Biriyani vs Pulao: பிரியாணியும் புலாவும் ஒண்ணு இல்ல... ரெண்டுக்கும் என்ன வித்தியாசம் தெரியுமா?

Biriyani vs Pulao: பிரியாணி, புலாவ் – இந்த ரெண்டு பேரையும் கேட்டா, ரெண்டும் கிட்டத்தட்ட ஒண்ணுதான்னு நிறைய பேர் நினைப்பாங்க. ஆனா, செய்முறையில இருந்து சுவை வரைக்கும் ரெண்டுக்கும் ஏகப்பட்ட வித்தியாசங்கள் இருக்கு. அது என்னன்னு பார்ப்போமா?

Biriyani vs Pulao

புலாவ்னா வெஜ், பிரியாணினா நான்-வெஜ்னு ஒரு தப்பான கருத்து இருக்கு. ஆனா ரெண்டுமே வெஜ், நான்-வெஜ் வடிவங்கள்ல கிடைக்குது. அரிசி, மசாலா, காய்கறி அல்லது இறைச்சி பயன்படுத்தினாலும், செய்முறை, சுவை எல்லாமே முற்றிலும் வேறு.

புலாவ் செய்முறை மிகவும் எளிமையானது

புலாவ் செய்யும்போது அரிசி, காய்கறி அல்லது இறைச்சி, மசாலா எல்லாத்தையும் ஒரே பாத்திரத்துல போட்டு, தண்ணி ஊத்தி வேக வைப்பாங்க. இதுக்கு 'அப்சார்ப்ஷன் மெத்தட்'னு பேரு. தண்ணி முழுக்க உள்ளேயே உறிஞ்சப்படும். இதனால புலாவ் சுவை ரொம்ப லைட்டா இருக்கும்.

பிரியாணி தயாரிப்பு ஒரு கலை போன்றது

பிரியாணி செய்முறை கொஞ்சம் சிக்கலானது. அரிசியை பாதி வேக வைப்பாங்க. இறைச்சி அல்லது காய்கறிகளை மசாலாவுடன் தனியா சமைப்பாங்க. அப்புறம் ஒரு பாத்திரத்துல லேயர் லேயரா அரிசி, இறைச்சி, மறுபடியும் அரிசின்னு அடுக்கி, மேல நெய், வறுத்த வெங்காயம் சேர்த்து 'தம்' போடுவாங்க. இதுக்கு அதிக நேரம் எடுக்கும்.

மசாலா மற்றும் மணத்தில்தான் உண்மையான வித்தியாசம்

பிரியாணிக்கு ஏலக்காய், லவங்கம், பட்டை, பிரியாணி இலை, கொத்தமல்லி, புதினா, ட்ரை ஃப்ரூட்ஸ்னு ஏகப்பட்ட மசாலா சேர்ப்பாங்க. இதனாலதான் பிரியாணி நல்ல காரசாரமா, கமகமன்னு மணக்கும். ஆனா, புலாவ்ல மசாலா பயன்பாடு ரொம்ப குறைவு. அதனால அதோட சுவை ரொம்ப மென்மையா இருக்கும்.

பூர்வீகம் மற்றும் பரிமாறும் முறையிலும் வேறுபாடு

வரலாற்று ஆய்வாளர்கள் கூற்றுப்படி, பிரியாணியோட பூர்வீகம் பெர்சியா. 'பிரியன்' என்ற பெர்சிய வார்த்தையிலிருந்துதான் பிரியாணி பெயர் வந்துச்சு. ஆனா, புலாவ் மத்திய ஆசியாவுல தோன்றி, பல நாடுகளுக்குப் பரவியது. புலாவை ஒரு சைடு டிஷ்ஷா பரிமாறுவாங்க. ஆனா பிரியாணி ஒரு முழுமையான சாப்பாடு.

பிரியாணி, புலாவ் இரண்டுக்குமே தனி இடம் உண்டு

புலாவ் ஒரு சிம்பிளான உணவுனா, பிரியாணி மசாலா, லேயர்கள், தம் குக்கிங்னு ஒரு ஸ்பெஷல் ஐட்டம். அதனாலதான் பிரியாணி ரசிகர்கள், புலாவை பிரியாணியோட ஒப்பிடவே முடியாதுன்னு சொல்வாங்க. அடுத்த முறை ஆர்டர் பண்ணும்போது இந்த வித்தியாசங்களை ஞாபகம் வச்சுக்கோங்க.