EVKS in hospital : காங்கிரஸ் மூத்த தலைவர் ஈ.வி.கே.எஸ். இளங்கோவனுக்கு மூச்சுத் திணறல் காரணமாக மருத்துவமனையில் அனுமதிக்கப்பட்டுள்ளார். நேற்று இரவு உடல்நிலை பின்னடைவைச் சந்தித்த அவர், தற்போது தீவிர சிகிச்சைப் பிரிவில் உள்ளார்.
காங்கிரஸ் கட்சி மூத்த நிர்வாகி
காங்கிரஸ் கட்சியின் மூத்த தலைவரும் எம்.எல்.ஏ-வுமான ஈ.வி.கே.எஸ் இளங்கோவனுக்கு ஏற்கெனவே பேஸ் மேக்கர் வைத்துள்ளனர். இந்த நிலையில் மூச்சு விடுவதில் திணறல் ஏற்பட்டதால் கிண்டியில் உள்ள தனியார் மருத்துவமனையில் அனுமதிக்கப்பட்டிருந்தார்.நேற்று இரவு திடீரென நுரையீரல் சளி காரணமாக மூச்சுத் திணறல் அவருக்கு ஏற்பட்டதாக கூறப்படுகிறது. உடல் நிலை பின்னடவை சந்தித்த நிலையில் வென்டிலேட்டர் உதவியுடன் தற்போது அவர் சுவாசித்து வருகிறார்.
திடீர் மூச்சு திணறல்
இதனால் ஈவிகேஎஸ் இளங்கோவனின் ஆதரவாளர்கள் கவலையடைந்தனர். இந்தநிலையில் தமிழக முதலமைச்சர் மு.க.ஸ்டாலின் ஈ.வி.கே.எஸ். இளங்கோவனை மருத்துவமனையில் நேரில் சந்தித்து உடல்நலம் குறித்து விசாரித்து அளிக்கப்பட்டு வரும் சிகிச்சைகள் குறித்தும் மருத்துவர்களிடம் கேட்டு அறிந்தார்.
உடல்நிலை பின்னடைவு
அப்போது அமைச்சர் மா.சுப்பிரமணியன் தமிழ்நாடு காங்கிரஸ் கமிட்டி தலைவர் செல்வப்பெருந்தகை ஆகியோர் உடன் இருந்தனர் இதனை தொடர்ந்து மருத்துவமனை வளாகத்தில் செய்தியாளர்களை சந்தித்த செல்வப்பெருந்தகை, ஈ.வி.கே.எஸ்.இளங்கோவன் உடல்நிலை நேற்று சற்று பின்னடைவு ஏற்பட்டது. இப்போது தீவிர சிகிச்சை அளிக்கப்பட்டு வருகிறது.
சட்டமன்றத்தில் குரல் ஒலிக்கும்
முதலமைச்சரும் நானும் நேரில் சென்று பார்த்தோம். தீவிர சிகிச்சையில் என்னென்ன மருத்துவ உதவிகள் அளிக்கப்படுமோ அதை அனைத்தையும் மியாட் மருத்துவமனை சிறப்பாக அளித்து வருகிறது என கூறினார்.
ஈவிகேஸ் இளங்கோவன் மீண்டும் குணமடைந்து வந்து வரும் 9 ஆம் தேதி சட்டமன்றத்தில் அவர் குரல் ஒலிக்கும். ஈவிகேஸ் குரலை கேட்க தமிழக மக்கள் ஆவலோடு உள்ளார்கள் என தெரிவித்தார்.
சேனலை கிளிக் செய்து பின்தொடரவும்