தமிழக அரசியலில் 2026 சட்டமன்றத் தேர்தலை முன்னிட்டு அரங்கேறியுள்ள மிகப்பெரிய "ட்விஸ்ட்", தேமுதிக - திமுக கூட்டணிதான். குறிப்பாக, விஜயகாந்தின் புதல்வர் விஜய பிரபாகரனுக்கு விருதுநகர் தொகுதி ஒதுக்கப்பட்டிருப்பது, அரசியல் வட்டாரத்தில் ஒரு 'ஜாக்பாட்' நிகழ்வாகப் பார்க்கப்படுகிறது.
கேப்டன் விஜயகாந்த் மறைவுக்குப் பிறகு, தேமுதிக எந்தப் பக்கம் சாயும் என்ற கேள்விக்கு விடையாக, பிப்ரவரி 2026-ல் அக்கட்சி திமுக-வுடன் கைகோர்த்தது. இந்த நிலையில், தேமுதிக-வின் இளந்தலைவர் விஜய பிரபாகரனுக்கு விருதுநகர் சட்டமன்றத் தொகுதி ஒதுக்கப்பட்டிருப்பது, அக்கூட்டணியின் வெற்றிக்கான முதல் விதையாகக் கருதப்படுகிறது.
24
விருதுநகர் தொகுதி ஏன்?
விஜய பிரபாகரனுக்கு விருதுநகர் தொகுதி ஒதுக்கப்பட்டதற்குப் பின்னால் ஒரு வலுவான காரணம் இருக்கிறது. 2024 மக்களவைத் தேர்தலில் இதே விருதுநகர் தொகுதியில் களம் கண்ட விஜய பிரபாகரன், மிகக் குறைந்த வாக்குகள் வித்தியாசத்தில் (சுமார் 4,379 வாக்குகள்) மட்டுமே வெற்றியைத் தவறவிட்டார்.
முதல் தேர்தலிலேயே காங்கிரஸின் மூத்த தலைவர் மாணிக்கம் தாகூருக்கு இணையாக வாக்குகளைச் சேகரித்தது டெல்லி வரை கவனிக்கப்பட்டது. விஜயகாந்தின் உருவ ஒற்றுமை மற்றும் அவரது எளிமை அந்தப் பகுதி மக்களிடையே, குறிப்பாகப் பெண்களிடையே விஜய பிரபாகரனுக்கு ஒரு தனி இடத்தைப் பிடித்துத் தந்துள்ளது.
34
திமுக-வின் கணக்கு என்ன?
வழக்கமாகத் தென் மாவட்டங்களில் திமுக-வுக்குச் சவாலான சூழல் நிலவும். ஆனால், தேமுதிக-வை உள்ளே இழுத்து, விஜய பிரபாகரன் போன்ற ஒரு இளந்தலைவரை அங்கு நிறுத்துவதன் மூலம் தென் மாவட்டங்களில் கூடுதல் இடங்களை அறுவடை செய்யலாம் என முதல்வர் ஸ்டாலின் கணக்குப் போடுகிறார்.
அதிமுக - பாஜக கூட்டணியை விட்டு தேமுதிக வெளியேறியது அந்தப் பக்கத்திற்குப் பலவீனம் என்றால், அது திமுக-வுக்குப் பெரும் பலம். விஜய பிரபாகரனின் ஆக்ரோஷமான பேச்சும், களப்பணியும் இளைஞர்களைக் கவர்ந்துள்ளதால், இது திமுக கூட்டணிக்கு கூடுதல் 'பூஸ்ட்' கொடுக்கும்.
விஜய பிரபாகரனின் அரசியல் எதிர்காலம்
இந்தத் தேர்தல் விஜய பிரபாகரனுக்கு ஒரு அக்னிப் பரீட்சை. கடந்த முறை நூலிழையில் தவறவிட்ட வெற்றியை, இந்த முறை திமுக-வின் அசுர பலத்துடன் இணைந்து தன்வசமாக்க அவர் தீவிரமாகக் களம் இறங்கியுள்ளார். விருதுநகர் தொகுதியைப் பொறுத்தவரை, அவர் ஒரு 'லோக்கல் ஹீரோ'வாகவே பார்க்கப்படுகிறார். இது அவருக்கு மட்டுமல்ல, அவரது தாயார் பிரேமலதா விஜயகாந்தின் தலைமைக்கும் ஒரு முக்கியமான வெற்றியாக அமை
முன்னதாக, எடப்பாடி பழனிசாமி மற்றும் எஸ்.பி. வேலுமணி ஆகியோர் தேமுதிக-வை இழுக்கப் பல முயற்சிகளை மேற்கொண்டனர். ஈஷா யோகா மையச் சந்திப்பு வரை அனைத்தும் சாதகமாக இருந்தும், கடைசி நேரத்தில் திமுக கொடுத்த சட்டமன்ற இடங்கள் + மாநிலங்களவை சீட் உறுதிமொழி ஜாக்பாட் ஆஃபர் தேமுதிக-வை அண்ணா அறிவாலயம் பக்கம் திருப்பியது.
விருதுநகர் தொகுதி ஒதுக்கீடு என்பது விஜய பிரபாகரனுக்குக் கிடைத்துள்ள மிகப்பெரிய அரசியல் அங்கீகாரம். கேப்டனின் வாரிசு என்ற அடையாளத்தைத் தாண்டி, சட்டமன்ற உறுப்பினர் என்ற அந்தஸ்தைப் பெற இது அவருக்கு ஒரு பொன்னான வாய்ப்பு. திமுக - தேமுதிக கூட்டணி தென் தமிழகத்தில் ஒரு புதிய அரசியல் அத்தியாயத்தை எழுதும் என்பதில் சந்தேகமில்லை.
