ஏப்ரல் 23ம் தேதி இலவசமா பேருந்தில் பயணிக்கலாம்.. யார் யாருக்கு தெரியுமா? முழு லிஸ்ட் இதோ

ஏப்ரல் 23 தேர்தல் நாளில் தமிழகத்தில் ஒரு முக்கிய சலுகை காத்திருக்கிறது. சிலருக்கு மட்டும் இலவச பேருந்து பயணம்! யாருக்கு இந்த வாய்ப்பு? என்ன நிபந்தனை? வாக்களிக்க செல்லும் முன் கண்டிப்பாக தெரிந்துகொள்ள வேண்டிய தகவல் இது.

இலவச பேருந்து பயணம்

ஏப்ரல் 23… நாளை ஒரு சாதாரண நாள் இல்லை. தமிழகத்தின் ஜனநாயக துடிப்பு அதிகரிக்கும் முக்கியமான நாள். ஒவ்வொரு வாக்கும் ஒரு குரல், ஒவ்வொரு பயணமும் ஒரு பொறுப்பு. இந்த முறை, மக்கள் அதிக அளவில் வாக்களிக்க வேண்டும் என்பதில் தேர்தல் ஆணையம் உறுதியாக களம் இறங்கியுள்ளது. அதற்காக மாநிலம் முழுவதும் விழிப்புணர்வு நிகழ்ச்சிகள் தீவிரமாக நடத்தப்பட்டு வருகின்றன.

வாக்காளர் சலுகை

234 தொகுதிகளுக்கான சட்டமன்ற தேர்தல் ஒரே கட்டமாக நடைபெற உள்ளது. அரசியல் களம் சூடுபிடித்துள்ள நிலையில், திமுக மற்றும் அதிமுக கூட்டணிகள் நேருக்கு நேர் மோத, தவேக மற்றும் நாம் தமிழர் கட்சிகளும் தனித்தனி போராட்டத்தில் களமிறங்கியுள்ளன. மே 4ஆம் தேதி முடிவுகள் வெளியாகவுள்ளதால், கடைசி கட்ட பிரச்சாரங்கள் தற்போது உச்சத்தை எட்டியுள்ளன. இதற்கிடையில், “ஒவ்வொருவரும் வாக்களிக்க வேண்டும்” என்ற எண்ணத்தை மக்களிடம் விதைப்பதற்காக, பூங்கா, பேருந்து நிலையம், கடற்கரை, மால்கள் போன்ற பொதுமக்கள் கூடும் இடங்களில் கலை நிகழ்ச்சிகள் மூலம் விழிப்புணர்வு ஏற்படுத்தப்படுகிறது.

தேர்தல் விடுமுறை

நாளைய தினம் அரசு பொது விடுமுறையாக அறிவிக்கப்பட்டுள்ளதுடன், தனியார் நிறுவனங்களும் ஊழியர்களுக்கு கட்டாய விடுப்பு வழங்க வேண்டும் என உத்தரவு பிறப்பிக்கப்பட்டுள்ளது. மேலும், சொந்த ஊர்களுக்கு சென்று வாக்களிக்க வசதியாக, ஏப்ரல் 21 முதல் 23 வரை 10,000க்கும் மேற்பட்ட சிறப்பு பேருந்துகள் இயக்கப்படுகின்றன. இதனால் நகரங்களில் வசிக்கும் மக்கள் தங்கள் ஊர்களுக்கு எளிதில் சென்று வாக்களிக்க முடியும். ஆனால் இங்கு ஒரு முக்கியமான தகவல் உள்ளது.

சிறப்பு பேருந்துகள்

சேலம் மற்றும் கோவை மாவட்டங்களில், 85 வயதுக்கு மேற்பட்ட முதியோர்கள் மற்றும் மாற்றுத்திறனாளிகளுக்கு, தேர்தல் நாளன்று காலை 6 மணி முதல் மாலை 7 மணி வரை நகர பேருந்துகளில் இலவசமாக பயணம் செய்ய அனுமதி வழங்கப்பட்டுள்ளது. ஆதார் அல்லது வாக்காளர் அடையாள அட்டை மட்டும் காட்டினால் போதும். இந்த சலுகை, அவர்கள் வாக்களிக்க சுலபமாக இருக்க வேண்டிய ஒரு சிறப்பு ஏற்பாடு என்பது குறிப்பிடத்தக்கது.