IPL Opening Ceremony: ஐபிஎல் தொடக்க விழாவில் ஆட்டம் போடப்போகும் நடிகைகள் யார்? யார்?

ஐபிஎல் 2025 கிரிக்கெட் திருவிழா மார்ச் 22 அன்று கோலாகலமாகத் தொடங்க உள்ளது. ஐபிஎல் தொடக்க விழா கலைநிகழ்ச்சிகளுடன் களைக்கட்டப்போகும் நிலையில், இதில் பங்கேற்கும் பிரபலங்கள் குறித்து பார்க்கலாம். 

IPL Opening Ceremony 2025: உலகின் மாபெரும் கிரிக்கெட் திருவிழாவான ஐபிஎல் மார்ச் 22ம் தேதி தொடங்குகிறது. கொல்கத்தாவின் ஈடன் கார்டனில் மார்ச் 22ல் தொடங்கும் முதல் போட்டியில் நடப்பு சாம்பியனான கொல்கத்தா நைட் ரைடர்ஸ் (கேகேஆர்) மற்றும் ராயல் சேலஞ்சர்ஸ் பெங்களூரு (ஆர்சிபி) அணிகள் மோதுகின்றன. ஐபிஎல் 2025 தொடக்க விழாவை பிரம்மாண்டமாக நடத்த திட்டமிடப்பட்டுள்ளது. தொடக்க போட்டி தொடங்குவதற்கு முன்பு கலை நிகழ்ச்சிகள், இசை நிகழ்ச்சிகள் நடைபெறுகின்றன. 

ஐபிஎல் 2025

பிரபல பாலிவுட் ஜோடியான ஷர்தா கபூர் மற்றும் வருண் தவான் ஆகியோர் தங்கள் அற்புதமான நிகழ்ச்சிகளால் மேடையை அலங்கரிப்பார்கள். துடிப்பான கெமிஸ்ட்ரிக்கு பெயர் பெற்ற அவர்கள், ஒரு அற்புதமான ஐபிஎல் சீசனுக்கான தொனியை அமைப்பது உறுதி. அவர்களின் நடன அசைவுகள் மற்றும் ஆற்றல் விழாவில் கவனத்தை ஈர்க்கும் என்று எதிர்பார்க்கப்படுகிறது.

ஐபிஎல் கலைநிகழ்ச்சிகள்

ஐபிஎல் கலைநிகழ்ச்சிக்கு மேலும் பெருமை சேர்க்கும் வகையில், பிரபல பின்னணி பாடகர் அரிஜித் சிங் தனது இனிமையான பாடல்களால் பார்வையாளர்களை மயக்குவார். இவர் தனது இனிமையான குரலால் கூட்டத்தை வசீகரிக்கும் ஒரு மாயாஜால சூழ்நிலையை உருவாக்குவார். இதனால் தொடக்க நாளில் பல கோடிக்கணக்கான ரசிகர்கள் இசை மழையில் நனையப்போவது உறுதி. 

ஐபிஎல் தொடக்க போட்டி

இவர்கள் தவிர பல்வேறு சினிமா பிரபலங்கள் ஐபிஎல் தொடக்க விழா கலை நிகழ்ச்சிகளில் ஆட்டம் போட இருக்கின்றனர். மார்ச் 22ம் தேதி இந்த கலை நிகழ்ச்சிகளுக்கு பிறகே கொல்கத்தா நைட் ரைடர்ஸ் மற்றும் ராயல் சேலஞ்சர்ஸ் பெங்களூர் அணிகள் இடையேயான போட்டி தொடங்கும். உயர்தர கிரிக்கெட் மற்றும் துடிப்பான பொழுதுபோக்கு கலவையுடன், இந்த ஐபில் சீசன் ரசிகர்களுக்கு விருந்து படைக்கும் என்பதில் எந்தவித சந்தேகமும் இல்லை.