பின்னர் பேட்டிங் செய்த அயர்லாந்து அணி 19.5 ஓவர்களில் 143 ரன்களுக்கு ஆல் அவுட்டாகி தோல்வி அடைந்தது. அயர்லாந்து அணிக்கு தொடக்கமே அதிர்ச்சியாக இருந்தது. தொடக்கத்திலேயே கேப்டன் பால் ஸ்டிர்லிங்கின் (6) விக்கெட்டை அயர்லாந்து இழந்தது. தீக்ஷனாவின் பந்தில் அவர் போல்ட் ஆனார். பின்னர், ராஸ் அடேர் (34), ஹாரி டெக்டர் (40), லோர்கன் டக்கர் (21) ஆகியோர் ஓரளவு சிறப்பாக விளையாடி அவுட் ஆனார்கள்.
ஹசரங்கா, தீக்ஷனா அசத்தல்
ஆனால் பெஞ்சமின் கால்டிஸ் (4), கரேத் டெலானி (0), கர்டிஸ் கேம்ஃபர் (13), மார்க் அடேர் (10), ஜார்ஜ் டாக்ரெல் (9), மேத்யூ ஹம்ப்ரிஸ் (0) ஆகியோர் சொற்ப ரன்களில் ஆட்டமிழந்தனர். இலங்கை அணி தரப்பில் வனிந்து ஹசரங்கா, மஹீஷ் தீக்ஷனா ஆகியோர் தலா 3 விக்கெட்டுகளை வீழ்த்தி அணி வெற்றி பெற்ற முக்கிய காரணமாக விளங்கினார்கள்.
அயர்லாந்து அணியின் பவுலிங் நன்றாக அமைந்தது. ஆனால் அவர்களின் பேட்டிங்கும், பீல்டிங்கும் மோசமாக இருந்தது தோல்விக்கு முக்கிய காரணமாகி விட்டது.