செம்பருத்தி பூ தலைமுடிக்கு நல்லதுனு நினைச்சிருப்பீங்க! இந்த 1 பூ கொண்டு எத்தனை நோய்களை தீர்க்கலாம் தெரியுமா?
First Published Mar 20, 2023, 12:54 PM ISTசெம்பருத்தி பூவின் ஆரோக்கிய நன்மைகள் குறித்து இந்த பதிவில் முழுமையாக காணலாம்.
செம்பருத்தி பூவின் ஆரோக்கிய நன்மைகள் குறித்து இந்த பதிவில் முழுமையாக காணலாம்.
செம்பருத்தி பூவில் பல மருத்துவ குணங்கள் மறைந்திருப்பதாக நிபுணர்கள் கூறுகின்றனர். செம்பருத்தி பூ நம் இதயத்தை ஆரோக்கியமாக வைக்கிறது. இது உயர் இரத்த அழுத்தத்தைக் குறைப்பதில் குறிப்பாக பயனுள்ளதாக இருக்கும்.
ஜர்னல் ஆஃப் நியூட்ரிஷனில் வெளியிடப்பட்ட ஒரு ஆய்வின்படி, நாள்தோறும் செம்பருத்தி தேநீர் குடிப்பதால் ரத்த அழுத்தம் குறையும். நம் தமனிகளில் அழுத்தத்தைக் குறைக்கிறது. செம்பருத்திப் பூக்களில் இருக்கும் ஃபிளாவனாய்டுகள் மற்றும் பிற பைட்டோ கெமிக்கல்கள் இதயத்தை ஆரோக்கியமாக வைத்திருக்கின்றன.
செம்பருத்தி பூக்களின் இதழ்களை பறித்து அதை 200 மி.லி. நீரில் போட்டு கொதிக்கவிடுங்கள். இதை காலையில் அருந்தினால் ரத்த அழுத்தம் சீராக இருக்கும். ஒற்றைத் தலைவலி, முகப்பருக்கள், அசிடிட்டி, அல்சர், இரத்தக் கசிவு பிரச்சினைகள் ஆகியவை செம்பருத்தி பூ டீ குடித்தால் குணமாகும்.
செம்பருத்தி பூவுடைய சாறுடன், அதே அளவு தேங்காய் எண்ணெய் கலந்து வாணலியில் போட்டு நன்கு காய்ச்சி அதனை வடிகட்டி கொள்ளுங்கள். அதனை கண்ணாடி பாட்டில்களில் பாதுகாப்பாக வையுங்கள். இதனை நாள்தோறும் தலையில் தடவி வர தலைமுடி காடு மாதிரி அடர்த்தியாக வளர்வதை காண்பீர்கள்.
செம்பருத்தி பூ, கொழுப்பின் அளவைக் குறைக்கிறது. செம்பருத்தி பூக்களால் தயார் செய்த தேநீர் மொத்த கொழுப்பின் அளவை 22% வரை குறைக்கும் என ஆய்வுகள் சொல்கின்றன. செம்பருத்தியில் ஆன்டி-ஆக்ஸிடன்ட்கள் நிறைந்துள்ளன. அவை கெட்ட கொலஸ்ட்ரால் ஆக்சிஜனேற்றத்தைத் தடுக்கின்றன. இதய நோய் அபாயத்தைக் குறைக்கிறது.
இதையும் படிங்க: kidney: ஆயுளுக்கும் சிறுநீரக பிரச்சினை வராது.. இந்த 4 விஷயங்களை செய்தால்.. உங்க கிட்னி ஆரோக்கியமா இருக்கும்..!
செம்பருத்தியில் அழற்சி எதிர்ப்பு பண்புகள் உள்ளன. இவை இதய நோய் அபாயத்தைக் குறைக்க உதவுகின்றன. ஒரு ஆய்வின்படி, செம்பருத்தி சாற்றில் அதிக அளவு ஆக்ஸிஜனேற்றங்கள் உள்ளன. அவை கெட்ட கொலஸ்ட்ராலின் ஆக்சிஜனேற்றத்தைத் தடுக்கவும், இதய நோய் அபாயத்தைக் குறைக்கவும் உதவுகின்றன.
இதையும் படிங்க: International happiness day| சர்வதேச மகிழ்ச்சி தின வாழ்த்துகள்! மற்றவர்களோடு உங்க சந்தோஷத்தை பகிர சில டிப்ஸ்