Chanakya's advice on father-daughter relationships: இந்திய வரலாற்றில் மிகப்பெரிய அறிஞர்களில் ஒருவராக விளங்கிய சாணக்கியர், மகள்களை வைத்திருக்கும் தந்தைகள் தவறுதலாக செய்யக்கூடாதவை குறித்து பட்டியலிட்டுள்ளார். அது குறித்து இந்த பதிவில் பார்க்கலாம்.
சாணக்கியர் இந்திய வரலாற்றில் மிகப்பெரும் அறிஞர்களில் ஒருவராகவும், அரசியல் மற்றும் வாழ்க்கை நெறிமுறைகளை வகுத்தவராகவும் அறியப்படுகிறார். அவரது ‘நீதி சாஸ்திரம்’ என்னும் நூல் மனித வாழ்க்கையின் பல்வேறு அம்சங்களை பற்றி ஆழமான அறிகுறிகளை வழங்குகிறது. இதில் குடும்ப உறவுகள், பெற்றோருக்கும் பிள்ளைகளுக்கும் இடையேயான பொறுப்புகள் குறித்த முக்கியமான கருத்துக்கள் உள்ளன. குறிப்பாக மகள்களை வைத்திருக்கும் தந்தைகள் சில விஷயங்களை கவனமாக கையாள வேண்டும் என்று சாணக்கியர் கூறுகிறார். அது குறித்து இந்த பதிவில் பார்க்கலாம்.
27
1.மகளின் மரியாதையை பாதிக்கும் பேச்சு
ஒரு தந்தை தன் மகளைப் பற்றி மற்றவர்கள் முன்னிலையில் இழிவாகவோ, அவமதிக்கும் வகையிலோ பேசக்கூடாது. மகளின் மரியாதையை பாதுகாப்பது தந்தையின் முதல் கடமையாகும். தந்தையின் வார்த்தைகள் மகளின் மனதில் ஆழமான தாக்கத்தை ஏற்படுத்தும். எவ்வளவு சிறிய தவறாக இருந்தாலும் மகளைப் பற்றி எதிர்மறையாக பேசுவது அவளது தன்னம்பிக்கையையும், குடும்பத்தில் அவளுக்கு உள்ள மதிப்பையும் குறைத்து விடும். எனவே மற்றவர்கள் முன்னிலையில் மகளை இழிவுபடுத்தக் கூடாது என்று சாணக்கியர் கூறுகிறார்.
எடுத்துக்காட்டாக தந்தை தன் மகளின் தோல்விகள் அல்லது குறைகளை பொதுவெளியில் விமர்சித்தால் அது தாழ்வு மனப்பான்மையை உருவாக்கும். எனவே தந்தை எப்போதும் மகளை ஊக்கப்படுத்தும் வகையிலேயே பேசவேண்டும்.
37
2.தனிப்பட்ட வாழ்க்கையில் தேவையற்ற தலையீடு
ஒரு தந்தை தன் மகளின் தனிப்பட்ட முடிவுகளை மதிக்க வேண்டும் என்று சாணக்கியர் வலியுறுத்துகிறார். கல்வி, தொழில், திருமணம் போன்ற முக்கிய முடிவுகளில் ஆலோசனை வழங்குவது தந்தையின் கடமையாக இருந்தாலும், அவளது விருப்பங்களை மீறி தனது விருப்பங்களை திணிப்பது தவறு என்று சாணக்கியர் கூறுகிறார். மகளின் தனித்தன்மையையும் அவளது ஆசைகளையும் புரிந்து அவளுக்கு உரிய சுதந்திரத்தை வழங்க வேண்டும்.
எடுத்துக்காட்டாக மகள் ஒரு தொழிலை தேர்ந்தெடுக்கும் பொழுது தந்தை அதில் குறிக்கீடு செய்யாமல், தனது விருப்பத்தை திணிக்காமல் அவளது ஆர்வத்தையும், திறமையும் கருத்தில் கொள்ள வேண்டும். இது பெண்களின் தன்னம்பிக்கையை வளர்க்கும்.
