ஃப்ரிட்ஜில் இருந்து எடுத்த உடனே தயிர் சாப்பிடலாமா? நிபுணர்களின் ஷாக் அட்வைஸ்!

Health Tips: ஃபிரிட்ஜில் இருந்து எடுத்தவுடன் தயிரை அப்படியே சாப்பிடலாமா? நீங்கள் தினமும் இப்படித்தான் செய்றீங்களா? நிபுணர்களின் ஷாக் அட்வைஸை இந்த செய்தியில் பார்க்கலாம்.

ஃப்ரிட்ஜில் இருந்து எடுத்த உடனே தயிர் சாப்பிடலாமா?

மழைக்காலம் வந்தாலே நம் வீடுகளில் தயிர், மோர், ஐஸ்கிரீம் சாப்பிடுவதை முழுமையாக நிறுத்திவிடுவார்கள். மழைக்காலம் அல்லது குளிர்காலத்தில் இவற்றைச் சாப்பிட்டால் சளி, நெஞ்சகச் சளி, இருமல் வரும் என்ற ஒரு பலமான நம்பிக்கை நம்மிடம் உள்ளது. ஆனால் மழைக்காலத்தில் தயிர் அல்லது ஐஸ்கிரீம் சாப்பிட்டால் சளி பிடிக்கும் என்பது வெறும் கட்டுக்கதை என்று மருத்துவர்கள் தெளிவுபடுத்தியுள்ளனர். அப்படியானால் மழைக்காலத்தில் இவற்றைச் சாப்பிடலாமா? மருத்துவர்கள் என்ன சொல்கிறார்கள் என்று முழுமையாகப் பார்க்கலாம்.

தயிர் ஒரு சிறந்த ப்ரோபயாடிக்

மருத்துவர்களின் கூற்றுப்படி, தயிர் நம் உடம்புக்கு ரொம்பவே பயனுள்ள ஒரு உணவு. இதில் நல்ல பாக்டீரியாக்கள் அதிகமாக உள்ளது. இது நம் குடல் ஆரோக்கியத்தை பாதுகாப்பதோடு, செரிமானத்தையும் மேம்படுத்துகிறது. நோய் எதிர்ப்புச் சக்தியையும் அதிகரிக்க உதவுகிறது. அதனால் எந்தக் காலத்திலும் தயிரை முழுமையாகத் தவிர்க்க வேண்டிய அவசியம் இல்லை.

ஃபிரிட்ஜில் வைத்த தயிரை சாப்பிடும்போது கவனம் தேவை

மழைக்காலத்தில் தயிர் சாப்பிட்டால் சளி பிடிப்பதற்கு தயிர் காரணம் அல்ல, நாம் அதைச் சாப்பிடும் முறைதான் காரணம். ஃபிரிட்ஜில் இருந்து எடுத்தவுடன், ரொம்ப சில்லென்று இருக்கும் தயிரை அப்படியே சாப்பிடும்போது தொண்டையில் எரிச்சல் ஏற்பட்டு, வறட்டு இருமல் வர வாய்ப்பு உள்ளது. ஃபிரிட்ஜில் இருந்து தயிரை எடுத்தவுடன் சாப்பிடாதீர்கள். கொஞ்ச நேரம் வெளியே வைத்து, சாதாரண வெப்பநிலைக்கு வந்த பிறகு சாப்பிடுவதுதான் உடம்புக்கு நல்லது

இரவு நேரத்தில் தயிர் சாப்பிடக் கூடாது, ஏன்?

தயிர் உடம்புக்கு நல்லதுதான் என்றாலும், இரவு நேரத்தில் அதைச் சாப்பிடுவதைத் தவிர்க்க வேண்டும் என்று மருத்துவர்கள் எச்சரிக்கிறார்கள். இரவில் நம் செரிமான மண்டலம் மெதுவாகத்தான் வேலை செய்யும். சிலருக்கு இரவில் தயிர் சரியாக செரிமானம் ஆகாது. அதுமட்டுமில்லாமல், தயிரில் இருக்கும் புளிப்புத் தன்மை சிலருக்கு நெஞ்செரிச்சல் மற்றும் அசிடிட்டி பிரச்சனையை ஏற்படுத்தலாம்.

மழைக்காலத்திலும் நீங்கள் எந்தப் பயமும் இல்லாமல் தயிர் அல்லது ஐஸ்கிரீம் சாப்பிடலாம். ஆனால், அது ரொம்ப சில்லென்று இருக்கக் கூடாது. பகல் நேரத்தில், அளவாகச் சாப்பிட்டால் உடம்புக்கு எந்தப் பாதிப்பும் வராது என்று மருத்துவர்கள் சொல்கிறார்கள்.

மழைக்காலத்தில் தயிர் சாப்பிடும்போது இதை பண்ணுங்க‌

மழைக்காலத்தில் தயிர் சாப்பிட்டால் சளி பிடிக்கும் என்று உங்களுக்குப் பயம் இருந்தால், தயிரில் ஒரு சிட்டிகை மிளகுத் தூள் அல்லது வறுத்த சீரகத் தூள் மற்றும் கொஞ்சம் உப்பு சேர்த்து சாப்பிடுங்கள். இது தயிரின் குளிர்ச்சியைக் கட்டுப்படுத்தி, செரிமானத்தையும் எளிதாக்கும்.

இவர்கள் மட்டும் கவனமாக இருப்பது நல்லது

சைனஸ், ஆஸ்துமா, அலர்ஜி அல்லது டான்சில் பிரச்சனை இருக்கிறவர்கள் மழைக்காலத்தில் ரொம்ப சில்லென்று இருக்கும் தயிர் மற்றும் ஐஸ்கிரீம் சாப்பிடுவதைத் தவிர்ப்பது நல்லது. ஏனெனில் இது அவர்களுக்கு தொண்டை தொற்றை அதிகரிக்கலாம்.

தயிரை விட மோர் ரொம்ப நல்லது

மழைக்காலத்தில் தயிருக்குப் பதிலாக, அதில் தண்ணீர், இஞ்சி, கொத்தமல்லி மற்றும் பெருங்காயம் சேர்த்து நீர்த்த மோராகக் குடிப்பது செரிமான மண்டலத்துக்கு ரொம்பவே நல்லது.

ஐஸ்கிரீம் சாப்பிடுபவர்கள் இதைப் பண்ணுங்க..

மழைக்காலத்தில் ஐஸ்கிரீம் சாப்பிடலாம், ஆனால் அதிகமாகச் சாப்பிடக் கூடாது. ஐஸ்கிரீமில் சர்க்கரை அளவு அதிகமாக இருப்பதால், இது தற்காலிகமாக நோய் எதிர்ப்புச் சக்தியைக் குறைக்கும். அதுமட்டுமில்லாமல் மழைக்காலத்தில் தொண்டை ரொம்ப சென்சிட்டிவாக இருக்கும். அதனால் ஐஸ்கிரீம் சாப்பிட்டவுடன் கொஞ்சம் வெதுவெதுப்பான தண்ணீர் குடிப்பது நல்லது.