பொங்கல் அன்று நிகழப்போகும் சூரியன் சஞ்சாரத்தால், அதிர்ஷ்ட மழையில் நனைய உள்ள 3 ராசிகள் குறித்து இந்த தொகுப்பில் பார்க்கலாம்.
நவகிரகங்களில் தலைவனாக இருக்கும், சூரியன் மாதத்திற்கு ஒருமுறை தன்னுடைய இடத்தை மாற்றுவார். இவருடைய இடமாற்றத்தின் போது தான் தமிழ் மாதங்கள் பிறக்கின்றன. எனவே சூரியனின் இடமாற்றம் மிகவும் முக்கியமான ஒன்றாக பார்க்கப்படுகிறது. அந்த வகையில் தை மாதம் 1-ஆம் தேதி, அதாவது பொங்கல் திருவிழாவை முன்னிட்டு நடைபெறும் சூரியன் சஞ்சாரத்தால், மூன்று ராசிகள் அதிர்ஷ்ட மழையில் நனைய போகின்றன.
சூரியனின் தாக்கம் எப்போதுமே 12 ராசிகளுக்கு உரியதாக இருந்தாலும், சில ராசிகள் நல்ல அணுகுலத்தை பெறுவதுண்டு. அந்த வகையில், இந்த ஆண்டு தை மாதம் பிறக்கும்போது சூரிய பகவான் மகர ராசியில் சஞ்சாரம் செய்ய உள்ளதால், மீன ராசிக்காரர்கள் நல்ல அதிர்ஷ்டத்தை பெறுவர். தொழில் ரீதியாக நல்ல முன்னேற்றம் ஏற்படும். பதவி உயர்வு கிடைக்க வாய்ப்புள்ளது. எதிர்பார்த்த பணம் கைக்கு வந்து சேரும். புதிய வருமானத்திற்கான வாய்ப்புகளும் உங்களை தேடி வரும். சேமிக்கும் எண்ணம் உங்கள் மனதில் தோன்றும். திருமண வாழ்க்கை மகிழ்ச்சியானதாக இருக்கும்.
இதைத்தொடர்ந்து தனுசு ராசிக்காரர்கள் சூரிய பகவான் சஞ்சாரத்தால் நல்ல அனுகூலத்தை பெற உள்ளனர். எடுத்த காரியம் சிறப்பாக முடியும். உங்களுக்கு பெற்றோர் மற்றும் குடும்பத்தினர் ஆதரவாக இருப்பார்கள். நீண்ட நாள் வராமல் இருந்த தொகை கைக்கு வரும். கடின உழைப்பு உங்களின் மேன்மைக்கு காரணமாக அமையும். வேலை இல்லாதவர்களுக்கு நல்ல வேலை அமையும். வருமானம் அதிகரிக்கும் கணவன் மனைவிக்கு இடையே அன்பு மேலோங்கும்.
சூரிய பகவானால் அதிர்ஷ்டத்தை பெற உள்ள மூன்றாவது ராசி விருச்சிக ராசி. உங்களின் மூன்றாவது வீட்டில் சூரிய பகவான் அமர உள்ளார். எனவே நீங்கள் கடின உழைப்பை செலுத்தினால் நிச்சயம் நல்ல பலன் கிடைக்கும். பல வருடங்களாக இழுத்துக் கொண்டு இருந்த வேலைகள் நல்லபடியாக முடியும். பூர்வீக சொத்து பிரச்சனைகள் முடிவுக்கு வரும். வேலை இல்லாதவர்களுக்கு நல்ல வேலை அமைய வாய்ப்புள்ளது. பதவி உயர்வு, சம்பள உயர்வு கிடைக்க அதிக வாய்ப்புள்ளது. மாணவர்கள் கல்வியில் சிறந்து விளங்குவார்கள் வெளிநாடு செல்வதற்கும் வாய்ப்புள்ளது.