ராயல் சேலஞ்சர்ஸ் பெங்களூரு அணிக்கு எதிராக தற்போது நடைபெற்று வரும் 30ஆவது லீக் போட்டியில் சன்ரைசர்ஸ் ஹைதராபாத் அதிரடியாக விளையாடி அதிவேகமாக சதம் அடித்து சாதனை படைத்துள்ளார்.
பெங்களூரு சின்னச்சாமி மைதானத்தில் ராயல் சேலஞ்சர்ஸ் பெங்களூரு மற்றும் சன்ரைசர்ஸ் ஹைதராபாத் அணிகளுக்கு இடையிலான 30ஆவது லீக் போட்டி நடைபெறுகிறது. இதில், டாஸ் வென்ற ஆர்சிபி பவுலிங் தேர்வு செய்துள்ளது.
இந்தப் போட்டியில் முகமது சிராஜ் மற்றும் கிளென் மேக்ஸ்வெல் இருவரும் நீக்கப்பட்டுள்ளனர். மேலும், லாக்கி பெர்குசன் இந்தப் போட்டியின் மூலமாக ஆர்சிபி அணியில் அறிமுகம் செய்யப்பட்டுள்ளார். ஆனால், சன்ரைசர்ஸ் ஹைதராபாத் அணியில் எந்த மாற்றமும் செய்யப்படவில்லை.
ஹைதராபாத் அணியில் அபிஷேக் சர்மா மற்றும் டிராவிஸ் ஹெட் இருவரும் தொடக்க வீரர்களாக களமிறங்கினர். ஆர்சிபி அணியில் வில் ஜாக்ஸ் முதல் ஓவரை வீசினார். இதில், ஆரம்பம் முதலே ஹெட் அதிரடியாக விளையாடி ரன்கள் சேர்த்தார். இதனால், ஹைதராபாத் அணியின் ஸ்கோர் ஜெட் வேகத்தில் உயர்ந்தது.
இந்தப் போட்டியில் அறிமுகம் செய்யப்பட்ட லாக்கி பெர்குசன் 5ஆவது ஓவரை வீசினார். இந்த ஓவரில் ஹெட் 6, 6, 4 என்று வரிசையாக ரன்கள் குவித்தார். இந்த ஓவரில் மட்டும் 18 ரன்கள் எடுக்கப்பட்டது. அடுத்து வந்த யாஷ் தயாள் ஓவரில் 6, 2, 6, 4 என்று 20 ரன்கள் எடுக்கப்பட்டது. மீண்டும் வந்த வில் ஜாக்ஸ் ஓவரில் மட்டும் 4, 6, 6 என்று வரிசையாக 21 ரன்கள் எடுத்தார்.
இந்தப் போட்டியில் 20 பந்துகளில் 51 ரன்கள் எடுத்தார். ஹைதராபாத் பவர்பிளேயில் விக்கெட் இழப்பின்றி 76 ரன்கள் குவித்தது. இந்த சீசனில் பவர்பிளேயில் 3 முறை அதிக ரன்களை ஹைதராபாத் அணி குவித்துள்ளது. 6 ஓவர்களில் 76 ரன்கள் எடுத்திருந்த ஹைதராபாத் அடுத்த 7 பந்துகளில் 27 ரன்கள் குவித்துள்ளது. இதன் மூலமாக 7.1 ஓவரில் 103 ரன்கள் குவித்தது.
வில் ஜாக்ஸ், ரீஸ் டாப்ளே, லாக்கி பெர்குசன், வைஷாக் விஜயகுமார் என்று எந்த பவுலரையும் விட்டு வைக்காமல் சகட்டுமேனிக்கு வெளுத்து வாங்கினார். இறுதியாக ஹெட் 39 பந்துகளில் 101 ரன்கள் குவித்து அதிவேகமாக சதம் அடித்து சாதனை படைத்தார்.
இதற்கு முன்னதாக, கிறிஸ் கெயில், யூசுப் பதான், டேவிட் மில்லர் ஆகியோர் அதிவேகமாக சதம் விளாசி இருந்தனர்.
அதிவேகமாக சதம் அடித்தவர்களின் பட்டியல்:
30 பந்துகள் – கிறிஸ் கெயில் vs புனே வாரியர்ஸ் Bengaluru 2013
37 – யூசுப் பதான் vs மும்பை இந்தியன்ஸ் Mumbai 2010
38 – டேவிட் மில்லர் vs ராயல் சேலஞ்சர்ஸ் பெங்களூரு Mohali 2013
39 டிராவிஸ் ஹெட் vs ராயல் சேலஞ்சர்ஸ் பெங்களூரு Bengaluru 2024
42 ஆடம் கில்கிறிஸ்ட் vs மும்பை இந்தியஸ் Mumbai 2008
இறுதியாக ஹெட் 41 பந்துகளில் 9 பவுண்டரி, 8 சிக்ஸர் உள்பட 102 ரன்களில் ஆட்டமிழந்தார்.
சேனலை கிளிக் செய்து பின்தொடரவும்