ஐபிஎல் 13வது சீசனில் சன்ரைசர்ஸ் ஹைதராபாத் அணிக்காக அருமையாக பந்துவீசி, தனது துல்லியமான யார்க்கர்கள் மற்றும் கட்டர்களை பயன்படுத்தி டெத் ஓவர்களை சிறப்பாக வீசி, முக்கியமான கட்டத்தில் முக்கியமான விக்கெட்டுகளை வீழ்த்தி சன்ரைசர்ஸ் அணியின் வெற்றிக்கு உதவியாக இருந்தார் நடராஜன். ஐபிஎல்லில் அபாரமாக பந்துவீசியதன் மூலம், முன்னாள், இந்நாள் ஜாம்பவான்கள் பலரையும் கவர்ந்த நடராஜன், தன்னை இந்திய அணி தேர்வாளர்களும் அணி நிர்வாகமும் தவிர்க்க முடியாத அளவிற்கு தனது திறமையை நிரூபித்தார்.
undefined
அதன் விளைவாக ஆஸ்திரேலிய சுற்றுப்பயணத்துக்கான நெட் பவுலராக அணியில் இடம்பிடித்த நடராஜன், டி20 அணியில் இடம்பெற்றிருந்த தமிழகத்தை சேர்ந்த ஸ்பின்னர் வருண் சக்கரவர்த்தி காயம் காரணமாக நீக்கப்பட்டதால், அவரது இடத்திற்கு மாற்று வீரராக தேர்வானார். டி20 அணியில் மட்டுமே தான் நடராஜன் இடம்பெற்றிருந்தார். ஆனால் ஒருநாள் அணியில் இடம்பெற்றிருந்த நவ்தீப் சைனி காயத்தால் ஒருநாள் போட்டிக்கான அணியிலும் இடம்பிடித்த நடராஜன், முதல் 2 ஒருநாள் போட்டிகளில் ஆடவில்லை. ஆஸ்திரேலியாவுக்கு எதிரான கடைசி ஒருநாள் போட்டியில் சர்வதேச கிரிக்கெட்டில் அறிமுகமான நடராஜன், அறிமுக போட்டியிலேயே, அதுவும் ஆஸ்திரேலியாவுக்கு எதிராக 2 விக்கெட்டுகளை வீழ்த்தினார்.
undefined
நடராஜனின் பவுலிங்கைவிட எந்தவிதமான சூழலிலும் அவரது நிதானமான பண்பால் கவரப்பட்ட கேப்டன் விராட் கோலி, ஆஸ்திரேலியாவுக்கு எதிரான 3 டி20 போட்டிகளிலும் நடராஜனை ஆடவைத்தார். தன்மீது கேப்டன் கோலியும் அணி நிர்வாகமும் வைத்த நம்பிக்கையை வீணடிக்காமல், 3 டி20 போட்டிகளில் ஆறு விக்கெட்டுகளை வீழ்த்தி, இந்திய அணி தொடரை வெல்ல முக்கிய காரணமாக திகழ்ந்தார்.
undefined
ஒருநாள் மற்றும் டி20 போட்டிகளில் ஆஸ்திரேலியாவுக்கு எதிரான அவரது அபாரமான பவுலிங்கை கண்ட மாஸ்டர் பிளாஸ்டர் சச்சின் டெண்டுல்கரே, நடராஜனை டெஸ்ட் அணியிலும் சேர்க்க வேண்டும் என்று வலியுறுத்தியிருக்கிறார். நடராஜன் டெஸ்ட் அணியில் இல்லையென்றாலும், டெஸ்ட் போட்டிகளுக்கான நெட் பவுலராக ஆஸ்திரேலியாவில் தான் உள்ளார்.
undefined
வெள்ளைப்பந்து(ஒருநாள், டி20) கிரிக்கெட்டில் தனது திறமையை நிரூபித்துவிட்டார் நடராஜன். நெட்டில் சிவப்பு பந்திலும் அருமையாக வீசிவருகிறார் நடராஜன். நடராஜன் சிவப்பு பந்தில் பந்துவீசுவதிலும் கேப்டன் கோலி, தலைமை பயிற்சியாளர் ரவி சாஸ்திரி மற்றும் அணி நிர்வாகத்தினரை கவரும் பட்சத்தில், டெஸ்ட் போட்டிகளுக்கான இந்திய அணியிலும் இடம்பிடிக்க வாய்ப்புள்ளது. ஏனெனில் இந்திய அணியின் சீனியர் ஃபாஸ்ட் பவுலர் இஷாந்த் சர்மாவும் காயம் காரணமாக இந்த ஆஸி., தொடரில் ஆடவில்லை என்பதால், நடராஜனுக்கு இடம் கிடைக்க வாய்ப்புள்ளது. பும்ரா, ஷமி, உமேஷ் யாதவ், சிராஜ் என நடராஜனை தவிர மற்ற அனைத்து ஃபாஸ்ட் பவுலர்களுமே வலது கை பவுலர்கள் என்பதால், இடது கை பவுலரான நடராஜன் சேர்க்கப்பட்டால், அது ஃபாஸ்ட் பவுலிங் யூனிட்டிற்கு நல்ல கலவையாக இருக்கும்.
undefined
ஒருநாள் மற்றும் டி20 போட்டிகளுக்கான அணியில் கூட நடராஜன், அணியில் வாய்ப்பை எதிர்பார்த்து ஆஸ்திரேலியாவிற்கு செல்லவில்லை; ஆனால் அவையெல்லாம் நடந்தன. அதேபோல ஸ்மார்ட்டாக பந்துவீசும் நடராஜனின் பவுலிங் திறமையால், டெஸ்ட் அணியிலும் அவருக்கு இடம் கிடைக்கும் வாய்ப்பிருக்கிறது. வாய்ப்பை சரியாக பயன்படுத்த தெரிந்த நடராஜன், டெஸ்ட் அணியில் வாய்ப்பு கிடைக்கும் பட்சத்தில், அதிலும் தனது முத்திரையை பதிப்பார் என நம்பலாம்.
undefined