Drumstick flower powder in Tamil: முருங்கைப் பூவை பொடி செய்து தினமும் 1 டீஸ்புன் சாப்பிட்டு வந்தால், உடலில் பல்வேறு ஆரோக்கிய நன்மைகள் உண்டாகும். அவை என்ன என்பதை பார்க்கலாம்.
முருங்கை மரத்தின் இலை, பூ, பிஞ்சு, காய், விதை, பட்டை, வேர் என அனைத்தும் மருத்துவ குணம் நிறைந்துள்ளது. இதில் பூக்களின் மருத்துவ பண்புகள் அலாதியானது. உடலின் வெப்பத்தை தணித்து குளிர்ச்சி தரக்கூடிய சக்தி முருங்கைப் பூக்களுக்கு உண்டு. கண்களை பாதுகாக்கும், பித்த மயக்கம் போக்கும் தன்மை கொண்டது. மேலும், ஞாபக மறதியைப் போக்கி நினைவாற்றலைத் தூண்டும் சக்தி முருங்கைப் பூவிற்கு உண்டு. மொத்தத்தில் முருங்கைப் பூவானது பிணி தீர்க்கும் மருந்தாகப் பயன்படுகிறது.
எப்படி உட்கொள்வது தெரியுமா..?
1. முருங்கைப் பூவை நிழலில் உலர்த்தி பொடித்து தேன் கலந்து சாப்பிட்டால் பார்வை திறன் அதிகரிக்கும். கண்களில் ஏற்படும் வெண் படலம் மாறி, பார்வை கோளாறுகள் சரியாகும்.
2. முருங்கைப் பூவை பசையாக அரைத்து கை, கால் வீக்கங்களுக்கு பற்று போட்டால் வீக்கம் குறையும்.
3. பிரண்டை, முருங்கைப் பூ, பொடியாக நறுக்கப்பட்ட தேங்காய் மூன்றையும் ஒரு கைப்பிடி அளவு எடுத்து வேக வைத்து குடித்தால் வயிற்று கோளாறு, அஜீரண பிரச்சனை, வயிற்று புண் ஆறும்.
4. குறிப்பாக தாய்ப்பால் கொடுக்கும் பெண்கள் முருங்கைப் பூவை உணவில் சேர்த்து கொண்டால், தாய்ப்பால் சுரப்பு அதிகரிக்கும்..
5. முருங்கைப் பூவை, பசும் பாலில் சேர்த்து கற்கண்டு சேர்த்து இரவில் குடித்து வந்தால், ஆண்மை பிரச்சனை சரியாகும். புது தெம்பு கிடைக்கும்.
6. உடல் சூடு அதிகள் உள்ளவர்கள் முருங்கை பூவை எடுத்து, பசுவம் நெய் விட்டு வதக்கி ஒரு டம்ளர் தண்ணீர் ஊற்றி நன்றாக கொதிக்க வைத்து குடித்தால், உடல் உஷ்ணம் சரியாகி உடல் குளிர்ச்சியாக இருக்கும்.