நமது தசைகள், செல்கள் மற்றும் பிற உடல் கட்டமைப்புகளை ஆரோக்கியமாகவும் சரியாகவும் பராமரிக்க தேவையான வளர்ச்சி காரணிகளை புரதம் தான் வழங்குகிறது.
ஜிம்மில் ஒர்க்-அவுட் செய்யும் புரதத்தின் முக்கியத்துவத்தை அடிக்கோடிட்டுக் காட்டுகிறார்கள், ஆனால் உடற்பயிற்சி செய்யாதவர்களுக்கும் இது அவசியம். புரதம் நமக்கு உடலுக்கு தேவையான முக்கியமான சத்து. நமது தசைகள், செல்கள் மற்றும் பிற உடல் கட்டமைப்புகளை ஆரோக்கியமாகவும் சரியாகவும் பராமரிக்க தேவையான வளர்ச்சி காரணிகளை புரதம் தான் வழங்குகிறது.
சைவ உணவு டயட்கள் இப்போதெல்லாம் பிரபலமாகி வருகின்றன, ஆனால், அதிக ஊட்டச்சத்துக்கள் இருந்தாலும், அவை புரதம் மற்றும் வைட்டமின் பி 12 இல் பற்றாக்குறையாக இருக்கலாம். அமினோ அமிலங்கள் புரதங்களின் அடிப்படை கூறுகள். நம் வாழ்நாள் முழுவதும், அமினோ அமிலங்கள் செல் உருவாக்கம் மற்றும் வளர்ச்சிக்கு முக்கியமானவை. புரோட்டீன் நமது சருமம், முடி மற்றும் நகங்களுக்கு நன்மை பயக்கும். அதிக புரதச்சத்து உள்ள உணவு தசைகளின் மறுவாழ்வுக்கும் உதவுகிறது. குறைவான புரதத்தை உட்கொள்ளும் ஒரு நபர், சோர்வு மற்றும் தசை வலிமை குறைவு போன்ற பிரச்சனைகளை அனுபவிக்கலாம். எனவே புரதம் நிறைந்த உணவுகள் குறித்து தற்போது பார்க்கலாம்.
பழங்களில் பெரும்பாலும் புரதச்சத்து அதிகம் இல்லை, ஆனால் கொய்யா, வாழைப்பழம் மற்றும் பெர்ரிகளில் கணிசமான அளவு உள்ளது. உடற்பயிற்சி செய்வதற்கு முன் இந்த பழங்களை உட்கொள்வதால் தசைகள் வலிமையாவதுடன், சோர்வு குறையும்.
சைவ உணவு உண்பவர்களுக்கு உருளைக்கிழங்கு ஒரு சிறந்த உணவு. உருளைக்கிழங்கிலிருந்து தோராயமாக 8 கிராம் புரதத்தைப் பெறலாம். கூடுதலாக, உருளைக்கிழங்கு கணிசமான அளவு பொட்டாசியம் மற்றும் பிற வைட்டமின்களை வழங்குகிறது, அவை நம் ஆரோக்கியத்திற்கு நல்லது.
சியா விதைகள் இந்தியாவில் மிகவும் பிரபலமான சூப்பர்ஃபுட் ஆகி வருகிறது. சியா விதைகள் புரதத்தின் சிறந்த மூலமாகும். மேலும் அவை கால்சியம், மெக்னீசியம், இரும்பு, ஒமேகா -3 கொழுப்பு அமிலங்கள் மற்றும் பல ஊட்டச்சத்துக்களால் நிரம்பியுள்ளன, அவை நீண்ட காலத்திற்கு ஆரோக்கியமாக இருக்க உதவும்.
சைவ புரதத்தின் நம்பகமான ஆதாரத்தை நம் உணவில் சேர்க்க விரும்பினால், நட்ஸ் வகைகள் நமது உணவுத் தேர்வுகளில் சேர்க்கப்பட வேண்டும். சைவ உணவு உண்பவர்கள் பாதாம் பருப்பில் இருந்து போதுமான புரதத்தைப் பெறலாம். ஒவ்வொரு நாளும் ஒரு கைப்பிடி பாதாம் பருப்பில் 6 கிராம் வரை புரதம் காணப்படலாம். நமது உணவில் உள்ள புரதம் வேர்க்கடலை போன்ற பிற கொட்டைகளிலிருந்தும் வரலாம்.
அரை கப் சமைத்த பருப்பு, மார் 12 கிராம் புரதத்தை வழங்குகிறது. எனவே உணவில் தவறாமல் பருப்பு வகைகளை சேர்த்துக்கொள்ள வேண்டும். அதே போல் தானியங்களில் பொதுவாக கார்போஹைட்ரேட் அதிகமாக இருக்கும் என்று பலரும் நினைப்பார்கள். ஆனால் அவற்றில் கணிசமான அளவு புரதமும் உள்ளது. உதாரணமாக, அரை கப் ஓட்ஸில் 5 கிராம் புரதம் உள்ளது. கம்பு, தினை போன்ற பாரம்பரிய தானியங்களையும் உடலில் சேர்த்துக் கொள்ளலாம்.
சேனலை கிளிக் செய்து பின்தொடரவும்