ஐயர்ன் பாக்ஸ் கறையையும், துணியில் படும் தீக்காயக் கறையையும் வீட்டில் இருக்கும் சில எளிய பொருட்களை வைத்தே நீக்கலாம். உங்கள் ஐயர்ன் பாக்ஸை மீண்டும் பளிச்சென்று மாற்ற முடியும். இந்த டிப்ஸ் ரொம்ப சிம்பிள், நீங்களும் முயற்சி செய்து பாருங்கள்.
ஐயர்ன் பாக்ஸ் அதிக சூடாகும் போது, அதன் அடிப்பாகம் கறுத்துவிடும். இதனால் துணிகளில் கறுப்பு அல்லது பழுப்பு நிறக் கறைகள் ஏற்படும். இது நம்முடைய ஆடைகளைக் கூட பாழாக்கிவிடும். இந்த கறைகளை எப்படி நீக்குவது என்று பார்க்கலாம்.
26
இந்த சிம்பிள் டிப்ஸை முயற்சி செய்யுங்கள்
இந்தக் கறையை எப்படி சரிசெய்வது என்று தெரியாவிட்டால், அந்தத் துணியை நிச்சயம் ஓரமாகப் போட்டுவிடுவோம். ஆனால் இனி கவலை வேண்டாம். சில எளிய வீட்டுக்குறிப்புகளைப் பயன்படுத்தி இந்த கறைகளை சுலபமாக நீக்கிவிடலாம்.
36
முதலில் என்ன செய்ய வேண்டும்?
துணியில் கறை படிந்தால், உடனே ஐயர்ன் பாக்ஸை அணைத்து ஆறவிடவும். ஒரு கிண்ணத்தில் 2 ஸ்பூன் உப்பு, 1-2 ஸ்பூன் வெள்ளை வினிகர் சேர்த்து பேஸ்ட் செய்யவும். இந்த பேஸ்ட்டை பழைய டூத் பிரஷ் கொண்டு ஐயர்ன் பாக்ஸின் கறுப்பான பகுதியில் தேய்க்கவும். 5-10 நிமிடங்கள் விட்டு, ஈரமான துணியால் துடைத்தால் கறை நீங்கிவிடும். இதே முறையைத் துணியில் உள்ள கறையை நீக்கவும் பயன்படுத்தலாம்.
கறுத்துப்போன ஐயர்ன் பாக்ஸை புதிது போல மாற்ற பேக்கிங் சோடா உதவும். 1 டீஸ்பூன் பேக்கிங் சோடாவை சிறிது தண்ணீருடன் கலந்து பேஸ்ட் ஆக்குங்கள். இதை ஐயர்ன் பாக்ஸ் கறையின் மீது தடவி 10 நிமிடங்கள் விட்டு, பிரஷ்ஷால் தேய்த்தால் கறை போய்விடும். இதே பேஸ்ட்டை துணியில் உள்ள கறை மீது தடவியும் நீக்கலாம்.
56
டூத்பேஸ்ட்
டூத்பேஸ்ட் இந்த கறைகளை நீக்க மிகவும் பயனுள்ளதாக இருக்கும். ஆனால், ஜெல் இல்லாத டூத்பேஸ்ட்டை பயன்படுத்த வேண்டும். அதை பிரஷ்ஷில் தடவி ஐயர்ன் பாக்ஸில் தேய்க்கவும். 5 நிமிடம் கழித்து, பழைய பிரஷ்ஷால் தேய்த்து சுத்தமான துணியால் துடைத்து எடுக்கவும்.
66
எலுமிச்சை பழத்தைப் பயன்படுத்துதல்
ஐயர்ன் பாக்ஸை பளபளப்பாக மாற்ற எலுமிச்சையையும் பயன்படுத்தலாம். எலுமிச்சையை பாதியாக வெட்டி, அதை பாக்ஸின் மீது தேய்க்கவும். 5-7 நிமிடங்கள் கழித்து, ஈரமான துணியால் துடைக்கவும். இதே எலுமிச்சை சாற்றை துணியில் உள்ள கறையின் மீது தடவி, வெயிலில் காய வைத்தால் கறை மறைந்துவிடும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
