ரிலையன்ஸ் நிறுவனர் முகேஷ் அம்பானியின் ஆடம்பர வாழ்க்கை முறை பற்றி அனைவரும் அறிவர். ஆனால், அவரது வீட்டு சமையல்காரரின் மாதச் சம்பளம் எவ்வளவு என்பது பலருக்கும் தெரியாது. அம்பானியின் உணவுப் பழக்கம் மற்றும் அவரது வீட்டு ஊழியர்களின் சம்பளம் குறித்த சுவாரஸ்ய தகவல்களை இந்த பதிவில் காணலாம்.
ரிலையன்ஸ் நிறுவனரும் ஆசியாவின் பெரும்பணக்காரருமான முகேஷ் அம்பானி வெற்றிகரமான தொழிலதிபராக வலம் வருகிறார். அம்பானி குடும்பத்தினர் விலை உயர்ந்த கார்கள், ஆடைகள், ஆபரணங்கள் என ஆடம்பர வாழ்க்கையை வாழ்ந்து வருகின்றனர். மேலும் அம்பானி குடும்பத்தினர் கண்டிப்பான உணவுப் பழக்கத்தை பின்பற்றி வருகின்றனர்.
அம்பானி வீட்டில் வேலை செய்பவர்களும் லட்சக்கணக்கில் சம்பளம் வாங்குகின்றனர் என்பது பலருக்கும் தெரியும். அந்த வகையில் அம்பானியின் ஆடம்பர வீடான ஆண்டிலியாவின் சமையல்காரரின் ஒவ்வொரு மாதமும் எவ்வளவு சம்பாதிக்கிறார்? என்று உங்களுக்கு தெரியுமா? அம்பானியின் உணவுப் பழக்கம் மற்றும் அவரது வீட்டு ஊழியர்களின் சம்பளம் குறித்த சுவாரஸ்ய தகவல்களை இந்த பதிவில் காணலாம்.
முகேஷ் அம்பானியின் ஆண்டிலியா இல்லத்தில் உள்ள சமையல்காரரான மாதச் சம்பளம் ரூ.2 லட்சம் என்று தகவல்கள் தெரிவிக்கின்றன. அவரின் ஆண்டு வருமானம் ரூ.24 லட்சம். இந்த சம்பளத்துடன் கூடுதலாக, இழப்பீட்டுத் தொகுப்பில் சுகாதார காப்பீடு அவருக்கு உள்ளது. சமையல்காரர் மற்றும் அவர்களது குடும்பத்திற்கான கல்வி உதவி போன்ற பல்வேறு நன்மைகளும் அவருக்கு கிடைக்கின்றன.
முகேஷ் அம்பானி, பருப்பு, ரொட்டி மற்றும் சாதம் போன்ற எளிய உணவுகளை விரும்பி சாப்பிடுவாராம். அதே போல் தாய்லாந்து நாட்டு சமையலில் அவருக்கு தாய் சமையலில் தனிப் பிரியம் உண்டு. ஒவ்வொரு ஞாயிற்றுக்கிழமையும் இட்லி-சாம்பாரை விரும்பி சாப்பிடுவதாக அம்பானி ஒருமுறை கூறியிருந்தார். மேலும் பப்டி சாட் மற்றும் செவ் பூரி போன்ற தின்பண்டங்களை விரும்பி சாப்பிடுகிறார் என்றும் கூறப்படுகிறது.
குஜராத்தி உணவுகளை ரசித்து சாப்பிடும் முகேஷ் அம்பானி மும்பையில் உள்ள ஸ்வாதி ஸ்நாக்ஸ் போன்ற பிரபலமான இடங்களில் அடிக்கடி ஆர்டர் செய்து சாப்பிடுகிறார் என்று கூறப்படுகிறது. அம்பானிகள் விசேஷ சந்தர்ப்பங்களில் தங்கள் சமையல் குழுவினரால் தயாரிக்கப்படும் இந்திய மற்றும் சர்வதேச உணவுகளை சாப்பிடுகின்றனர்.
தனது பிஸியான கால அட்டவணையில் இருந்தபோதிலும், முகேஷ் எப்போதும் தனது குடும்பத்தினருடன் இரவு உணவருந்துவதற்கு நேரம் ஒதுக்குகிறார் என்று நீதா அம்பானி ஒருமுறை அளித்த பேட்டியில் கூறியிருந்தார். குடும்ப உணவுக்கான இந்த அர்ப்பணிப்பு அவர்களின் அன்றாட வழக்கத்தின் முக்கியமான அம்சமாகும். இது அவர்கள் ஒற்றுமைக்கு வைக்கும் மதிப்பிற்கு சான்றாக திகழ்கிறது..
இருப்பினும், ஆண்டிலியாவில் இருக்கும் சமையல்காரர் மட்டும் லட்சக்கணக்கில் சம்பாதிக்கவில்லை. அம்பானி வீட்டு ஓட்டுநர் மாதம் ரூ.2 லட்சம் சம்பாதிப்பதாகவும் கூறப்படுகிறது. கூடுதலாக, ஆண்டிலியாவில் பணிபுரியும் ஊழியர்கள் பலர் லட்சக்கணக்கில் சம்பளம் வாங்குவதாக அறிக்கைகள் தெரிவிக்கின்றன.
பக்கிங்ஹாம் அரண்மனைக்குப் பிறகு உலகின் மிகவும் விலை உயர்ந்த தனியார் இல்லமாகக் கருதப்படும் ஆன்டிலியா, மும்பையின் கும்பல்லா மலையில் அல்டாமவுண்ட் சாலையில் அமைந்துள்ளது. இந்த 27-அடுக்கு கோபுரம் 570 அடி உயரம் மற்றும் 400,000 சதுர அடி பரப்பளவில் உள்ளது.
அம்பானியின் இந்த அடம்பர பங்களாவில் மினி தியேட்டர், 9 பெரிய லிஃப்ட், நீச்சல் குளம், ஹெலிபேடுகள், 100க்கும் மேற்பட்ட கார்களை நிறுத்தும் இடம் என பல வசதிகள் இருக்கின்றன. இந்த வீட்டை கட்டி முடிக்க 4 ஆண்டுகள் ஆனது. மேலும் இந்த பிரம்மாண்ட வீட்டை கட்ட ரூ.15,000 கோடி செலவானதாகவும் தகவல்கள் தெரிவிக்கின்றன. அம்பானிகளின் ஆண்டிலியா வீட்டில் சுமார் 600 பேர் பணிபுரிகின்றனர் என்றும் கூறப்படுகிறது. இவர்களில் சிலர் லட்சங்களில் சம்பளம் வாங்குகின்றனர் என்பது குறிப்பிடத்தக்கது..