Eggs In Fridge : ஃபிரிட்ஜில் ஏன் முட்டைகளை வைக்கிறார்கள்? அதனை எத்தனை நாட்களில் பயன்படுத்த வேண்டும் என்பதற்கான காரணங்களை இங்கு தெரிந்து கொள்வோம்.
ஃபிரிட்ஜில் காய்கறிகள், பழங்கள், பால், மாவு, ஸ்வீட்ஸ் அவ்வளவு ஏன் சில மருந்துகளை கூட வைப்பார்கள். ஏனென்றால் வெளியில் வைப்பதால் அவை சீக்கிரமே கெட்டுப் போய்விடும். அவற்றை நீண்ட கால பயன்பாட்டுக்காவும், புதிது போலவே இருப்பதற்காகவும் ப்ரிட்ஜில் வைப்பார்கள். அதைப் போல முட்டைகளையும் பிரிட்ஜில் வைப்பார்கள். பல வீடுகளில் இதை செய்வார்கள். அதுவும் பல நாள்களாக முட்டைகள் பிரிட்ஜிலேயே இருக்கும். ஆனால் இப்படி வைப்பது நல்லதா என எப்போதாவது சிந்தித்துள்ளீர்களா? இந்த பதிவில் விரிவாக தெரிந்து கொள்ளுங்கள்.
சிலர் முட்டைகள் நீண்ட காலம் கெடக்கூடாது என ஃபிரிட்ஜில் வைத்து பழகிவிட்டார்கள். எந்த பொருளுமே அதன் இயற்கையான காலாவதி நாட்களில் கெடுவது தான் நல்லது. அதை பதப்படுத்தி உண்பதால் உடலுக்கு தீங்குதான் ஏற்படும். சில ஆய்வுகள் முட்டைகளை ஃப்ரிட்ஜில் சேமித்து வைத்து தாமதமாக உண்பதால் உடலில் சில நோய்கள் வர வாய்ப்பாக அமையும் என சொல்கின்றன. ஃபிரிட்ஜில் ஏன் முட்டைகளை வைக்கிறார்கள்? அதனை எத்தனை நாட்களில் பயன்படுத்த வேண்டும் என்பதற்கான காரணங்களை தெரிந்து கொண்டால் உங்களுக்கே புரியும்.
முட்டையில் உள்ள பாக்டீரியா!!
சால்மோனெல்லா என்ற பாக்டீரியா விலங்குகளின் குடல்களில் வசிப்பவை. இவை நமது உடலுக்குள் செல்லும்போது கடுமையான வயிற்றுப்போக்கை ஏற்படுத்தக் கூடியது. அதனால் தான் முட்டையை பச்சையாக குடிக்கக் கூடாது என்பார்கள். இந்த பாக்டீரியா நமது உடலுக்குள் செல்வதால் பல கொடூர பாதிப்புகளை ஏற்படுத்த முடியும்.
கோழிகளில் காணப்படும் சால்மோனெல்லா என்ற இந்த நுண்ணுயிரி நாம் சாப்பிடும் உணவில் கலக்கும்போது வாந்தி, வயிற்றுப்போக்கு போன்றவற்றை ஏற்படுத்தும். கோழி முட்டைகளில் மேற்புறத்தில், உள்பகுதியிலும் இந்த பாக்டீரியா காணப்படுகிறது. வெளிப்புறத்தில் இருக்கும் சால்மோனெல்லா எப்படி நம் உணவுக்குள் செல்லும் என அலட்சியமாக இருந்துவிடாதீர்கள்.
நல்ல முட்டைகளை கண்டுபிடிக்கும் சோதனை:
மெழுகுவர்த்தி கொண்டு சோதனை செய்வதன் மூலம் முட்டையை புதிய முட்டையா என கண்டுபிடிக்கலாம். மெழுகுசர்த்தியை முட்டைகள் மீது காட்டும்போது அவை புதிய முட்டைகளாக இருந்தால் தெளிவான, வரையறுக்கப்பட்ட நிழலைக் காட்டும்.
நீரை பயன்படுத்தியும் புதிய முட்டைகளை கண்டுபிடிக்கலாம். புதிய முட்டைகள் நீரில் மூழ்கும்; பழைய முட்டைகள் நீரில் மிதக்கும்.
ஃப்ரிட்ஜில் முட்டைகளை வைக்க காரணங்கள்:
முட்டைகளை அறை வெப்பநிலையில் வைத்து பயன்படுத்துவதை விட அதை குளிரூட்டி பயன்படுத்துவது நல்லது என கூறப்படுகிறது. இதனால் முட்டையில் உள்ள நச்சுத்தன்மைகளை தடுக்க முடியும். முட்டையில் உள்ள பாக்டீரியாவான சால்மோனெல்லா பிரிட்ஜில் பலுகி பெருக வாய்ப்பில்லை. அதனால் ஃப்ரிட்ஜில் வைப்பது நல்லது என கூறப்படுகிறது.
ஃபிரிட்ஜில் முட்டைகளை வைப்பதால் அதனுடைய தாதுக்கள், மற்ற சத்துக்களை நாட்கள் ஆனாலும் அப்படியே பெற முடியும்.
