Roof Top Cooling Ideas : கோடை வெயிலில் மொட்டை மாடி மிகவும் சூடாகிவிடும். இதன் காரணமாக இரவு நேரங்களில் புழுக்கம் அதிகரிக்கும். மொட்டை மாடியை கூலாக மாற்ற சில ஐடியாக்கள் உள்ளன. அதுகுறித்து இந்த பதிவில் விரிவாகப் பார்க்கலாம்.
கோடைக்காலம் வந்தாலே வீடு அனலாகக் கொதிக்கும். ஏசி, கூலர் போட்டாலும் சூடு குறையாது. இதற்கு முக்கிய காரணம் வீட்டு மொட்டை மாடிதான். வெயில் நேரடியாக வீட்டுக்குள் இறங்கும். இந்த வெயில் கொடுமையில் இருந்து தப்பிக்க, வீட்டை கூலாக வைத்துக்கொள்ள இந்த வழிகளைப் பின்பற்றினாலே போதும்.
26
ரூஃப் கூலிங் முறைகள்
கோடை வெயிலில் மொட்டை மாடி பயங்கரமாக சூடாகிவிடும். சூரிய ஒளி நேரடியாக கூரை மீது படுவதால், வீட்டுக்குள்ளும் வெப்பம் அதிகமாகும். இந்த சிக்கலை சரிசெய்ய 'ரூஃப் கூலிங்' ஒரு சிறந்த மற்றும் புத்திசாலித்தனமான தீர்வு. இது வீட்டுக்குள் இதமான சூழலை உருவாக்குவதோடு, மின்சாரப் பயன்பாட்டையும் பெருமளவில் குறைக்கும்.
36
மொட்டை மாடியில் கூரைகள் அமைத்தல்
ரூஃப் கூலிங் செய்தால் வீட்டுக்குள் வெப்பநிலை குறையும். இதனால் ஏசி, கூலர், ஃபேன் பயன்பாடு குறைந்து, மாதாந்திர மின்சாரக் கட்டணம் குறையும். கோடை காலத்திலும் வீட்டில் இருப்பவர்களுக்கு மிகவும் வசதியாக இருக்கும். வெயில் சூட்டினால் கூரையில் விரிசல் ஏற்படாமல், சேதம் ஆகாமல் இது பாதுகாக்கும். கூரையும் அதிக நாட்கள் உழைக்கும்.
இது குறைந்த செலவுள்ள முறை. மொட்டை மாடியில் வெள்ளை நிற பெயிண்ட் அல்லது பிரத்யேக கூல் ரூஃப் பெயிண்ட் அடித்தால், 80 சதவீதத்திற்கும் அதிகமான வெயில் நேரடியாக வீட்டுக்குள் வராது.
56
கூல் ரூஃப் டைல்ஸ்
சாதாரண டைல்ஸ் அல்லது கான்கிரீட்டிற்கு பதிலாக, வெப்பத்தை உறிஞ்சாத பிரத்யேக கூல் ரூஃப் டைல்ஸ் அல்லது செங்கற்களை கூரையில் பதிக்கலாம்.
66
பசுமைக் கூரை (Green Roof)
மொட்டை மாடியில் செடிகள், சிறிய தோட்டம் அமைத்தால் வீடு குளிர்ச்சியாக இருக்கும். இது வெப்பத்தைத் தடுப்பதோடு, காற்றையும் புத்துணர்ச்சியாக வைத்திருக்கும். தெர்மல் இன்சுலேஷன்: தெர்மாகோல், பாலியூரிதேன் ஃபோம் அல்லது சிறப்பு இன்சுலேஷன் போர்டுகளைப் பயன்படுத்தினால், வெப்பம் வீட்டுக்குள் ஊடுருவாமல் தடுக்கலாம்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
