளவர் ஒரு கிலோ 20 ரூபாய்க்கும், கொத்தவரை ஒரு கிலோ 40 ரூபாய்க்கும், வெள்ளரிக்காய் ஒரு கிலோ 30 ரூபாய்க்கும், முருங்கைக்காய் ஒரு கிலோ 60 ரூபாய்க்கும், கத்திரிக்காய் ஒரு கிலோ 30 ரூபாய்க்கும், பீன்ஸ் ஒரு கிலோ 50 ரூபாய்க்கும், 

இஞ்சி ஒரு கிலோ 70 ரூபாய்க்கும், வெண்டைக்காய் ஒரு கிலோ 25 ரூபாய்க்கும், முள்ளங்கி ஒரு கிலோ 25 ரூபாய்க்கும், பீர்க்கங்காய் ஒரு கிலோ 50 ரூபாய்க்கும், புடலங்காய் ஒரு கிலோ 30 ரூபாய்க்கும் சென்னை கோயம்பேடு சந்தையில் விற்பனை செய்யப்பட்டு வருகிறது