பட்டைய கிளப்பினாரா பாலிவுட் பாட்ஷா?... ஷாருக்கானின் பதான் படம் எப்படி இருக்கு? - விமர்சனம் இதோ

சித்தார்த் ஆனந்த் இயக்கத்தில் ஷாருக்கான், தீபிகா படுகோனே, ஜான் ஆபிரஹாம் நடிப்பில் வெளியாகி இருக்கும் பதான் படத்தின் டுவிட்டர் விமர்சனத்தை இந்த தொகுப்பில் பார்க்கலாம்.

பாலிவுட் திரையுலகின் பாட்ஷாவாக வலம் வருபவர் ஷாருக்கான். இவர் ஹீரோவாக நடித்து கடைசியாக வெளிவந்த திரைப்படம் ஜீரோ. கடந்த 2018-ம் ஆண்டு ரிலீஸ் ஆன இத்திரைப்படம் படுதோல்வியை சந்தித்தது. அதன்பின் 4 ஆண்டுகளாக அவர் ஹீரோவாக நடித்த படங்கள் எதுவும் ரிலீஸ் ஆகவில்லை. இந்த 4 ஆண்டுகளில் இடையிடையே ராக்கெட்ரி, லால் சிங் சத்தா, பிரம்மாஸ்திரா போன்ற திரைப்படங்களில் கேமியோ ரோலில் மட்டும் நடித்திருந்தார் ஷாருக்.

இந்நிலையில், சுமார் 4 ஆண்டுகள் இடைவெளிக்கு பின்னர் ஷாருக்கான் ஹீரோவாக நடித்துள்ள பதான் திரைப்படம் இன்று திரையரங்குகளில் ரிலீஸ் ஆகி உள்ளது. இப்படத்தை சித்தார்த் ஆனந்த் இயக்கி உள்ளார். இதில் ஷாருக் கான் உடன் தீபிகா படுகோனே, ஜான் ஆபிரஹாம் ஆகியோர் நடித்துள்ளனர். இப்படம் உலகமெங்கும் 7500-க்கும் மேற்பட்ட திரைகளில் பிரம்மாண்டமாக ரிலீஸ் ஆகி உள்ளது.

பதான் திரைப்படம் முன்பதிவிலும் மாஸ் காட்டி இருந்தது. பாலிவுட்டில் ரிலீசுக்கு முன் அதிகம் முன்பதிவான படங்கள் பட்டியலில் கேஜிஎஃப் 2 சாதனையை முறியடுத்துள்ளது பதான். இப்படத்தின் ரிலீசுக்கு முன்னரே 5.2 லட்சத்துக்கும் அதிகமான டிக்கெட்டுகள் விற்றுத்தீர்ந்துள்ளன. இந்த பட்டியலில் ராஜமவுலி இயக்கத்தில் வெளியான பாகுபலி 2 திரைப்படம் முதலிடத்தில் உள்ளது.

பதான் திரைப்படம் இன்று ரிலீஸ் ஆகி உள்ள நிலையில், அதனை ரசிகர்கள் உற்சாகமாக கொண்டாடி வருகின்றனர். ஷாருக்கானுக்கு பிரம்மாண்ட கட் அவுட்டுகள் வைத்தும், தியேட்டர் முன் ஆட்டம் பாட்டம் என கொண்டாடி வருகின்றனர். இந்நிலையில், பதான் படத்தின் விமர்சனங்களும் டுவிட்டரில் வெளிவந்த வண்ணம் உள்ளன. அதனை இந்த தொகுப்பில் பார்க்கலாம்.

இதையும் படியுங்கள்... திரும்ப வந்துட்டேன்னு சொல்லு! டுவிட்டர் பக்கம் மீட்பு... மீண்டும் அதிரடி காட்ட தயாரான கங்கனா ரனாவத்

அதன்படி படம் பார்த்த நெட்டிசன் ஒருவர் பதிவிட்டுள்ளதாவது : “என்ன ஒரு படம். கேஜிஎஃப் தான் மிகப்பெரிய ஆக்‌ஷன் திரில்லர் என சொல்பவர்கள் கண்டிப்பாக பதான் படம் பார்க்க வேண்டும். படம் வேறலெவலில் இருக்கிறது. சல்மான் கான் உள்பட இப்படத்தில் நடித்த நடிகர்கள் அனைவருக்கும் வாழ்த்துக்கள்” என பதிவிட்டுள்ளார்.

மற்றொருவர் போட்டுள்ள பதிவில், “பதான் படத்தில் ஷாருக்கானின் எண்ட்ரி வெறித்தனமாக இருக்கிறது. தீபிகா மற்றும் ஜான் ஆபிரஹாமின் நடிப்பும் சூப்பர். படத்தின் முதல் பாதி நன்றாக இருந்தது. இரண்டாம் பாதி ஆக்‌ஷன் விருந்தாக இருந்தது. சல்மான் கான் கேமியோ சிறப்பாக இருந்தது. இது ஷாருக்கானுக்கு மட்டும் கம்பேக் இல்லை. பாலிவுட்டுக்கே கம்பேக் படமாக அமைந்துள்ளது” என குறிப்பிட்டுள்ளார்.

மற்றொரு டுவிட்டர் பதிவில், “பதான் திரைப்படம் அருமையாக எடுக்கப்பட்டு உள்ளது. ஜான் ஆபிரஹாமிற்கு ஷாருக்கானுக்கும் இடையேயான மோதல் பார்ப்பவர்களை பரவசப்படுத்துகிறது. பதான், ஷாருக்கானுக்கு நிச்சயம் வெற்றிப்படமாக அமையும்” என தெரிவித்துள்ளார்.

பதான் படம் குறித்து நெட்டிசன் ஒருவர் பதிவிட்டுள்ளதாவது : “பதான் மூலம் மீண்டும் ஒரு பவர்ஹவுஸ் பர்பார்மன்ஸை கொடுத்திருக்கிறார் ஷாருக்கான். மீட்பை நோக்கிய ஒரு மனிதனின் பயணத்தை மிகவும் விறுவிறுப்பாக படமாக்கி உள்ளனர். சவாலான கேரக்டரை ஷாருக்கான் சிறப்பாக கையாண்டு இருக்கிறார்” என குறிப்பிட்டுள்ளார்.

இதையும் படியுங்கள்... ரிசார்ட் ஓனரை 13 வருடங்களாக காதலித்து வரும் கீர்த்தி சுரேஷ்! யார் அவர்? வெளியான பரபரப்பு தகவல்!