Tiffin vs Breakfast: நம்ம காலையில சாப்பிடுற இட்லி, தோசைய 'டிபன்'னு சொல்றோம். ஆனா இந்த வார்த்தை நம்மளோடது இல்ல, பிரிட்டிஷ்காரங்க கொண்டு வந்ததுன்னு சொன்னா நம்புவீங்களா? வாங்க, இந்த 'டிபன்' கதையை முழுசாப் பாக்கலாம்.
பிரிட்டிஷ் இந்தியா காலத்துலதான் 'டிபன்' வார்த்தை உருவாச்சு. 'Tiffing' அப்படிங்கிற பழைய ஆங்கில வார்த்தையில இருந்து இது வந்துச்சு. 'Tiffing'னா லேசா குடிக்கிறது இல்லனா ஸ்நாக்ஸ் சாப்பிடுறதுன்னு அர்த்தம். இந்தியாவுல இருந்த பிரிட்டிஷ் அதிகாரிகளுக்கு, இங்க உள்ள வெயில் காரணமா மதியம் கனமான சாப்பாடு சாப்பிட முடியல. அதனால, லேசான உணவை 'டிபன்'னு சொல்ல ஆரம்பிச்சாங்க.
டிபன் vs பிரேக்ஃபாஸ்ட் ஆகியவற்றுக்கு இடையேயான வேறுபாடு என்ன?
ஆங்கிலத்துல காலை உணவுக்கு 'Breakfast'னு பேரு. ராத்திரி சாப்பிட்டதுக்குப் பிறகு நீண்ட நேரம் சாப்பிடாம இருக்கோம். காலையில அந்த விரதத்தை (Fasting) முறிக்கிறதுனால (Break) அதுக்கு 'Breakfast'னு பேரு. ஆனா நாம இட்லி, தோசை, உப்புமா போன்றவற்றை 'டிபன்'னு சொல்றோம். சாதம், குழம்பு வகைகளை 'சாப்பாடு'னு தனியா சொல்றோம். ஆக, 'டிபன்'ங்கிறது நம்மகிட்ட லேசான உணவுக்கான ஒரு தனி அர்த்தத்தைப் பெற்றிருக்கு.
டிபன் பாக்ஸ் – இந்தியா அதனை உலகிற்கு அறிமுகப்படுத்தியது.
'டிபன்'ங்கிற வார்த்தை உலக அளவுல பரவுறதுக்கு 'டிபன் பாக்ஸ்' கலாச்சாரம் ஒரு முக்கிய காரணம். குறிப்பா, மும்பை 'டப்பாவாலா' முறை இதுக்கு ஒரு பெரிய உதாரணம். வீட்டுச் சமையலை ஆபீஸுக்கு எடுத்துட்டுப் போற டப்பாக்களை 'டிபன் பாக்ஸ்'னு சொன்னதால, இந்த வார்த்தை உலகம் முழுக்கப் பிரபலமாச்சு. இந்திய ஆங்கிலத்துல இது ஒரு ஸ்பெஷல் வார்த்தையா நிலைச்சு நிக்குது.
தென்னிந்திய மாநிலங்கள்ல டிபன் கடைங்கிற வார்த்தைக்கு ஒரு தனி அடையாளம் இருக்கு. குறிப்பா, உடுப்பி ஹோட்டல்கள் மூலமா இந்த கலாச்சாரம் கிராமங்கள்ல இருந்து நகரங்கள் வரைக்கும் பரவியது. இப்போ காலை உணவு, மாலை நேர ஸ்நாக்ஸ் எல்லாத்துக்கும் 'டிபன்'ங்கிற வார்த்தைதான் பொதுவா புழக்கத்துல இருக்கு. மொத்தத்துல, 'டிபன்' பிரிட்டிஷ் காலத்துல பிறந்தாலும், இந்தியர்கள் அதுக்கு ஒரு புது அர்த்தத்தைக் கொடுத்துட்டாங்க. ஒரு வெளிநாட்டு வார்த்தையை நம்ம கலாச்சாரத்துக்கு ஏத்த மாதிரி மாத்தி, நம்ம அடையாளமா மாத்துனதுக்கு 'டிபன்' ஒரு சூப்பர் உதாரணம்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
