Late Walking in Babies : சில குழந்தைகள் சரியான வயதில் நடக்காமல் தாமதமாக நடக்க ஆரம்பிப்பார்கள். இப்படி குழந்தைகள் தாமதமாக நடப்பதற்கு பல காரணங்கள் உண்டு. அவற்றைப் பற்றி இங்கு பார்க்கலாம்.
பிறந்த குழந்தைகள் ஒரு குறிப்பிட்ட மாதம் வந்தவுடன் நடக்க ஆரம்பித்தது விடுவார்கள். இப்போது நடப்பது குழந்தையின் வளர்ச்சியில் ஒரு முக்கிய கட்டமாகும். பொதுவாகவே குழந்தைகள் 9 முதல் 12 மாதங்கள் ஆனவுடனே நடக்க ஆரம்பித்து விடுவார்கள். சில குழந்தைகள் 15 மாதங்கள் கழித்து தான் நடக்க தொடங்குவார்கள். இன்னும் சொல்லப்போனால் ஒரு வயதுக்குள்ள ஏன் குழந்தைகள் முழுமையாக நடக்க ஆரம்பித்து விடுவார்கள்.
இருப்பினும் சில குழந்தைகள் நடப்பதற்கு தாமதமாகும். இப்படி தங்களுடைய குழந்தை நடக்கவில்லையே என்று பெற்றோர்கள் ரொம்பவே பயப்படுவார்கள். ஆனால் பெற்றோர்களை நீங்கள் பீதியடையாமல் அதற்கான காரணம் என்பதை முதலில் தெரிந்து கொள்ள வேண்டும்.
ஏனெனில் மரபணுக் காரணமாகக் கூட குழந்தைகள் நடப்பதற்கு தாமதமாகும். ஒருவேளை உங்களது குழந்தை ஒரு வயது இன்னும் நடக்கவில்லை என்றால் உடனே மருத்துவரிடம் அழைத்துச் செல்லுங்கள். அந்த வகையில் இந்த பதிவில் குழந்தைகள் தாமதமாக நடப்பதற்கான காரணங்கள் என்ன என்பதை பற்றி இப்போது பார்க்கலாம்.
இதையும் படிங்க: அம்மாக்களே ப்ளீஸ் நோட்! மழை காலத்தில் பிறந்த குழந்தையை பராமரிக்க சிம்பிள் டிப்ஸ்..!
குழந்தைகள் தாமதமாக நடப்பதற்கான பொதுவான காரணங்கள் :
வைட்டமின் டி குறைபாடு
எலும்புகள் மற்றும் தசைகளின் சரியான வளர்ச்சிக்கு வைட்டமின் டி மிகவும் அவசியம். வைட்டமின் டி குறைபாடு குழந்தைகள் நடப்பதற்கு தாமதத்திற்கு வழிவகுக்கும். ஏனெனில் இது பலவீனமான எலும்புகள் மற்றும் தசைகளை உண்டாக்கும்.
நரம்பியல் கோளாறுகள்
மூளை, முதுகுத்தண்டு உள்ளிட்ட நரம்பு மண்டலங்களில் ஏதேனும் பிரச்சினை இருந்தால் உங்கள் குழந்தை தாமதமாக நடப்பதற்கு முக்கிய காரணங்களில் ஒன்றாகும்.
இதையும் படிங்க: பிறந்த குழந்தைக்கு எப்போது ஆயில் மசாஜ் செய்ய ஸ்டார்ட் பண்ணலாம்?!
ரிக்கெட்ஸ்
ரிக்கெட்ஸ் என்பது வைட்டமின் டி கால்சியம் அல்லது பாஸ்பரஸ் குறைபாட்டால் ஏற்படும் ஒரு வகையான நிலையாகும். இது குழந்தைகளின் எலும்புகள் பலவீனப்படுத்தும். இது குழந்தைகள் தாமதமாக நடப்பதற்கு வழிவகுக்கும்.
ஹைபோ தைராய்டிசம்
தைராய்டு சுரப்பி போதுமான ஹார்மோன்களை உற்பத்தி செய்யாததால் , தசை பலவீன மற்றும் மோசமான ஒருங்கிணைப்பை ஏற்படுத்தும் இது குழந்தைகள் நடப்பதற்கு தாமதப்படுத்தும்.
குறைமாத பிறப்பு
குறை மாதத்தில் பிறந்த குழந்தைகளின் உடலும் மூளையும் இன்னும் முழுமையாகாமல் வளர்ச்சி அடையாமல் இருப்பதால் அவர்கள் நடப்பதற்கு தாமதமாகும்.