குடும்பத்தில் மகன்களுக்கு கொடுக்கும் மரியாதையை மகள்களுக்கும் சமமாக கொடுக்க வேண்டும் என்று சாணக்கியர் வலியுறுத்துகிறார். மகள்களை வைத்திருக்கும் தந்தைகள் பாலின அடிப்படையில் பாகுபாடு காட்டுவது மிகப்பெரிய தவறு என்றும், மகனுக்கு வழங்கப்படும் வாய்ப்புகள், கல்வி, அன்பு, கவனிப்பு ஆகிய அனைத்தும் மகளுக்கும் சமமாக வழங்கப்பட வேண்டும் என்றும், மகளை புறக்கணிப்பது அல்லது இரண்டாம் பட்சமாக நடத்துவது மிகப்பெரிய பாவம் என்று சாணக்கியர் கூறுகிறார்.
எடுத்துக்காட்டாக தந்தை தன் மகனுக்கு உயர் கல்விக்கு முன்னுரிமை அளித்து மகளுக்கு திருமணத்தை மட்டுமே முக்கியமாக கருதினால் அது மகளின் திறமைகளை முடக்குவது போல் ஆகிவிடும் என்று சாணக்கியர் தெளிவுபடுத்துகிறார்.
57
4.மகளின் பாதுகாப்பை உறுதி செய்தல்
சாணக்கியர் கூறிய நீதியில், தன் மகளின் பாதுகாப்பை உறுதி செய்வது தந்தையின் முதன்மையான பொறுப்பு என்று கூறப்பட்டுள்ளது. தந்தையானவர் மகளின் உடல், மனம் மற்றும் உணர்ச்சி பாதுகாப்பை உறுதிப்படுத்துவது மிகவும் முக்கியம். மகளை எந்த ஒரு ஆபத்தான சூழ்நிலையிலும் தனியாக விடுதல் கூடாது. மகளின் சுற்றுப்புறத்தை பற்றி எப்போதும் விழிப்புடன் இருக்க வேண்டும்.
எடுத்துக்காட்டாக மகள் பயணம் செய்யும்பொழுது அல்லது புதிய இடங்களுக்கு செல்லும் பொழுது அவளுக்கு தேவையான ஆலோசனைகளையும், பாதுகாப்பு உணர்வையும் வழங்க வேண்டும் என்று சாணக்கியர் கூறுகிறார். இது மகளுக்கு பாதுகாப்பு உணர்வை அளிக்கும்.
67
5.திருமணம் பற்றிய அவசர முடிவுகள்
திருமணம் என்பது ஒவ்வொரு பெண்ணின் வாழ்க்கையிலும் முக்கியமான முடிவு. தந்தைகள் மகள்களின் திருமணத்தில் அவசரமாக முடிவெடுக்கக் கூடாது என்று சாணக்கியர் அறிவுறுத்துகிறார். மணமகனின் குடும்பம், குடும்பப் பின்னணி, பொருத்தம், மகளின் விருப்பம் ஆகிய அனைத்தையும் ஆராய்ந்து, எதிர்கால நலனை முதன்மையாக கருதி முடிவெடுக்க வேண்டும்.
சமூக அழுத்தத்தின் காரணமாக முடிவெடுப்பது, மகளின் வயது காரணமாக அவசர முடிவை எடுப்பது, அவர்களின் எதிர்கால வாழ்க்கையை பாதிக்கலாம். எனவே மகளின் மகிழ்ச்சியை மையமாக வைத்து மட்டுமே முடிவெடுக்க வேண்டும் என்று சாணக்கியர் அறிவுறுத்துகிறார்.
77
ஒவ்வொரு தந்தைக்கும் அறிவுரை
சாணக்கியர் தனது நீதி சாஸ்திரத்தில் ஒரு தந்தையின் பொறுப்பு என்பது மகளை வளர்ப்பதோடு மட்டுமல்லாமல், அவளை தன்னம்பிக்கை மிக்க, மரியாதைக்குரிய பெண்ணாக உருவாக்குவதிலும் உள்ளது என்பதை வலியுறுத்துகிறார். மகளின் மரியாதையை பாதுகாப்பது, சமமான வாய்ப்புகளை வழங்குவது, அவளது பாதுகாப்பை உறுதி செய்வது, அவளுக்கு அன்பையும் ஆதரவையும் வழங்குவது ஆகியவை ஒரு தந்தையின் முக்கிய கடமைகளாக அவர் கூறுகிறார்.
சாணக்கியரின் இந்த அறிவுரைகளை பின்பற்றுவதன் மூலம் ஒரு தந்தை தன் மகளின் வாழ்க்கையை மேம்படுத்துவது மட்டுமல்லாமல், சமூகத்திற்கு ஒரு புரட்சிகரமான பெண்ணையும் உருவாக்க முடியும்.
(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)
