புற்றுநோய்களிலேயே பித்தப்பை புற்றுநோய் மிகவும் ஆபத்தானது. இதை ஆரம்ப நிலையில் கண்டறிவது மிகவும் கடினம். அதனால், இதன் அறிகுறிகளைத் தெரிந்து கொள்வது ரொம்ப அவசியமாகும்.
புற்றுநோய்களில் பித்தப்பை புற்றுநோய் மிகவும் அபாயகரமானது. இதை எளிதில் கண்டறிய முடியாது. தாமதமாகக் கண்டுபிடிப்பதால், புற்றுநோய் அருகிலுள்ள உறுப்புகளுக்கும் பரவிவிடுகிறது. வயிற்று வலி ஒரு பொதுவான புகார் என்றாலும், இந்த அசௌகரியம் பல வாரங்கள் அல்லது மாதங்கள் நீடித்தால், அது பித்தப்பை புற்றுநோயின் அறிகுறியாக இருக்கலாம்.
27
புற்றுநோய்களில் மிகவும் ஆபத்தானது
பித்தப்பை என்பது கல்லீரலுக்குப் பின்னால், வயிற்றின் ஆழமான பகுதியில் அமைந்துள்ள ஒரு சிறிய பை ஆகும். இதன் ஆரம்ப அறிகுறிகளான வயிற்று வலி, அஜீரணம் அல்லது குமட்டல் போன்றவை, பித்தப்பைக் கற்கள் அல்லது இரைப்பை அழற்சி (gastritis) போன்ற புற்றுநோய் அல்லாத பிரச்சனைகளைப் போலவே இருக்கும்.
37
அசௌகரியம், வயிறு உப்பசம்
பித்தப்பை புற்றுநோய், அந்த உறுப்பின் உள் அடுக்கான மியூக்கோசாவில் இருந்து தொடங்குகிறது. மற்ற செரிமானப் புற்றுநோய்களை விட இது அரிதானது என்றாலும், ஆரம்ப நிலையில் கண்டுபிடிப்பது கடினம். பல மாதங்களாக லேசான வயிற்று வலி இருந்தாலும், மக்கள் அதை சாதாரண அஜீரணம் அல்லது அசிடிட்டி என அலட்சியப்படுத்துகின்றனர். இந்த மந்தமான வலி, வயிறு உப்பசம் போன்ற அறிகுறிகள் நோய் முற்றிய பிறகே பெரும்பாலும் தெரியவருகிறது.
நோயாளிகள் தங்களுக்குத் தொடர்ந்து இருக்கும் வயிறு உப்பசத்தை, காரமான உணவின் எதிர்வினை என்றோ அல்லது அசிடிட்டியின் அறிகுறி என்றோ புறக்கணித்து விடுகின்றனர்.
57
தொடர்ச்சியான வயிற்று வலி முதல் அறிகுறி
வயிற்றின் மேல் வலது பக்கத்தில் ஏற்படும் வலியை, மக்கள் பெரும்பாலும் தசைப்பிடிப்பு அல்லது பொதுவான அஜீரணக் கோளாறு என்று தவறாகப் புரிந்துகொள்கிறார்கள்.
67
புற்றுநோயின் அறிகுறிகள்
அடிக்கடி உடல்நலக்குறைவு அல்லது திடீரென உணவின் மீதான வெறுப்பு போன்றவற்றை, மக்கள் சிறிய வயிற்றுத் தொற்றுகள் அல்லது சீசன் காய்ச்சல் என்று கருதுகின்றனர்.
77
மிக வேகமாக எடை குறைவது
உணவுப் பழக்கத்தில் எந்த மாற்றமும் செய்யாமல் உடல் எடை குறைவது ஒரு முக்கிய அறிகுறியாகப் பார்க்கப்படுகிறது. விட்டு விட்டு வரும் காய்ச்சலும் மற்றொரு அறிகுறி. இதை மக்கள் பெரும்பாலும் சளி அல்லது சோர்வு என்று கருதுகின்றனர். ஆனால், இது கட்டி வளர்ச்சியால் ஏற்படும் அறிகுறியாகும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
