ஆம்ஸ்ட்ராங் மனைவியை களம் இறக்கிய அதிமுக..! வளர்மதி, கோகுல இந்திராவுக்கும் வாய்ப்பு..

வரக்கூடிய சட்டமன்ற தேர்தலில் அஇஅதிமுக சார்பில் போட்டியிடக்கூடிய மூன்றாம் கட்ட மற்றும் கடைசி கட்ட வேட்பாளர் பட்டியலை அக்கட்சியின் பொதுச் செயலாளர் எடப்பாடி பழனிசாமி இன்று வெளியிட்டார்.

வேட்பாளர் பட்டியலை வெளியிட்ட அதிமுக

2026 தமிழக சட்டமன்றத் தேர்தலை முன்னிட்டு, அதிமுக பொதுச்செயலாளர் எடப்பாடி கே. பழனிசாமி தலைமையிலான கூட்டணி (NDA) விறுவிறுப்பாகத் தேர்தல் பணிகளை மேற்கொண்டு வருகிறது. முன்னாள் அமைச்சர்கள் அடங்கிய நட்சத்திர முதல்கட்ட வேட்பாளர்கள் கடந்த 25ம் தேதியும், இரண்டாம் கட்ட வேட்பாளர்கள் பட்டியல் கடந்த 27ம் தேதியும் அறிவிக்கப்பட்ட நிலையில் மூன்றாம் கட்ட மற்றும் இறுதிக்கட்ட வேட்பாளர் பட்டியல் இன்று அறிவிக்கப்பட்டுள்ளது.

தொகுதிப் பங்கீடு விவரம்

மொத்தமுள்ள 234 தொகுதிகளில் அதிமுக 169 தொகுதிகளில் நேரடியாகப் போட்டியிடுகிறது. மற்ற தொகுதிகள் கூட்டணி கட்சிகளுக்குப் பின்வருமாறு ஒதுக்கப்பட்டுள்ளன:

பாஜக: 27 தொகுதிகள்

பாமக: 18 தொகுதிகள்

அமமுக: 11 தொகுதிகள்

தமாகா: 5 தொகுதிகள்

IJK: 2 தொகுதிகள்

இதர கட்சிகள்: 2 தொகுதிகள்

முதல்கட்ட வேட்பாளர் பட்டியல் (23 பேர்)

மார்ச் 25 அன்று வெளியான முதற்கட்டப் பட்டியலில், கட்சியின் முக்கியத் தலைவர்கள் மற்றும் முன்னாள் அமைச்சர்களுக்கு முன்னுரிமை அளிக்கப்பட்டது.

எடப்பாடி கே. பழனிசாமி - எடப்பாடி

கே.பி. முனுசாமி - வேப்பனஅள்ளி

திண்டுக்கல் சி. சீனிவாசன் - திண்டுக்கல்

எஸ்.பி. வேலுமணி - தொண்டாமுத்தூர்

பி. தங்கமணி - குமாரபாளையம்

டி. ஜெயக்குமார் - ராயபுரம்

சி.வி. சண்முகம் - மயிலம் (விழுப்புரம்)

டாக்டர் சி. விஜயபாஸ்கர் - விராலிமலை

இரண்டாம் கட்ட வேட்பாளர் பட்டியல் (127 பேர்)

மார்ச் 27 அன்று வெளியான இந்தப் பட்டியலில் 25 தற்போதைய எம்.எல்.ஏ-க்களுக்கு மீண்டும் வாய்ப்பு வழங்கப்பட்டுள்ளது. இதில் புதுமுகங்கள் மற்றும் பெண்களுக்கு முக்கியத்துவம் அளிக்கப்பட்டுள்ளது.

முக்கிய வேட்பாளர்கள்:

வி. சோமசுந்தரம் - காஞ்சிபுரம்

பி. பாலகிருஷ்ண ரெட்டி - ஓசூர்

அம்மன் கே. அர்ஜுனன் - கோவை தெற்கு

மாதவரம் மூர்த்தி - மாதவரம்

டாக்டர் பி. சரவணன் - மதுரை வடக்கு (பாஜகவிலிருந்து அண்மையில் இணைந்தவர்)

லீமா ரோஸ் - லால்குடி (லாட்டரி அதிபர் மார்ட்டினின் மனைவி) ஆகியோர் வேட்பாளர்களாக அறிவிக்கப்பட்டனர்.

பொற்கொடி ஆம்ஸ்ட்ராக்கு வாய்ப்பு..

இந்த நிலையில் மூன்றாம் கட்ட மற்றும் இறுதிக்கட்ட வேட்பாளர் பட்டியல் இன்று அறிவிக்கப்பட்டுள்ளது. பகுஜன் சமாஜ் கட்சியின் முன்னாள் மாநிலத் தலைவர் ஆம்ஸ்ட்ராங் மனைவி பொற்கொடிக்கு அதிமுக கூட்டணியில் வாய்ப்பு வழங்கப்பட்டுள்ளது. அதன்படி பொற்கொடி சென்னை திருவிக நகர் தொகுதியில் போட்டியிடுவதாக அறிவிக்கப்பட்டுள்ளது. இதே போன்று முன்னாள் அமைச்சர்கள் வளர்மதி, கோகுல இந்திரா உள்ளிட்டோருக்கு இந்த தேர்தலில் போட்டியிட வாய்ப்பு வழங்கப்பட்டுள்ளது.