இந்தியாவோட ஃபேவரைட் காலை உணவுகள்ல தோசையும் ஒண்ணு. வீட்ல தோசை செய்றது ரொம்ப சுலபம் தான். ஆனா, ஹோட்டல்ல சாப்பிடுற ஃபீல் வீட்ல வராது. ஹோட்டல் மாதிரி கலர், டேஸ்ட், ஷேப் கிடைக்காது. அதுலயும், தோசை ஊத்த ஆரம்பிச்சா போதும், கல்லுல பிடிச்சுக்கும். நீங்களும் இதே சிக்கலை சந்திக்கிறீங்களா? அப்போ தோசை ஒட்டாம, ஹோட்டல் ஸ்டைல்ல வர இந்த சிம்பிள் டிப்ஸை ஃபாலோ பண்ணுங்க.
25
மொறுமொறு தோசை செய்வது எப்படி?
தோசை கல்லுல ஒட்டாம வர, மாவுல எதையும் ஸ்பெஷலா கலக்க வேண்டாம். ஒரு சின்ன வெங்காயம் போதும், நீங்க மேஜிக் செய்யலாம். உங்க வீட்டு இரும்பு தோசைக்கல்லை இந்த வெங்காயத்தை வெச்சு நான்-ஸ்டிக் கல்லா மாத்திடலாம். தோசை சுடத் தெரியாதவங்க கூட ஈஸியா சுட்டுடலாம். அந்த வெங்காயத்தை எப்படி பயன்படுத்தணும்னு பார்க்கலாம்... முதல்ல வெங்காயத்தை பாதியா வெட்டுங்க. அதுல ஒரு ஃபோர்க்கை குத்தி, 2-3 சொட்டு எண்ணெய் தடவுங்க.
இப்போ, இரும்பு தோசைக்கல்லை சூடுபடுத்துங்க. கல் நல்லா சூடானதும், எண்ணெய் தடவிய வெங்காயத்தை கல் முழுக்க வட்டமா தேயுங்க. வெங்காயத்தோட இயற்கையான சாறும், எண்ணெயும் சேர்ந்து இரும்பு கல்லுல ஒரு கோட்டிங் மாதிரி உருவாகும். இப்போ கொஞ்சம் தண்ணி தெளிச்சு, சுத்தமான துணியால துடைச்சுட்டு மாவை ஊத்துங்க. தோசை நல்லா பரவி, கொஞ்சம் கூட ஒட்டாம அழகா வரும்.
ஒருவேளை வெங்காயம் கைல இல்லன்னா, ஒரு கிளாஸ் தண்ணியில அரை ஸ்பூன் உப்பு கலந்து, அந்த தண்ணிய கல்லுல தெளிச்சு துடைச்சாலும் தோசை ஒட்டாது. தோசை மாவை கல்லுல தேய்க்கும்போது அடுப்பை சிம்ல வைங்க. தேய்ச்சு முடிச்சதும், தீயை மீடியம்-ஹைல வெச்சாதான் தோசை மொறுமொறுன்னு வரும்.
55
ஹோட்டல் மாதிரி தோசை
இரும்பு தோசைக்கல்லை ஒவ்வொரு முறையும் பாத்திரம் தேய்க்கிற சோப்பு போட்டு ரொம்ப அழுத்தி தேய்க்காதீங்க. அப்படி தேய்ச்சா, அதுல இருக்குற எண்ணெய் பதம் (seasoning) போயிடும், மறுபடியும் தோசை ஒட்ட ஆரம்பிச்சுடும். இந்த சிம்பிள் டிப்ஸை ஃபாலோ பண்ணுங்க, தோசை நல்லா சிவந்து, மொறுமொறுன்னு, கல்லுல ஒட்டாம வரும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
