தோனி ஒரு சிறந்த வழிகாட்டி! எனது கிரிக்கெட் வாழ்க்கையையே மாற்றிய அந்த ஒரு தருணம் - Shviam Dube பேச்சு!

Shivam Dube interview about MS Dhoni after IND vs NED T20 World Cup 2026 Match : ஐசிசி டி20 உலகக்கோப்பையில் நெதர்லாந்துக்கு எதிரான போட்டியில் இந்திய அணி வெற்றி பெற்றது. இந்த போட்டியில் ஷிவம் துபே தனது ஆல்ரவுண்டர் திறமையால் முக்கிய பங்கு வகித்தார். 

தனது பேட்டிங் ஸ்டைல் ​குறித்து பேசிய ஷிவம் துபே

இந்திய பேட்டிங் ஆல்ரவுண்டர் ஷிவம் துபே, தனது பேட்டிங் ஸ்டைல் குறித்து பேசினார். சிக்ஸர் அடிப்பது பிடிக்கும் என்றாலும், கண்மூடித்தனமாக விளையாட மாட்டேன். சூழ்நிலைக்கு ஏற்ப விளையாடவே முயற்சிப்பேன் என்றார்.

ஆல்-ரவுண்டர் செயல்திறனுடன்

சக பேட்ஸ்மேன்கள் தடுமாறிய விக்கெட்டில், ஷிவம் துபே தனது ஆல்ரவுண்டர் திறமையால் முக்கியப் பங்காற்றினார். 6 சிக்ஸர்கள், 4 பவுண்டரிகளுடன் 66 ரன்கள் குவித்து ஆட்ட நாயகன் விருதை வென்றார். பந்துவீச்சாளர்கள் நல்ல பந்துகளை வீசும்போதும் பவுண்டரிகள் அடிக்கத் தயாராக இருப்பேன். யார்க்கர், லென்த் பந்துகளைத் தவிர்த்து, ஷார்ட் மற்றும் மெதுவான பந்துகளை வீசுவார்கள் என தெரியும். அதற்காகவே காத்திருந்தேன் என்றார்.

ரன் ரேட்டை வேகமாக அதிகரிக்க..

மிடில் ஓவர்களில் ரன் ரேட்டை வேகமாக உயர்த்தும்படி கேப்டனும் பயிற்சியாளரும் கூறினர். ஆனால் அது போட்டியின் சூழலைப் பொறுத்தது. ஒரு கட்டத்தில் அதிரடியாக ஆட வேண்டிய தேவை வந்ததாக உணர்ந்தேன் என்று துபே விளக்கினார்.

பந்துவீச்சில் கடினமாக உழைக்கிறேன்..

தனது பந்துவீச்சிலும் கடினமாக உழைத்து வருவதாகவும், அதற்கேற்ப பலன்கள் கிடைப்பதாகவும் துபே கூறினார். டி20 போட்டிகளில் சில நேரங்களில் ரன்கள் கொடுத்தாலும் விக்கெட்டுகள் கிடைக்கும் என நம்புவதாகத் தெரிவித்தார்.