இறுதிப் போட்டிக்கான மைதானம் ரெடி – இந்தியா பாகிஸ்தான் மோதிய அதே மைதானமா?

ICC Champions Trophy 2025 IND vs NZ Final Pitch Ready : ஐசிசி சாம்பியன்ஸ் டிராபி 2024 தொடரின் இந்தியா மற்றும் நியூசிலாந்து அணிகள் மோதும் போட்டிக்கான மைதானம் உறுதி செய்யப்பட்டுள்ளது.

ICC Champions Trophy 2025 IND vs NZ Final Pitch Ready: சாம்பியன்ஸ் டிராபி 2025யின் இறுதிப் போட்டி வரும் 9ஆம் தேதி துபாயில் நடைபெறுகிறது. இதில், இந்தியா மற்றும் நியூசிலாந்து அணிகள் 3ஆவது முறையாக இறுதிப் போட்டியில் மோதுகின்றன. இதற்கு முன்னதாக 2000 ஆம் ஆண்டில் நடைபெற்ற ஐசிசி நாக் அவுட் டிராபியிலும், 2021 ஆம் ஆண்டு நடைபெற்ற ஐசிசி உலகக் டெஸ்ட் சாம்பியன்ஷிப்பிலும் விளையாடின. இந்த 2 போட்டியிலும் நியூசிலாந்து வெற்றி பெற்றிருக்கிறது. இதன் காரணமாக இந்த முறை இந்தப் போட்டியில் இந்தியா வெற்றி பெற வேண்டும் என்று ரசிகர்கள் எதிர்பார்த்து காத்திருக்கின்றனர்.

New Zealand Final

இந்த நிலையில் தான் இந்தியா மற்றும் நியூசிலாந்து அணிகள் மோதும் இறுதிப் போட்டி எந்த மைதானத்தில் நடைபெறும் என்ற எதிர்பார்ப்பு இருந்தது. தற்போது அந்த மைதானம் உறுதி செய்யப்பட்டுள்ளது. அதன்படி ஏற்கனவே ஐசிசி சாம்பியன்ஸ் டிராபி தொடரின் குரூப் ஏ பிரிவில் இந்தியா மற்றும் பாகிஸ்தான் அணிகள் பிப்ரவரி 23 ஆம் தேதி மோதிய அதே மைதானத்தில் தான் இந்தப் போட்டியும் நடைபெறுகிறது.

IND vs NZ Final Pitch Ready

இந்த மைதானத்தை பொறுத்தவரையில் மெதுவாகவும், மந்தமாகவும் இருக்கும் என்று எதிர்பார்க்கப்படுகிறது. இதற்கு முன்னதாக இந்தியா மற்றும் பாகிஸ்தான் அணிகள் விளையாடிய போட்டியை பார்க்கையில் முதலில் பேட்டிங் செய்த பாகிஸ்தான் 241/10 ரன்கள் எடுத்தது. பின்னர் பேட்டிங் செய்த இந்திய அணி 244/4 ரன்கள் குவித்து 6 விக்கெட்டுகள் வித்தியாசத்தில் வெற்றி பெற்றது. இந்தப் போட்டியில் தான் விராட் கோலி 100 ரன்கள் அடித்தார்.

Indian Cricket Team, Asianet News Tamil

இந்த மைதானம் சுழற்பந்து வீச்சுக்கு சாதமாக இருக்கும் என்று கணிக்கப்பட்டிருக்கிறது. அக்‌ஷர் படேல், குல்தீப் யாதவ் மற்றும் ரவீந்திர ஜடேஜா ஆகியோர் 5 விக்கெட்டுகள் கைப்பற்றினர். இந்தப் போட்டியில் வருண் சக்கரவர்த்தி இடம் பெறவில்லை. இந்த சாம்பியன்ஸ் டிராபி தொடர் முழூவதும் இந்தியா டாஸில் தோற்றிருக்கிறது.

New Zealand Cricket Team, Team India

ஆனால், போட்டியில் வெற்றி பெற்றிருக்கிறது. துபாய் மைதானத்தைப் பொறுத்த வரையில் பேட்ஸ்மேன்களை விட பவுலர்களுக்கு தான் சாதமானதாக இருந்திருக்கிறது. துபாய் மைதானத்தில் நடந்த 4 போட்டிகளின் ஸ்கோர்க முறையே 228, 231, 241, 244, 249, 205, 264, 267. இதில் 4 போட்டிகளின் சராசரி ஸ்கோர் 246.

Champions Trophy 2025, IND vs NZ Final

வருண் சக்கரவர்த்தி சிறப்பான ஃபார்மில் இருப்பதாலும், அக்‌ஷர் படேல், ரவீந்திர ஜடேஜா மற்றும் குல்தீப் யாதவ் ஆகியோர் சுழற்பந்து வீச்சை முழுவதுமாக செயல்படுத்துவதாலும் 9ஆம் தேதி நடைபெறும் இறுதிப் போட்டியில் நியூசிலாந்திற்கு எதிராக இந்திய அணி நம்பிக்கையுடன் களமிறங்கும் என்று எதிர்பார்க்கப்படுகிறது. துபாய் சர்வதேச கிரிக்கெட் மைதானத்தில் மொத்தம் 10 பிட்சுகள் உள்ளன.

IND vs PAK, ICC Champions Trophy 2025,

ஆனால் ஏற்கனவெ பயன்படுத்திய மைதானத்தைத் தான் இறுதிப் போட்டிக்கும் பயன்படுத்த இருக்கிறது. அதுவும் இந்தியா மற்றும் பாகிஸ்தான் அணிகள் விளையாடிய அதே மைதானம் தான் இறுதிப் போட்டிக்கும் பயன்படுத்தப்படுகிறது. ஆதலால் அந்த மைதானத்தின் தன்மை பற்றியெல்லாம் இந்திய அணிக்கு தெரியும். அதன்படி வழக்கம் போன்று நியூசிலாந்திற்கு எதிரான இறுதிப் போட்டியிலும் இந்திய அணி அதே டீமுடன் தான் களமிறங்கும் என்று எதிர்பார்க்கப்படுகிறது.