Health Tips: பச்சை முட்டை சாப்பிடுவது நல்லதா?. கெட்டதா..? கட்டாயம் தெரிந்து வைத்து கொள்ளுங்கள்..!

Health Tips: பச்சை முட்டை சமைக்காமல் அப்படியே சாப்பிடுவது, நல்லதா என்பதை பற்றி தான் நாம் இந்த பதிவின் மூலம் தெரிந்து வைத்து கொள்ளப்போகிறோம்.  

ஏழைகளின் அசைவ உணவுகளில் ஒன்று முட்டை. இதன் சுவையும் அதிகம், விலையும் குறைவு என்பதால் மக்கள் இதனை விரும்பி உண்ணுகிறார்கள். ஏழைகள் மட்டுமில்லாமல் அனைவராலும் விரும்பப்படும் இந்த முட்டையில், உடலுக்குத் தேவையான நிறைய சத்துகள் அடங்கியுள்ளன. ஆனால், ஒரு சிலர் அதனை அப்படியே  பச்சையாக குடித்தால் தான் நல்லது என்பார்கள். அது எந்த அளவிற்கு உண்மை என்பதை இந்த பதிவின் மூலம் பார்க்கலாம். 

வேக வைத்த முட்டையின் பயன்கள்:

வேக வைத்த முட்டையில் சிறந்த புரதச்சத்து சுமார் ஆறு கிராம் உள்ளது. முட்டையின் மஞ்சள் கருவில் வைட்டமின் டி உள்ளது. ஓமேகா 3 முட்டையில் அதிகம் இருப்பதால் இதய பிரச்சனைகள் வராமல் காக்கிறது. எலும்புகளுக்கு முட்டை வலிமையை தரும். அதேபோன்று, சுகர், ரத்த அழுத்தத்தை கட்டுக்குள் வைத்திருக்க முட்டை மிக சிறந்த ஒரு உணவுப்பொருள் ஆகும்.  இதில் ஆன்டிஆக்ஸிடன்ட் பண்புகள் நிறைந்துள்ளது. மேலும், முட்டை கண் பார்வைக்கு மிகவும் உகந்த ஒன்றாக இருக்கிறது.

வேகவைக்காத முட்டை:

வேகவைக்காத முட்டையில் 10 சதவீதம் புரதமும், 90 சதவீதம் நீரும் உள்ளது. அதனுடன் பொட்டாசியம், மெக்னீசியம், நியாசின், சோடியம் போன்ற பல ஊட்டச்சத்துக்களும் இருக்கின்றன. முட்டையின் உள்பகுதியான மஞ்சள் கருவில் இரும்பு, துத்தநாகம், பாஸ்பரஸ் போன்ற வைட்டமின்கள் உள்ளன.  பச்சை முட்டையில் இருக்கும் திரவம் உடலுக்கு பல்வேறு பக்கவிளைவுகளை ஏற்படுத்தக் கூடியது. 

கோழிகளின் குடல் பகுதியில் சால்மோனெல்லா எனப்படும் பாக்டீரியா காணப்படும். அது முட்டை ஓட்டின் உள்பகுதியிலும், வெளிப்பகுதியிலும் பரவி இருக்கும். சால்மோனெல்லாவை நீக்க அதிக வெப்பநிலையில் முட்டையை வேக வைக்க வேண்டும். அதை விடுத்து முட்டையை அப்படியே குடித்தால் பாக்டீரியாக்களால் பாதிப்பு நேரும்.

மேலும், முட்டையை அப்படியே உடைத்து சாப்பிட்டால் அதிலிருக்கும் வெள்ளைக்கரு சிலருக்கு ஒவ்வாமையை ஏற்படுத்திவிடும். சருமம் சிவத்தல், அரிப்பு, வீக்கம், வயிற்று போக்கு, கண்களில் நீர் வடிதல் போன்ற அறிகுறிகளை வெளிப்படுத்தும். பயோட்டின் குறைபாடு வைட்டமின் பி 7 என்றும் அழைக்கப்படுகிறது.