RCB vs KKR Head to Head: ஐபிஎல்லில் அதிக வெற்றிகளை அறுவடை செய்தது யார்?

ஐபிஎல்லில் இன்று தொடங்கும் முதல் போட்டியில் ராயல் சேலஞ்சர்ஸ் பெங்களூரு மற்றும் கொல்கத்தா நைட் ரைடர்ஸ் அணிகள் மோத உள்ளன. இந்த இரண்டு அணிகளில் அதிக வெற்றிகளை பெற்றது எந்த அணி? என்பது குறித்து பார்ப்போம்.

RCB vs KKR 2025: Live Score, Match Update: உலகின் மிகப்பெரிய ஐபிஎல் 2025 கிரிக்கெட் திருவிழா இன்று (மார்ச் 22ம் தேதி) முதல் தொடங்குகிறது. இன்று தொடங்கும் முதல் போட்டியில் ராயல் சேலஞ்சர்ஸ் பெங்களூரு மற்றும் கொல்கத்தா நைட் ரைடர்ஸ் அணிகள் மோத உள்ளன. கொல்கத்தா அணியை பொறுத்தவவரை ரஹானே தலைமையில் களமிறங்குகிறது. இந்த அணியில் ரிங்கு சிங், ஆன்ட்ரே ரசல், குயின்டன் டி காக் என அதிரடி சூரர்கள் உள்ளனர். 

IPL 2025

பவுலிங்கில் வருண் சக்கரவர்த்தி, சுனில் நரைன், அன்ரிச் நோர்க்யா, ஹர்சித் ராணா ஆகியோர் உள்ளனர். ஆர்சிபி அணியை பொறுத்தவரை இளம் வீரர் ரஜத் படிதார் தலைமையில் களம் காண்கிறது. இங்கும் பில் சால்ட், லியோம் லிவிங்ஸ்டன், டிம் டேவிட் என அதிரடி வீரர்களுக்கு பஞ்சமில்லை. ஜோஸ் ஹேசில்வுட், புவனேஷ்வர் குமார், குர்ணால் பாண்ட்யா ஆகியோர் பவுலிங்கில் சிறப்பான நிலையில் உள்ளனர். 

ஐபிஎல் வரலாற்றில் கொல்கத்தா நைட் ரைடர்ஸ் (KKR) மற்றும் ராயல் சேலஞ்சர்ஸ் பெங்களூரு (RCB) அணிகள் 34 முறை மோதியுள்ளன. KKR அணி 20 வெற்றிகளுடன் முன்னிலை வகிக்கிறது. அதே நேரத்தில் RCB அணி 14 போட்டிகளில் வெற்றி பெற்றுள்ளது. இரு அணிகளுக்கும் இடையே கடைசியாக நடந்த 5 போட்டிகளில் கொல்கத்தா அணி 4 போட்டிகளில் வெற்றி பெற்று முன்னிலை வகிக்கிறது.

RCB vs KKR

கொல்கத்தா ஈடன் கார்டன் மைதானத்தில் கொல்கத்தா மற்றும் ஆர்சிபி அணிகளுக்கு இடையே நடந்த போட்டியில் இரு அணிகளும் 12 முறை மோதியுள்ளன. இதில் கொல்கத்தா 8 முறையும், ஆர்சிபி 4 முறையும் வெற்றி பெற்றுள்ளன. பெங்களூரு சின்னசாமி மைதானத்தில் நடந்த போட்டியில் இரு அணிகளும் 12 முறை மோதியிருக்கின்றன. இதில் கொல்கத்தா 8 முறையும், ஆர்சிபி 4 முறையும் வெற்றி பெற்றுள்ளன. 

RCB vs KKR Head to Head

ஆர்சிபிக்கு எதிராக கொல்கத்தா முன்னாள் வீரர் கவுதம் கம்பீர் 475 ரன்கள் அடித்துள்ளார். ஒரு இன்னிங்சின் தனிநபர் அதிகப்பட்ச ஸ்கோராக பிரண்டன் மெக்கல்லமின் 158 ரன்கள் உள்ளது. கொல்கத்தா வீரர் ஆண்ட்ரே ரசல் ஆர்சிபிக்கு எதிராக 35 சிக்சர்கள் விளாசியுள்ளார். கொல்கத்தாவுக்கு எதிராக ஆர்சிபியின் விராட் கோலி 962 ரன்கள் அடித்துள்ளார். ஒரு இன்னிங்சின் தனிநபர் அதிகப்பட்ச ஸ்கோராக கிறிஸ் கெய்லின் 102 ரன்கள் உள்ளது. கிறிஸ் கெய்ல் கொல்கத்தாவுக்கு எதிராக 40 சிக்சர்கள் விளாசியுள்ளார்.