IPL தொடரின் இன்றையப் போட்டியில் சென்னை சூப்பர் கிங்ஸ் அணி விளையாடாவிட்டாலும் பஞ்சாப், பெங்களூரு அணி இடையேயான போட்டி சென்னை ரசிகர்கள் மத்தியில் மிகுந்த ஆர்வத்தை உருவாக்கி உள்ளது.
ஐபிஎல் 2026 தொடரின் பிளேஆஃப் போட்டி தற்போது மிகவும் பரபரப்பான கட்டத்தை எட்டியுள்ளது. அதில் இன்று நடைபெறும் பஞ்சாப் கிங்ஸ் மற்றும் ராயல் சேலஞ்சர்ஸ் பெங்களூரு அணிகளுக்கிடையேயான மோதல், நேரடியாக விளையாடாத சென்னை சூப்பர் கிங்ஸ் அணியின் எதிர்காலத்தையே தீர்மானிக்கக்கூடிய முக்கியமான போட்டியாக மாறியுள்ளது.
தற்போதைய புள்ளிப்பட்டியல் நிலவரப்படி, RCB மற்றும் GT அணிகள் பிளேஆஃபுக்கு மிக அருகில் உள்ளன. SRH அணிக்கும் நல்ல வாய்ப்பு உள்ளது. ஆனால் CSK, RR, PBKS ஆகிய அணிகள் கடைசி இரண்டு இடங்களுக்கு கடுமையாக போட்டியிடுகின்றன.
25
ஏன் PBKS vs RCB போட்டி CSK-க்கு முக்கியம்?
CSK தற்போது பிளேஆஃப் வாய்ப்பை உயிருடன் வைத்திருக்க வேண்டுமெனில், மற்ற அணிகளின் முடிவுகளும் சாதகமாக அமைய வேண்டும். குறிப்பாக பஞ்சாப் கிங்ஸ் (PBKS) அணியின் நிலை மிகவும் முக்கியமானது. ஏனெனில் பஞ்சாப் கிங்ஸ் வெற்றி பெற்றால் அவர்கள் புள்ளிகளில் முன்னேறி CSK-வை பின்னுக்கு தள்ளக்கூடும். அதே நேரத்தில் RCB ஏற்கனவே வலுவான நிலையில் இருப்பதால், அவர்கள் வெற்றி பெறுவது CSK-க்கு அதிக நன்மை தரும் சூழல் உருவாகியுள்ளது.
35
RCB வென்றால் என்ன ஆகும்?
RCB இந்த போட்டியில் வெற்றி பெற்றால் பஞ்சாப் கிங்ஸ் புள்ளிகள் அப்படியே நிற்கும் சென்னை அணிக்கு Top 4-இல் நுழைய வாய்ப்பு தொடரும், சென்னை தனது மீதமுள்ள போட்டிகளில் வெற்றி பெற்றால் 16 புள்ளிகளுடன் முன்னேற வாய்ப்பு இருக்கும். மேலும் நெட் ரன்ரேட் கணக்கும் சென்னை அணிக்கு சாதகமாக மாறக்கூடும். இதனால் CSK ரசிகர்கள் பலரும் இன்றைய போட்டியில் RCB வெற்றியை எதிர்பார்த்து வருகின்றனர்.
பஞ்சாப் வென்றால் CSKக்கு சிக்கல்
மாறாக பஞ்சாப் கிங்ஸ் வென்றுவிட்டால் அந்த அணி பிளேஆஃப் போட்டியில் வலுவான இடத்தை பிடிக்கும். சென்னை மீது அதிக அழுத்தம் ஏற்படும். மீதமுள்ள அனைத்து போட்டிகளையும் வெல்ல வேண்டிய கட்டாயம் உருவாகலாம். நெட் ரன்ரேட் சமன்பாடுகள் மிகவும் சிக்கலாகும். சில கணக்கீடுகளின்படி, 16 புள்ளிகள் பெற்றாலும் இந்த சீசனில் நெட் ரன்ரேட் காரணமாக ஒரு அணி வெளியேறக்கூடிய சூழல் இருக்கிறது.
CSK-க்கு இன்னும் SRH மற்றும் GT போன்ற கடினமான போட்டிகள் மீதமுள்ளது. அதனால், தங்கள் போட்டிகளை வெல்வது அவசியம். பஞ்சாப் கிங்ஸ் போன்ற நேரடி போட்டியாளர்கள் தோல்வியடைவது முக்கியம். நெட் ரன்ரேட்டை உயர்த்தும் வகையில் பெரிய வெற்றிகள் தேவைப்படலாம்.
கிரிக்கெட் பகுப்பாய்வுகளின்படி, CSK தனது மீதமுள்ள அனைத்து போட்டிகளையும் வென்றால் பிளேஆஃப் வாய்ப்பு மீண்டும் அதிகரிக்கும். ஆனால் இரண்டு வெற்றிகளை பெற்றாலும் மற்ற அணிகளின் முடிவுகளை நம்ப வேண்டிய நிலை இருக்கும்.
55
ரசிகர்கள் மத்தியில் பரபரப்பு
ஐபிஎல் 2026 சீசனின் சிறப்பு என்னவென்றால், கடைசி சில போட்டிகள் வரை பல அணிகள் பிளேஆஃப் ரேஸில் இருப்பதே. குறிப்பாக CSK போன்ற பெரிய ரசிகர் ஆதரவு கொண்ட அணி இன்னும் கணக்கில் இருப்பதால், ஒவ்வொரு போட்டியும் “virtual knockout” போல மாறியுள்ளது. இன்று நடைபெறும் PBKS vs RCB போட்டியும் அதுபோன்ற ஒன்றாக பார்க்கப்படுகிறது.
