ஒரே ஓவரில் 2 விக்கெட் தட்டி தூக்கிய ஜட்டு; கேகேஆர் சோலி முடிஞ்சது!

எம்.ஏ.சிதம்பரம் மைதானத்தில் நடைபெற்று வரும் 22ஆவது லீக் போட்டியில் முதலில் பேட்டிங் செய்த கொல்கத்தா அணியில் தொடக்க வீரர் பிலிப் சால்ட் முதல் பந்திலேயே ஆட்டமிழந்துள்ளார்.

Kolkata Knight Riders

சென்னை சூப்பர் கிங்ஸ் மற்றும் கொல்கத்தா நைட் ரைடர்ஸ் அணிகளுக்கு இடையிலான 22ஆவது லீக் போட்டி தற்போது எம்.ஏ.சிதம்பரம் மைதானத்தில் நடைபெற்று வருகிறது. இதில், முதலில் டாஸ் வென்ற சிஎஸ்கே கேப்டன் பவுலிங் தேர்வு செய்தார். அதன்படி கேகேஆர் அணியில் பிலிப் சால்ட் மற்றும் சுனில் நரைன் இருவரும் தொடக்க வீரர்களாக களமிறங்கினர்.

Chennai Super Kings

சிஎஸ்கே அணியில் தீபக் சஹார் இல்லாத நிலையில் துஷார் தேஷ்பாண்டே முதல் ஓவரை வீசினார். இந்த ஓவரின் முதல் பந்திலேயே பிலிப் சால்ட் ஆட்டமிழந்துள்ளார். பிலிப் சால்ட் ஆஃப் சைடு பாய்ண்ட்டில் நின்றிருந்த ரவீந்திர ஜடேஜா தாவி பந்தை கேட்ச் பிடித்தார். இதன் மூலமாக முதல் பந்திலேயே விக்கெட் எடுத்த 3ஆவது சிஎஸ்கே வீரரானார்.

CSK vs KKR Live Score

இதற்கு முன்னதாக லட்சுமிபதி பாலாஜி (டெல்லிக்கு எதிராக) மற்றும் தீபக் சஹார் (ஹைதராபாத் அணிக்கு எதிராக) முதல் பந்திலேயே விக்கெட் எடுத்துள்ளனர். இதே போன்று கேகேஆர் அணியில் முதல் பந்திலேயே ஆட்டமிழந்த வீரர்களின் பட்டியலில் பிலிப் சால்ட் இடம் பெற்றுள்ளார்.

Ravindra Jadeja

இதற்கு முன்னதாக பிராண்டன் மெக்கல்லம், மனோஜ் திவாரி, ஜாக் காலீஸ் ஆகியோர் ஆட்டமிழந்துள்ளனர். இவரைத் தொடர்ந்து அங்க்ரிஷ் ரகுவன்ஷி களமிறங்கி இந்த போட்டியின் முதல் பவுண்டரியை அடித்தார்.

CSK, Ravindra Jadeja

தொடர்ந்து அதிரடியாக விளையாடினார். முதல் 6 ஓவர்களில் கேகேஆர் ஒரு விக்கெட் இழந்து 56 ரன்கள் எடுத்திருந்தது. இந்த நிலையில் தான் 7ஆவது ஓவரை ரவீந்திர ஜடேஜா வீசினார். இந்த ஓவரின் முதல் பந்திலேயே ஸ்வீப் அடிக்க முயற்சித்த இளம் வீரர் அங்கிரிஷ் ரகுவன்ஷி எல்பிடபிள்யூ முறையில் ஆட்டமிழந்தார். ரகுவன்ஷி 18 பந்துகளில் 3 பவுண்டரி, ஒரு சிக்ஸர் உள்பட 24 ரன்களில் ஆட்டமிழந்தார்.

CSK vs KKR, Ravindra Jadeja

இந்த ஓவரின் கடைசி பந்தில் சுனில் நரைன் தூக்கி அடிக்க முயற்சித்து தீக்‌ஷனாவிடம் கேட்ச் கொடுத்து ஆட்டமிழந்தார். அவர் 20 பந்துகளில் 3 பவுண்டரி, 2 சிக்ஸ் உள்பட 27 ரன்கள் எடுத்து ஆட்டமிழந்தார். பின்னர் 9ஆவது ஓவரை வீசினார். அந்த ஓவரின் 2ஆவது பந்தில் வெங்கடேஷ் ஐயர் ஆட்டமிழந்தார். அவர் 3 பந்தில் 3 ரன் மட்டுமே எடுத்தார். இதன் மூலமாக ஜடேஜா 8 பந்தில் 3 விக்கெட்டுகள் கைப்பற்றினார்.

Chennai Super Kings, IPL 2024

இதுவரையில் இந்த தொடரில் சிஎஸ்கே விளையாடிய 4 போட்டிகளில் ஹோம் மைதானத்தில் நடந்த 2 போட்டிகளிலும் சிஎஸ்கே வெற்றி பெற்றிருக்கிறது. அவே மைதானத்தில் நடந்த 2 போட்டிகளில் தோல்வி அடைந்துள்ளது. ஆனால், கேகேஆர் விளையாடிய 3 போட்டிகளிலும் வெற்றி பெற்றிருக்கிறது. இதில் 2 போட்டி அவே மைதானத்தில் நடந்தது என்பது குறிப்பிடத்தக்கது.

CSK vs KKR, Ravindra Jadeja

சென்னை சூப்பர் கிங்ஸ்:

ரச்சின் ரவீந்திரா, ருதுராஜ் கெய்க்வாட் (கேப்டன்), அஜிங்க்யா ரஹானே, சமீர் ரிஸ்வி, டேரில் மிட்செல், ரவீந்திர ஜடேஜா, எம்.எஸ்.தோனி (விக்கெட் கீப்பர்), ஷர்துல் தாக்கூர், மகீஷ் தீக்‌ஷனா, முஷ்தாபிஜூர் ரஹ்மான், துஷார் தேஷ்பாண்டே.

கொல்கத்தா நைட் ரைடர்ஸ்:

சுனில் நரைன், பிலிப் சால்ட் (விக்கெட் கீப்பர்), வெங்கடேஷ் ஐயர், ஷ்ரேயாஸ் ஐயர், அங்க்ரிஷ் ரகுவன்ஷி, ஆண்ட்ரே ரஸல், ராமன்தீப் சிங், ரிங்கு சிங், மிட்செல் ஸ்டார், வைபவ் அரோரா, வருண் சக்கரவர்த்தி.