சமையல் எண்ணெயை பிளாஸ்டிக் பாக்கெட் அல்லது பாட்டில்களில் சேமிப்பது ஆரோக்கியத்திற்கு தீங்கு விளைவிக்கும். பிளாஸ்டிக்கில் உள்ள BPA போன்ற ரசாயனங்கள் எண்ணெயில் கலந்து ஹார்மோன் பிரச்சினைகளை ஏற்படுத்தக்கூடும்.
சமையல் எண்ணெய் வாங்கும்போது நாம் அதிகம் கவனம் செலுத்துவது அதன் விலை மற்றும் பிராண்ட்தான். ஆனால் அதை எந்த வகை கொண்டெய்னரில் வாங்குகிறோம், எப்படி சேமிக்கிறோம் என்பதுதான் நமது ஆரோக்கியத்தை நேரடியாக பாதிக்கும் முக்கிய விஷயம். பலர் பாக்கெட் அல்லது பிளாஸ்டிக் பாட்டில் எண்ணெய் வாங்குவது வழக்கம். ஆனால் இதில் எது பாதுகாப்பானது என்பதை பலரும் சரியாக அறியாமல் தவறு செய்கிறார்கள்.
25
பிளாஸ்டிக் பாட்டில் எண்ணெய் ஆபத்தா?
பொதுவாக எண்ணெய் பாக்கெட்டுகள் மலிவான விலையில் கிடைக்கும். இவை மெல்லிய பிளாஸ்டிக் அடுக்குகளால் தயாரிக்கப்படுகின்றன. போக்குவரத்து அல்லது சேமிப்பு நேரத்தில் அதிக வெப்பம் அல்லது நேரடி வெயிலுக்கு ஆளினால், அந்த பிளாஸ்டிக் துகள்கள் எண்ணெய் கலக்கும் அபாயம் உள்ளது. அதேபோன்று பிளாஸ்டிக் பாட்டில்களும் நீண்ட நாட்கள் பயன்படுத்தப்படும்போது, அதிலுள்ள வேதிப்பொருட்கள் எண்ணெயில் கலந்து விடும் வாய்ப்பு உள்ளது.
35
நிபுணர்கள் எச்சரிக்கை
ஆய்வுகள் கூறுவதாவது, பிளாஸ்டிக் கண்டைனர்களில் நீண்ட நேரம் சேமிக்கப்படும் எண்ணெய்கள் ஆரோக்கியத்திற்கு பாதிப்பு ஏற்படுத்தக்கூடும். குறிப்பாக BPA (Bisphenol-A) மற்றும் phthalates போன்ற ரசாயனங்கள் எண்ணெயுடன் எளிதில் கலக்கின்றன. இவை உடலில் சேர்ந்து ஹார்மோன் சமநிலையை பாதிக்கும். இதனால் தைராய்டு பிரச்சினைகள், குழந்தை பெறுவதில் சிக்கல்கள் போன்றவை உருவாகலாம் என்று நிபுணர்கள் எச்சரிக்கின்றனர்.
பலர் செய்யும் பெரிய தவறு என்னவென்றால், பாக்கெட் எண்ணெய் வாங்கிய பிறகு அதையே பிளாஸ்டிக் டப்பாவில் சேமிப்பது. வெளிச்சம் மற்றும் வெப்பம் அதிகமாக இருக்கும் இடங்களில் வைத்தால் எண்ணெய் வேகமாக ஆக்ஸிடைஸ் ஆகி அதன் சத்துக்கள் குறைந்து விடும். இதனால் எண்ணெய் நச்சுத்தன்மை பெறும் அபாயமும் உள்ளது.
55
சமையல் எண்ணெய் சேமிப்பில் கவனிக்க வேண்டியது
எண்ணெய் எப்போதும் கண்ணாடி பாட்டில் அல்லது ஸ்டீல் பாத்திரங்களில் சேமிப்பது மிகவும் பாதுகாப்பானது. மேலும், குளிர்ச்சியான மற்றும் இருந்த இடங்களில் வைத்தால் அதன் தரம் நீண்ட நாட்கள் பாதுகாக்கப்படும். ஆரோக்கியமான எண்ணெய் தேர்வு செய்வது மட்டுமல்ல, அதை சரியான முறையில் சேமிப்பதும் முக்கியம் ஆகும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
