Water Tank Cleaning Tips: நமது வீட்டில் இருக்கும் வாட்டர் டேங்கை ஆயிரக்கணக்கில் பணம் செலவழிக்காமல், கையைக்கூட நனைக்காமல் 3 எளிய வழியில் சுத்தம் செய்யலாம். அது குறித்து இந்த செய்தியில் விரிவாக பார்க்கலாம்.
இப்போது சொந்த வீடு வைத்திருப்பவர்கள் முதல் வாடகை வீட்டில் குடியிருப்பவர்கள் வரை சந்திக்கும் ஒரு பொதுவான பிரச்சனை 'வாட்டர் டேங்க்' சுத்தம் செய்வதுதான். நாம் பயன்படுத்தும் தண்ணீர் தொட்டியில் பாசி படிவதும், அடியில் வண்டல் மண் தேங்குவதும் இயல்பான ஒன்று. இதற்காக அடிக்கடி ஆட்களைத் தேடி அலைந்து, ஆயிரக்கணக்கில் செலவு செய்ய வேண்டியதில்லை. கையைக்கூட நனைக்காமல், மிக எளிய முறையில் உங்கள் வீட்டு தண்ணீர் தொட்டியை சுத்தம் செய்யலாம். அது குறித்து விரிவாக பார்ப்போம்.
24
சைஃபோன்’ (Siphon) முறை - கையே வைக்காமல் அடியிலுள்ள மண்ணை எடுக்கலாம்!
வாட்டர் டேங்கில் தண்ணீர் நிறைய இருக்கும்போது, அடியில் தேங்கியிருக்கும் வண்டல் மண்ணை மட்டும் எடுக்க இந்த முறை உதவும்.
* ஒரு நீளமான கார்டன் ஹோஸ் (Garden Hose) குழாயை எடுத்துக்கொள்ளுங்கள்.
* அதன் ஒரு முனையை டேங்கின் அடியில் உள்ள மண்ணிற்கு அருகில் கொண்டு செல்லுங்கள்.
* மறுமுனையை கீழே உள்ள மொட்டை மாடி தரையிலோ அல்லது ட்ரெய்னேஜிலோ விட்டு, லேசாக உறிஞ்சி தண்ணீரை வரவழையுங்கள்.
* இப்போது வேக்யூம் கிளீனர் போல, டேங்கின் அடியில் உள்ள மொத்த சேறும், கையே வைக்காமல் குழாய் வழியே வெளியேறிவிடும்.
34
வாட்டர் டேங்க் க்ளீனிங் பம்ப் (Cleaning Pump)
இன்று ஆன்லைனில் மிகக் குறைந்த விலையில் (Hand Pump/Submersible Pump) இதற்கான உபகரணங்கள் கிடைக்கின்றன. தண்ணீரை வீணாக்காமல், அடியில் உள்ள அழுக்கை மட்டும் உறிஞ்சும் சிறிய மோட்டார்கள் இவை. டேங்கிற்குள் இறங்காமல், மேலிருந்தபடியே இந்த பம்பை இயக்கி சில நிமிடங்களில் மொத்த கசடுகளையும் எளிதில் வெளியேற்றிவிடலாம்.
வாட்டர் டேங்கின் பக்கவாட்டுச் சுவர்களில் பாசி படிவதைத் தடுக்க, டேங்க் காலியாக இருக்கும் நேரத்தில், நீண்ட கைப்பிடி கொண்ட பிரஷ்ஷில் சிறிதளவு வினிகர் மற்றும் பேக்கிங் சோடா கலவையைத் தெளித்து தேய்க்கலாம். கை படாமல், மேலிருந்தபடியே நீண்ட குச்சி மூலம் இதைச் செய்யலாம். இது பாசியை வேரோடு அழித்து, மீண்டும் வராமல் தடுக்கும்.
முக்கிய குறிப்பு: தண்ணீரில் கிருமிகள் அழிய பிளீச்சிங் பவுடர் பயன்படுத்தும் போது, 1000 லிட்டர் தண்ணீருக்கு 10 கிராம் அதாவது ஒரு டேபிள் ஸ்பூன் மட்டுமே பயன்படுத்த வேண்டும். அளவுக்கு அதிகமாகப் பயன்படுத்தினால் தோலில் அரிப்பு ஏற்படும் என்பதை கவனத்தில் கொள்ளுங்கள்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
