IND vs IRE 1st T20: முதல் டி20-யில் இந்தியாவை அலற விட்ட அயர்லாந்து.. மாஸ் வெற்றி.. சரித்திர சாதனை!

India vs Ireland1st T20: முதலாவது டி20 கிரிக்கெட்டில் 34 ரன்கள் வித்தியாசத்தில் இந்தியாவை வீழ்த்திய அயர்லாந்து அணி சர்வதேச கிரிக்கெட்டில் இந்தியாவுக்கு எதிராக முதல் வெற்றியை பதிவு செய்து வரலாற்று சாதனை படைத்துள்ளது.

டி20 கிரிக்கெட்டில் இந்தியாவை வீழ்த்திய அயர்லாந்து

இந்தியாவுக்கு எதிரான முதல் டி20 போட்டியில் அயர்லாந்து அணி 34 ரன்கள் வித்தியாசத்தில் வரலாற்று வெற்றி பெற்றுள்ளது. சர்வதேச கிரிக்கெட்டில் அயர்லாந்து அணி இந்தியாவை வீழ்த்துவது இதுவே முதன் முறையாகும். இந்த போட்டியில் முதலில் பேட்டிங் செய்த அயர்லாந்து அணி ஆரம்பத்தில் தடுமாறினாலும், கேப்டன் லோர்கன் டக்கரின் அரைசதம் மற்றும் கரேத் டெலானியின் அதிரடி ஆட்டத்தால் 20 ஓவர்களில் 9 விக்கெட் இழப்புக்கு 182 ரன்கள் எடுத்தது.

இந்திய அணி படுதோல்வி

டக்கர் 36 பந்துகளில் 50 ரன்கள் எடுத்து டாப் ஸ்கோரராக இருந்தார். டெலானி 32 பந்துகளில் 49 ரன்கள் எடுத்தார். இந்திய அணி தரப்பில் ஹர்ஷித் ராணா 24 ரன்கள் விட்டுக்கொடுத்து 3 விக்கெட்டுகளையும், அர்ஷ்தீப் சிங் மற்றும் அக்சர் படேல் தலா இரண்டு விக்கெட்டுகளையும் வீழ்த்தினர்.பின்பு 183 ரன்கள் இலக்கை நோக்கி ஆடிய இந்திய அணி 18.5 ஓவர்களில் வெறும் 148 ரன்களுக்கு ஆல் அவுட்டாகி படுதோல்வியை சந்தித்தது.

சஞ்சு சாம்சன், ஷ்ரேயாஸ் ஐயர் சொதப்பல்

இந்திய அணி தரப்பில் அபிஷேக் சர்மா 20 பந்துகளில் 7 பவுண்டரி, 2 சிக்சர்களுடன் 49 ரன்கள் எடுத்தார். ஷிவம் துபே (25), திலக் வர்மாவை (19), அக்சர் படேல் (15) தவிர மற்ற வீரர்கள் யாரும் இரட்டை இலக்கத்தை தொடவில்லை. பெரிதும் எதிர்பார்க்கப்பட்ட சஞ்சு சாம்சன் (5), இஷான் கிஷன் (1), கேப்டன் ஷ்ரேயாஸ் ஐயர் (3) சொற்ப ரன்களில் அவுட்டாகி ஏமாற்றம் அளித்தனர். அயர்லாந்து தரப்பில் இந்த போட்டியின் மூகம் அறிமுகமான மேட் ஹாலார்ட் 4 ஓவர்களில் 28 ரன்கள் மட்டுமே கொடுத்து 3 விக்கெட் சாய்த்து மேட்ச் வின்னராக ஜொலித்தார். மேத்யூ ஹம்ப்ரீஸ் 3 விக்கெட் சாய்த்தார்.

இந்தியாவுக்கு எதிராக அயர்லாந்தின் முதல் வெற்றி

அயர்லாந்து அணி சர்வதேச கிரிக்கெட்டில் இந்திய அணியை வீழ்த்துவது இதுவே முதன் முறையாகும். அயர்லாந்து அணி வீரர்கள் பேட்டிங், பவுலிங் மட்டுமின்றி பீல்டிங்கிலும் அசத்தி இந்தியாவிடம் இருந்து வரலாற்று சிறப்புமிக்க வெற்றியை தட்டிப்பறித்துள்ளனர். இந்தியாவை முதன் முதலில் வீழ்த்திய அயர்லாந்து அணிக்கு பாராட்டுகள் குவிந்து வருகின்றது. இந்த இரண்டு அணிகளும் 2வது டி20 போட்டியில் ஜூன் 28 ஆம் தேதி (ஞாயிற்றுக்கிழமை) மோதுகின்றன. இந்த தொடரில் மொத்தம் 2 போட்டிகள் தான். ஆகவே 2வது போட்டியில் அயர்லாந்து வெனறால் தொடரை வென்று மிகப்பெரும் சாதனை படைக்கலாம். இந்தியா வென்றால் தொடரை சமன் செய்யலாம்.