தமிழக அரசு, 60 முதல் 70 வயதுக்குட்பட்டவர்களை வைணவத் திருக்கோயில்களுக்கு இலவசமாக அழைத்துச் செல்லும் திட்டத்தை அறிவித்துள்ளது. செப்டம்பர், அக்டோபர் மாதங்களில் நான்கு கட்டங்களாக நடைபெறும் இந்தப் பயணத்திற்காக 50 லட்சம் ரூபாய் ஒதுக்கப்பட்டுள்ளது. இதற்கான முன்பதிவு அடுத்த வாரத்தோடு நிறைவடையவுள்ளது.
தமிழகத்தில் கோயில் சுற்றுலா
தமிழகத்தில் பல்வேறு மாவட்டங்களில் ஆன்மிக தளங்கள் உள்ளது. குறிப்பாக சென்னையில் பாரத்த சாரதி கோயில், அஷ்ட லட்சுமி கோயில், ஸ்தல சயன பெருமாள் கோயில், காஞ்சிபுரத்தில் தேவராஜ பெருமாள் திருக்கோயில், விழுப்புரத்தில் அருள்மிகு வரதராஜ பெருமாள் திருக்கோயில், தஞ்சாவூரில் அருள்மிகு சக்கரபாணி பெருமாள் திருக்கோயில், திருச்சியில் ஸ்ரீரங்கம், அருள்மிகு அரங்கநாத சுவாமி திருக்கோயில் இதே போல மதுரை, நெல்லை உள்ளிட்ட பல மாவட்டங்களில் ஆயிரக்கணக்கான கோயில்கள் உள்ளது.
இந்த கோயில்களுக்கு நாள் தோறும் லட்சக்கணக்கான பக்தர்கள் சென்று வருவார்கள். இந்தநிலையில் தமிழக அரசு சார்பாக பல்வேறு ஆன்மிக திட்டங்கள் சிறப்பாக செயல்படுத்தப்பட்டு வருகிறது. அதன் ஒரு பகுதியாக கோயிலுகளுக்கு குடமுழக்கு, ஆக்கிரமிப்பில் உள்ள அறநிலையத்துறையை மீட்பது, கோயில்களை பராமரிப்பது உள்ளிட்ட பல்வேறு திட்டங்களை செயல்படுத்தப்பட்டு வருகிறது.
ஆடி, புரட்டாசி கோயில் சுற்றுலா
இதன் காரணமாக திமுக அரசு ஆன்மிகத்திற்கு எதிரான அரசு என கூறுபவர்களுக்கு பதிலடி கொடுத்து வருகிறது. இதன் அடுத்த கட்டமாக இதுவரை எந்த மாநிலத்திலும் இல்லாத வகையில் இலவசமாகவே பக்தர்களை ஒரு நாள் முழுவதும் வைணவத் திருக்கோயில்களுக்கு அழைத்து செல்லப்படவுள்ளனர். இது தொடர்பாக தமிழக சட்டமன்றத்தில் அறிவிப்பு வெளியானது. அந்த அறிவிப்பில் புரட்டாசி மாதத்தில் பிரசித்தி பெற்ற வைணவத் திருக்கோயில்களுக்கும் இறை தரிசனம் கிடைக்க இயலாத 60 வயது முதல் 70 வயதிற்கு உட்பட்ட, தலா 1,000 பக்தர்கள் இலவசமாக அழைத்து செல்லப்படுவர் என அறிவிக்கப்பட்டிருந்தது.
இதனையடுத்து இந்த திட்டம் தற்போது செயல்பாட்டிற்கு வந்துள்ளது. அதன் படி சென்னை, காஞ்சிபுரம், மதுரை,திருச்சி, தஞ்சாவூர், விழுப்புரம், நெல்லை ஆகிய மண்டலங்களில் உள்ள கோயில்களுக்கு அழைத்து செல்லப்படவுள்ளனர். இதற்கான முன்பதிவு தற்போது நடைபெற்று வருகிறது.
இலவச ஆன்மிக பயணம் எப்போது.?
இந்த திட்டத்திற்காக தமிழக அரசு 50 லட்டத்தை ஒதுக்கீடு செய்து அறிவிப்பு வெளியிடப்பட்டுள்ளது. அந்த வகையில் இந்ததாண்டு இந்த திட்டம் செயல்பாட்டிற்கு வந்துள்ளது. புரட்டாசி மாத வைணவத் திருக்கோயில்களுக்கான ஆன்மிகப் பயணம் நான்கு கட்டங்களாக, வருகிற செப்டம்பர், அக்டோபர் மாதங்களில் செயல்படுத்தப்படவுள்ளது. 21.09.2024, 28.09.2024, 05.10.2024, 12.10.2024 ஆகிய நாட்களில் அந்தந்த மண்டலங்களில் தொடங்கப்பட உள்ளன.
