Suriya Peyarchi 2023: சூரிய பகவான் மிதுனம் ராசியில் சஞ்சரிக்கும் மாதமாகிய ஆனியில் மேஷம், ரிஷபம், மிதுனம், கடகம் ஆகிய 4 ராசியினருக்கு என்னென்ன பலன்கள் என்பதை பார்க்கலாம்.
சூரிய பகவான் மிதுனம் ராசியில் சஞ்சரிக்கும் மாதமாகிய ஆனியில், அதாவது ஜூன் மாதத்தில் பலன் பெறும் ராசிகளின் விவரம்..
மேஷம்:
சூரியன் மூன்றாமிடத்தில் பயணம் செய்யும் இந்த நேரத்தில் உங்களுடைய புதிய முயற்சியில் உங்களுக்கு வெற்றிக்கு மேல் வெற்றி கிடைக்கும். வெளியூருக்கு போகும் வாய்ப்பு கிடைக்கும். வியாபாரம் முன்னேற்றம் காணும். உங்களுடைய பேச்சால் எல்லோரையும் ஈர்ப்பீர்கள். பிறரோடு தகவல் பரிமாறும் நிலை மாறும். இந்த மாதம் நீங்கள் புது வாகனம் வாங்கும் யோகம் உண்டாகும். குழந்தைகள் வழியில் நல்ல செய்திகள் வரலாம். நினைத்த காரியம் நடக்கும். வீட்டில் மகிழ்ச்சி பெருகும். உடலில் சோம்பல் விலகி சுறுசுறுப்பு கூடும். நிதி பிரச்சனைகளில் நண்பர்கள், வாழ்க்கை துணையின் உதவிகளை பெறுவீர்கள்.
ரிஷபம்:
உத்தியோகத்தில் உள்ளவர்களுக்கு இந்த மாதம் ஊதிய உயர்வு கிடைக்கும் வாய்ப்புள்ளது. இளைய உடன்பிறப்புகளால் உங்களுக்கு நன்மை ஏற்படும். ஆன்மீக பயணம் மேற்கொள்வீர்கள். அண்டை வீட்டுக்காரர்களால் பல நன்மைகள் கிடைக்கும். உங்களுடைய புத்தி கூர்மை மேம்படும். பேசியே காரியம் சாதிக்கும் திறன் வரும். தொழில், பணி மேம்படும். நீங்கள் செய்யும் காரியங்கள் வெற்றி பெறும். ஆரோக்கியத்தில் கவனம் தேவை.
மிதுனம்:
உத்தியோகத்தில் தலைமைப் பதவியை அடைவீர்கள். கல்வி விஷயத்தில் அப்பாவின் ஆதரவு கிடைக்கும். வீடு மனை வாகனம் ஆகிய வழிகளில் பண வரவு உயரும். பெண்களுக்கு புத்தாடை ஆபரண சேர்க்கைகள் அதிகமாகும். சில வாரங்களுக்கு பங்குச்சந்தை முதலீடுகளை தவிர்ப்பது நல்லது. பூர்வீக சொத்திலிருந்து பண வரவு வரலாம். தொழிலில் நல்ல லாபம் கிடைக்கும். வியாபாரத்தில் செய்யும் முதலீடுகள் அதிகமாகும் வாய்ப்புள்ளது. குடும்ப சுற்றுலா செல்ல வாய்ப்பு கிட்டும்.
கடகம்:
செய்யும் தொழிலில் முதலீடுகள் அதிகமாகும். வெளிநாட்டு தொடர்புகள் மூலம் பணம் பெருகலாம். நெருப்பு தொடர்புடைய பொருள்களில், கூர் முனை கொண்ட பொருள்களில் கவனமாக இருங்கள். சூரிய பகவானால் உங்களுடைய முகம் பொலிவு பெறும். கணவன் மனைவிக்குள் நெருக்கம் அதிகரிக்கும். கமிஷன் வியாபாரத்தில் ஈடுபட்டுள்ளவர்களுக்கு லாபம் அதிகரிக்கும். தொழில் சம்பந்தமாக வெளியூர் பயணம் செல்ல வாய்ப்புள்ளது. அஷ்டம சனியால் உங்களுடைய உடல் உழைப்பு அதிகமாகும். சிலருக்கு புதிய வீடு வாங்கும் யோகம் கிடைக்கும்.