நயன், சமந்தா, ராஷ்மிகாவின் ஃபிட்னஸ் சீக்ரெட் ! காலையில் இந்த உணவுகளை சாப்பிடுறாங்களாம்!

தென்னிந்திய நடிகைகள் ஃபிட்டாக இருக்க என்ன காலை உணவு சாப்பிடுகிறார்கள் என்பதை தெரிந்து கொள்ள இந்த பதிவை படிக்கவும். சமந்தா, ராஷ்மிகா மந்தனா மற்றும் நயன்தாரா உள்ளிட்ட பிரபலங்களின் காலை உணவு ரகசியங்களை இந்த பதிவில் காணலாம்.

Samantha's Healthy Breakfast

சமந்தாவின் காலை உணவு

காலை உணவு என்பது நாளின் மிக முக்கியமான உணவாகும், ஏனெனில் இது உங்கள் உற்பத்தித்திறன் அளவை அமைக்கிறது. எனவே காலை உணவை மிகவும் ஆரோக்கியமான உணவாக மாற்றுவது நல்லது. சமந்தா, ராஷ்மிகா மந்தனா, நயன்தாரா உள்ளிட்ட நடிகைகள் ஃபிட்டாக இருப்பதற்காக ஆரோக்கியமான உணவு முறையை பின்பற்றி வருகின்றனர்.

காலை உணவு உங்களின் முதல் உணவாக இருப்பதால், அது ஆரோக்கியமானதாகவும் சுவையாகவும் இருக்க வேண்டும். இதை எப்படி கூடுதல் ஆரோக்கியமானதாக மாற்றுவது என்பதை நீங்கள் தெரிந்து கொள்ள விரும்பினால், சமந்தாவின் குறிப்புகளை எடுத்துக் கொள்ளுங்கள். இதுகுறித்து சமந்தாவே ஒருமுறை தனது இன்ஸ்டா பக்கத்தில் பதிவிட்டிருந்தார். அதில் நட்ஸ்  மற்றும் விதைகளால் சேர்க்கப்பட்ட பழங்களை தான் சமந்தா காலை உணவாக எடுத்துக் கொள்கிறார்.

வாழைப்பழங்கள், ப்ளூபெர்ரி, ஸ்ட்ராபெர்ரி, உங்களுக்கு விருப்பமான பிற பழங்கள் (எ.கா., கிவி, மாம்பழம் அல்லது ஆப்பிள்கள்), நறுக்கிய பாதாம், பிஸ்தா மற்றும் சியா விதைகள் ஆகியவற்றை சேர்த்து இந்த அருமையான காலை உணவை தயாரிக்கலாம். வைட்டமின்கள், நார்ச்சத்து மற்றும் ஆரோக்கியமான கொழுப்புகளுடன் உங்கள் நாளைத் தொடங்க இது ஒரு சிறந்த வழியாகும்.

Rakul Preet Singh Healthy Breakfast

ரகுல் ப்ரீத் சிங்கின் காலை உணவு

உடல் எடையை குறைக்க அல்லது அதிகரிக்க நீங்கள் உடற்பயிற்சி செய்தால் சத்தான உணவு மிகவும் முக்கியமானது. அந்த வகையில் ரகுல் ப்ரீத் சிங்கின் காலை உணவை அவரின் ஊட்டச்சத்து நிபுணர் ஒருமுறை பகிர்ந்திருந்தார். ஒரு ஸ்மூத்தி உடன் ரகுல் தனது காலை உணவை தொடங்குகிறார்.

இந்த ஸ்மூத்தியை தயாரிக்க, தேங்காய் பால், தண்ணீர், புரோட்டீன் பவுடர், ஆளிவிதை, ஏலக்காய் மற்றும் வாழைப்பழம். முதலில், ஒரு பிளெண்டரை எடுத்து, தேங்காய்ப் பாலை தண்ணீரில் ஊற்றவும், ஆளிவிதைகள், ஏலக்காய் மற்றும் வாழைப்பழத்துடன் சிறிது புரத தூள் சேர்த்து, சிறிதளவு தேன் சேர்த்து சாப்பிடவும்.

Rashmika Healthy Breakfast

ராஷ்மிகா மந்தனாவின் காலை உணவு

ராஷ்மிகா மந்தனா இந்த உலகில் எதையும் விட உணவை எப்படி நேசிக்கிறேன் என்பதை அடிக்கடி கூறியுள்ளார். ஒருமுறை, அவர் தனது இன்ஸ்டாகிராம் பக்கத்தில் ஒரு சிறப்பு ஆம்லெட் செய்முறையை தனது ரசிகர்களுடன் பகிர்ந்து கொண்டார்.  கீரை, காளான் மற்றும் சிறிது நல்லெண்ணெய் சேர்த்து வதக்கவும்.

பின்னர்  முட்டையில் இருந்து மஞ்சள் கருவை பிரித்து, அதை நன்றாக கலந்து மற்றொரு கடாயை சூடாக்கி முட்டையை சேர்க்கவும். கீரை, காளான் கலவையை மேலே சேர்த்து, குறைந்த வெப்பத்தில் சமைக்கவும். சில நிமிடங்களில், உங்களின் சிறப்பான மற்றும் ஆரோக்கியமான ஆம்லெட் தயாராகிவிடும்.

Nayanthara

நயன்தாராவின் காலை உணவு

நயன்தாரா உட்பட பல பிரபலங்கள் தங்களுக்கு தேவையான ஊட்டச்சத்தை பெறுவதை உறுதிசெய்ய உதவும் பிரத்யேகமாக டயட்டை பின்பற்றுகின்றனர். அந்த வகையில் நயன்தாரா சிறப்பு தேங்காய் ஸ்மூத்தி ரெசிபி உடன் தனது காலை உணவை தொடங்குகிறார்.  தேங்காய் ஸ்மூத்தி செய்ய, இளநீர், தேங்காய் பால், சர்க்கரை, இலவங்கப்பட்டை மற்றும் ஏலக்காய் தூள் தேவை.

actress nayanthara

இதை தயாரிக்க, ஒரு ஜாடியில் சிறிது இளநீர், தேங்காய் பால், சர்க்கரை மற்றும் ஏல தேங்காய் சேர்த்து கட்டிகள் இல்லாத வரை கலக்கவும். பின்னர் சில ஐஸ் க்யூப்ஸுடன் ஒரு சிட்டிகை ஏலக்காய் மற்றும் இலவங்கப்பட்டை தூள் சேர்க்கவும். அவ்வளவு தான் நயன்தாராவின் ஃபேவரைட் தேங்காய் ஸ்மூத்தி ரெடி.