சென்னை மண்டலத்தில் உள்ள முக்கிய வைணவ கோயில்களான திருவல்லிக்கேணி. அருள்மிகு பார்த்தசாரதி திருக்கோயில், பெசன்ட் நகர் அருள்மிகு அஷ்டலட்சுமி திருக்கோயில், அருள்மிகு ஸ்தல சயன பெருமாள் திருக்கோயில், திருநீர்மலை, அருள்மிகு நீர்வண்ண பெருமாள் திருக்கோயில் ஆகிய திருக்கோயில், திருவிடந்தை, அருள்மிகு நித்திய கல்யாண பெருமாள் திருக்கோயில், மகாபலிபுரம் ஆகிய இடங்களுக்கு அழைத்து செல்லப்படவுள்ளனர்.
எந்த எந்த கோயில்கள்
இதே போல இதே போல திருச்சி அருள்மிகு சுந்தராஜ பெருமாள் திருக்கோயில், மண்டலத்தில் திருவெள்ளறை அருள்மிகு புண்டரீகாட்ச பெருமாள் திருக்கோயில், கோவிலடி, அருள்மிகு அப்பகுடத்தான், திருக்கோயில் ஸ்ரீரங்கம், அருள்மிகு அரங்கநாத சுவாமி திருக்கோயில், உத்தமர்கோயில், அருள்மிகு புருஷோத்தம பெருமாள் திருக்கோயில், அன்பில் ஆகிய திருக்கோயில்களுக்கு ஒரு பயணத்திட்டமும் செயல்படுத்தப்படவுள்ளது.
வைணவ கோயில் சுற்றுலா
காஞ்சிபுரம் மண்டலத்தில் காஞ்சிபுரம். அருள்மிகு விளக்கொளி பெருமாள் திருக்கோயில், காஞ்சிபுரம், அருள்மிகு பாண்டவதூத பெருமாள் திருக்கோயில், காஞ்சிபுரம், அருள்மிகு தேவராஜ பெருமாள் திருக்கோயில், காஞ்சிபுரம். அருள்மிகு வைகுண்ட பெருமாள் திருக்கோயில், ஸ்ரீபெரும்புதூர். அருள்மிகு ஆதிகேசவ பெருமாள் திருக்கோயில் ஆகிய திருக்கோயில்களுக்கு ஒரு பயணத்திட்டமும் வகுக்கப்பட்டுள்ளது. இதே போல மயிலாடுதுறை, மதுரை, தூத்துக்குடி மற்றும் திருநெல்வேலி ஆகிய இடங்களில் உள்ள கோயிலுகளுக்கு அழைத்து செல்லப்படவுள்ளனர்.
தகுதி
இந்த இலவச ஆன்மிகப் பயணத்தில் பங்கேற்க விரும்பும் மூத்தகுடிமக்கள் இந்து மதத்தை சார்ந்தவராகவும், 60 வயது முதல் 70 வயதிற்குட்பட்டவர்களாகவும் இருத்தல் வேண்டும் என தெரிவிக்கப்பட்டுள்ளது.
விண்ணப்பிக்கும் முறை
வைணவ கோயில்களுக்கு இலவச பேருந்து பயணம் செய்ய விருப்பும் பயணிகள் விண்ணப்பங்களை இந்து சமய அறநிலையத்துறையின் இணையதளமான www.hrce.tn.gov.in-லிருந்து பதிவிறக்கம் செய்தோ அல்லது சம்பந்தப்பட்ட மண்டல இணை ஆணையர் அலுவலகத்தில் நேரில் பெற்றோ விண்ணப்பிக்கலாம் என தெரிவிக்கப்பட்டுள்ளது.
கடைசி நாள்
விண்ணப்பங்களை பூர்த்தி செய்யப்பட்ட விண்ணப்பங்களை உரிய சான்றிதழ்களுடன் இணைத்து 19.09.2024-க்குள் சம்பந்தப்பட்ட மண்டல இணை ஆணையர் அலுவலகத்தில் ஒப்படைத்திட வேண்டும் எனவும் அறிவுறுத்தப்பட்டுள்ளது
தொடர்பு கொள்ள
இவலச ஆன்மிக திட்டம் தொடர்பாக இந்து சமய அறநிலையத்துறையின் கட்டணமில்லா தொலைபேசி எண் 1800 425 1757 தொடர்பு கொள்ளலாம் என அறிவிக்கப்பட்டுள்ளது. மேலும் அந்த அந்த மண்டலத்தில் உள்ள தொலைபேசி எண்களும் வெளியிடப்பட்டுள்ளது. அதன் படி மதுரை மண்டலத்திற்கு 0452-2346445, தூத்துக்குடி மண்டலத்திற்கு 0461-2341144, திருநெல்வேலி மண்டலத்திற்கு 0462-2572783 , சென்னை மண்டலத்திற்கு 044-29520937. 9941720754. காஞ்சிபுரம் மண்டலத்திற்கு 044-29592380, விழுப்புரம் மண்டலத்திற்கு 04146-225262, மயிலாடுதுறை மண்டலத்திற்கு 04364-299258, 8807756474, தஞ்சாவூர் மண்டலத்திற்கு 04362-238114. திருச்சி மண்டலத்திற்கு 0431-2232334, ஆகிய எண்களில் தொடர்பு கொண்டு அறிந்து கொள்ளலாம் என கூறப்பட்டுள்ளது.
சேனலை கிளிக் செய்து பின்தொடரவும்