8 வாரம் மட்டுமே கிடைக்கும் கோவா குளிர்பானம்.! இந்த சீசன் ட்ரிங்க் ரகசியம் இதுதான்.!

கோவாவின் பாரம்பரிய பானமான 'உறக்' (Urrak), ஒவ்வொரு கோடை காலத்திலும் சில வாரங்கள் மட்டுமே கிடைக்கும். இது ஃப்ரெஷ்ஷான முந்திரிப் பழச்சாறில் இருந்து தயாரிக்கப்படும் இந்த பானத்தின் ருசி சுற்றுலா பயணிகளை ஈர்க்கும் தன்மை கொண்டது.

சீசனில் கிடைப்பதால் மவுசு அதிகம்

கோவாவின் குறுகிய கோடை காலத்தில் அறுவடை செய்யப்படும் முந்திரிப் பழச்சாறில் இருந்து 'உறக்' தயாரிக்கப்படுகிறது. இதன் ஃப்ரெஷ்ஷான, பழச் சுவை, கோவாவின் மற்றொரு பிரபலமான பானமான 'ஃபெனி'யிலிருந்து இதை முற்றிலும் வேறுபடுத்திக் காட்டுகிறது.

எட்டு வாரங்கள் மட்டுமே கிடைக்கும்

இந்த பானம் கோவாவில் ஒவ்வொரு ஆண்டும் வெறும் ஆறிலிருந்து எட்டு வாரங்கள் மட்டுமே கிடைக்கிறது. இந்த குறுகிய சீசன் காரணமாக, 'உறக்' உள்ளூர் மக்கள் மற்றும் சுற்றுலாப் பயணிகளிடையே ஒரு மதிப்புமிக்க பாரம்பர்ய பானமாக மாறியுள்ளது.

வேறு எங்கும் கிடைக்காது

கடைகளில் விற்கப்படும் மற்ற மதுபானங்களைப் போலல்லாமல், 'உறக்' வடித்தெடுத்த உடனேயே குடிப்பதுதான் சிறந்தது. இதன் தனித்துவமான சுவை விரைவாக மறைந்துவிடும் என்பதால்தான், இது கோவாவைத் தாண்டி அதிகம் விற்கப்படுவதில்லை.

பச்சை மிளகாய் சேர்த்தும் குடிக்கலாம்

பல உள்ளூர்வாசிகள் 'உறக்' பானத்தை ஜில்லென்று சோடா, எலுமிச்சை மற்றும் பச்சை மிளகாய் சேர்த்துப் பருகுகிறார்கள். இந்த காம்பினேஷன், கோவாவின் ஈரப்பதமான கோடை மதிய வேளைகளுக்கு ஏற்ற ஒரு புத்துணர்ச்சியூட்டும் பானமாக அமைகிறது.

மயக்கும் சுவை கொண்ட பானம்

'உறக்' கோவாவின் உணவுப் பண்பாட்டை மட்டுமல்ல, அதன் விவசாய சுழற்சியையும் பிரதிபலிக்கிறது. ஒவ்வொரு கிளாஸ் 'உறக்'கும், ஆண்டுக்கு ஒருமுறை மட்டுமே திரும்பும் ஒரு பாரம்பர்யத்தை தன்னுள் கொண்டுள்ளது.