T20 World Cup 2026: ஓமனை வீழ்த்தி வரலாற்று சாதனை படைத்த ஆஸ்திரேலியா!

Australia vs Oman: டி20 உலகக்கோப்பை 2026 தொடரிலிருந்து ஆஸ்திரேலியா அபார வெற்றியுடன் விடைபெற்றது. ஓமனுக்கு எதிரான கடைசி லீக் போட்டியில் அரிய சாதனை படைத்துள்ளது.

ஆஸ்திரேலியாவின் அரிய சாதனை

டி20 உலகக்கோப்பையில் மற்றொரு பரபரப்பு. தொடரிலிருந்து வெளியேறிய ஆஸ்திரேலியா, ஓமனுக்கு எதிராக பந்துவீச்சு மற்றும் பேட்டிங்கில் மிரட்டி, அரிய வெற்றியைப் பதிவு செய்துள்ளது. ஓமன் 104 ரன்களுக்கு ஆட்டமிழந்தது. 105 ரன்கள் இலக்கை ஆஸ்திரேலியா 9.4 ஓவர்களில் எட்டியது. கேப்டன் மிட்செல் மார்ஷ் 33 பந்துகளில் 64 ரன்கள் விளாசி அணியின் வெற்றிக்கு வித்திட்டார்.

இங்கிலாந்தின் சாதனையை சமன் செய்த ஆஸி...

டி20 உலகக்கோப்பை வரலாற்றில், 62 பந்துகள் மீதமிருந்த நிலையில் வெற்றி பெற்று, இங்கிலாந்தின் சாதனையை ஆஸ்திரேலியா சமன் செய்தது. இது அதிவேக சேஸிங் சாதனைகளில் ஒன்றாகும்.

ஓமன் தோல்விக்கு காரணமான ஜம்பா

ஆடம் ஜம்பாவின் அபார பந்துவீச்சால் ஓமன் அணி தடுமாறியது. ஜம்பா 4 விக்கெட்டுகளை வீழ்த்தினார். வசிம் அலி 32 ரன்கள் எடுத்ததால், ஓமன் 104 ரன்களை எட்டியது. ஜம்பா ஆட்டநாயகன் ஆனார்.