இந்திய அணியின் ஆல்ரவுண்டர் ரவீந்திர ஜடேஜா. ஸ்பின் பவுலிங், அதிரடி பேட்டிங், அபாரமான ஃபீல்டிங் என அனைத்துவகையிலும் அணிக்கு பங்களிப்பு செய்யக்கூடியவர் ஜடேஜா.
இந்நிலையில், ஜடேஜா டி20 உலக கோப்பையில் ஆடுவது குறித்து இந்திய அணியின் தலைமை பயிற்சியாளர் ராகுல் டிராவிட் கருத்து கூறியிருக்கிறார். இதுகுறித்து பேசிய ராகுல் டிராவிட், ஜடேஜா முழங்கால் காயம் காரணமாக ஆசிய கோப்பையிலிருந்து விலகியுள்ளார். அவர் மருத்துவர்களின் கண்காணிப்பில் உள்ளார். டி20 உலக கோப்பைக்கு இன்னும் நிறைய காலம் இருக்கிறது. எனவே அதற்குள்ளாக இப்போதே, அவர் டி20 உலக கோப்பையில் ஆடுவதும் ஆடாததும் குறித்து உறுதியாக கருத்து கூற முடியாது. டி20 உலக கோப்பைக்கு இன்னும் 6-7 வாரங்கள் இருப்பதால் பொறுத்திருந்து பார்ப்போம் என்றார் ராகுல் டிராவிட்.