சில சமயங்களில் ஃபிரிட்ஜில் வைக்கும் முட்டைகளின் சுவை மாறிவிடும். அதில் ஒரு புளிப்புச் சுவை வர வாய்ப்புள்ளது. ஆனால் அறை வெப்பநிலையில் வைத்திருப்பது அப்படி இருக்காது.
சால்மோனெல்லா பாக்டீரியாவிலிருந்து ஃப்ரிட்ஜில் உள்ள முட்டைகளை பாதுகாக்க முடியும்.
ஃப்ரிட்ஜில் வைக்கும் முட்டைகள் கிட்டத்தட்ட 28 நாட்கள் வரை கெடாமல் இருக்கும். அறைவெப்பநிலையில் முட்டைகள் விரைவில் அழுகும். காலநிலைக்கு ஏற்ப அதன் சுவையும் மாறுபடும்.
அறைவெப்பநிலையில் சால்மோனெல்லா பாதிப்பு ஏற்பட்டுள்ள முட்டைக்கு அருகில் வைக்கப்படும் மற்றொரு முட்டையும் அதன் பாதிப்புக்கு உட்படும். ஃபிரிட்ஜில் வைப்பதால் இது மாதிரியான நுண்ணுயிரிகள் பரவுதலை தடுக்க முடியும்.
எப்படியெல்லாம் சேமிக்கலாம்?
1. முட்டைகளை நீங்கள் வாங்கும் அட்டைப்பெட்டிகளில் அப்படியே வைத்து சேமிக்கவும் அல்லது வழக்கமாக முட்டைகளை வைக்கும் சாதனத்தில் வைக்கவும்.
2. ஃபிரிட்ஜில் எப்போதும் முட்டைகளை கீழே உள்ள அடுக்கில் வைக்கவும்.
3. முட்டையை ஃப்ரிட்ஜில் வைப்பதற்கு முன் முட்டைகளை கழுவுவதை தவிர்க்க வேண்டும்.
4. நல்ல புத்துணர்ச்சிக்கு 3 முதல் 5 வாரங்களுக்குள் முட்டைகளைப் பயன்படுத்திவிட வேண்டும். ஃபிரிட்ஜில் அதற்கு மேல் வைக்க கூடாது.
அறை வெப்பநிலையில் முட்டைகளை எத்தனை நாட்களுக்குள் சாப்பிட வேண்டும்?
கோழி வளர்ப்பினால் வீட்டில் உங்களுக்கு கிடைக்கும் முட்டையை இரண்டு நாட்களுக்குள்ளாக சாப்பிடுவது நல்லது. கடையிலிருந்து முட்டை வாங்குவதாக இருந்தால் வாங்கியதும் சமைத்து உண்பது சிறந்தது. அதை நீண்ட நாட்கள் சேமிப்பது நல்லதல்ல. உங்களுக்கு முட்டையை வேகவைத்து சாப்பிட விருப்பம் என்றால் பிரிட்ஜில் வைத்த முட்டைகளை தவிர்க்கலாம். ஏனென்றால் அறை வெப்ப நிலையில் வைத்துள்ள முட்டைகளின் வெள்ளைக் கரு தான் ஃபிரிட்ஜில் உள்ள முட்டைகளைவிட சுவை அதிகமாக இருக்கும்.
இதையும் படிங்க: முட்டை அதிகமா சாப்பிட்டா என்னென்ன பிரச்சனைகள் வரும் தெரியுமா?
முட்டைகளை ஃபிரிட்ஜில் ஏம் வைக்கக் கூடாது?
ஃபிரிட்ஜின் கதவை அடிக்கடி திறப்பதும், மூடுவதும் ஏற்கனவே உள்ளே உள்ள வெப்பநிலையில் ஏற்ற இறக்கங்களை ஏற்படுத்தும். இதனால் முட்டைகள் பாதிப்புக்குள்ளாகும்.
ஃபிரிட்ஜில் உள்ள ஈரப்பதம் முட்டைகளில் ஈரப்பதத்தை அதிகமாக்கும். இதனால் பாக்டீரியா வளர்ச்சியை ஊக்குவிக்கிறது.
புதியதாக வாங்கும் முட்டைகளை உடனடியாக ஃப்ரிட்ஜில் வைக்க வேண்டிய எந்த தேவையும் இல்லை. அவற்றை வெளியில் வைத்து பயன்படுத்தலாம்.
முட்டைகள் மற்ற உணவுகளிலிருந்து வாசனை மற்றும் சுவைகளை உறிஞ்சும்.
ஃப்ரிட்ஜில் எந்த உணவு பொருளையும் குறிப்பாக முட்டையை நீண்ட நாட்கள் வைத்து உபயோகம் செய்யாதீர்கள். இதுவே நீங்கள் உங்கள் உடலுக்கு செய்யும் நன்மை.
இதையும் படிங்க: முட்டையை தனியா சாப்பிடுறீங்களா? கீரையுடன் சேர்த்து சமைத்தால் எவ்ளோ சத்து கிடைக்கும் தெரியுமா?
சேனலை கிளிக் செய்து பின்தொடரவும்