Sofa Cleaning Tips : இனி சோபா சுத்தம் பண்ண கஷ்டபட வேண்டாம்; இந்த ஒரு பொருள் வைத்து சுலபமா சுத்தம் பண்ணலாம்

அழுக்காக இருக்கும் சோபாவை புத்தம் புதுசாக மாற்றுவது எப்படி என்று இந்த பதிவில் காணலாம்.

தற்போது சோபா அனைத்து வீடுகளிலும் பயன்படுத்துகின்றன. வேலை முடித்து அலுப்பாக வீட்டிற்கு வந்தவுடன் சோபாவில் சிறிது நேரம் படுப்பது அவ்வளவு சுகமாக இருக்கும். இது தவிர படம் பார்ப்பது, சாப்பிடுவது, விருந்தாளிகள் வந்தால் அவர்களுடன் சிறிது நேரம் செலவிடுவது, குழந்தைகளுடன் விளையாடுவது என அனைத்து விஷயங்களையும் சோபாவில் தான் நாம் செய்வோம். இன்னும் சொல்லப் போனால் சோபா தான் பலருக்கும் பிடித்த இடமாகும்.

சோபா அழுக்காகாமல் இருக்க பலர் அதை கண்ணு கருத்துமாக பார்த்துக் கொள்வார்கள். ஆனாலும் காலப்போக்கில் அதில் அழுக்குகள் சேர்ந்து விடும். சிலர் அழுக்கான சோபாவை பயன்படுத்துவதை விரும்பாமல் புதிய சோபாவை வாங்குவார்கள். ஏனெனில் அழுக்கான சோபாவை சுத்தம் செய்வது அவ்வளவு எளிதான காரியம் அல்ல.

பலரது வீடுகளில் சோபாவை சுத்தம் செய்வதற்கு வேக்கம் கிளீனர் தான் பயன்படுத்துவார்கள் இது சோபாவில் இருக்கும் தூசிகளை சுலபமாக சுத்தம் செய்து விடுமே தவிர, கறைகள் அல்ல. ஆனால் வேக்கம் கிளீனர் இல்லாமல் சோபாவில் படிந்திருக்கும் விடாப்பிடியான கறைகளை பத்தே நிமிடத்தில் சுலபமாக சுத்தம் செய்வது எப்படி என்று இந்த பதிவில் பார்க்கலாம்.

இதற்கு முதலில் ஒரு பாத்திரத்தில் சூடான தண்ணீரை எடுத்துக் கொள்ளுங்கள். அதில் துணி துவைக்கும் லிக்விட் மற்றும் சிறிதளவு வினிகர் சேர்த்து ஒன்றாக கலந்து ஒரு துணியை கொண்டு அதில் நனைத்து சோபாவில் படிந்திருக்கும் கறையில் மீது நன்கு தேய்த்த பிறகு இப்போது பாருங்கள் கறை நீங்கியிருக்கும்.

அதுவே சோபாவில் விடாப்பிடியான கறை இருந்தால் சூடான நீரில் பேக்கிங் சோடாவை கலந்து கெட்டியான பேஸ்ட் போல் குளித்து அதை கறை மீது தடவி பிறகு ஈரமான துணியைக் கொண்டு துடைத்து பாருங்கள். கறை முற்றிலும் நீங்கிவிடும்.

துணியலான சோபாவை சுத்தம் செய்வதற்கு ஒரு பாத்திரத்தில் சூடான தண்ணீரில் ஒரு ஸ்பூன் துணி துவைக்கும் பவுடர் சேர்த்து நன்றாக கலந்து ஒரு துணியை அதில் நனைத்து சோபாவை துடைக்க வேண்டும். பிறகு சுத்தமான தண்ணீரில் மற்றொரு துணியை பயன்படுத்தி சோபாவை துடைத்தால் போதும். இப்போது சோபா பளிச்சுன்னு இருக்கும்.

லெதர் சோபாவை சுத்தம் செய்வதற்கு ஒரு பாத்திரத்தில் ஒரு ஸ்பூன் வினிகர் மற்றும் ஆலிவ் ஆயில் சேர்த்து நன்றாக கலந்து ஒரு துணி கொண்டு சோபாவை துடைத்தால் போதும் சோபா சுத்தமாகும்.

குறிப்பு : மாதத்திற்கு ஒரு முறை கண்டிப்பாக சோபாவை சுத்தம் செய்தால் கறைகள் படியாது. சோபாவும் புதுசு போல இருக்கும்.