Washing Machine Care: இந்த 9 பொருட்களை வாஷிங் மெஷினில் போடவே கூடாதாம்! ஏன் தெரியுமா?

Washing Machine Care: சில குறிப்பிட்ட 9 பொருட்களை வாஷிங் மெஷினில் துவைத்தால், துணி மட்டுமல்ல, வாஷிங் மெஷினும் நிரந்தரமாகப் பழுதாகிவிடும் என்று நிபுணர்கள் எச்சரிக்கின்றனர். அவை என்னென்ன பொருட்கள்? என்பது குறித்து பார்ப்போம்.

முழுமையான வழிகாட்டி இதோ

நாம் அவசரத்தில் யோசிக்காமல் கண்ணில் படும் துணிகளை எல்லாம் வாஷிங் மெஷினில் போட்டுவிடுகிறோம். ஆனால், சில குறிப்பிட்ட துணிகள் அல்லது பொருட்களை மெஷினில் துவைத்தால், துணிகள் பாழாவது மட்டுமல்ல, விலை உயர்ந்த வாஷிங் மெஷினும் பழுதாகிவிடும் என லாண்டரி நிபுணர்கள் எச்சரிக்கின்றனர். எனவே, துணிகளில் உள்ள 'கேர் டேக்' கவனிக்காமல் மெஷினில் போடவே கூடாத, கண்டிப்பாகக் கையால் துவைக்க வேண்டிய அந்த முக்கியப் பொருட்கள் என்னென்ன என்பது குறித்து பார்க்கலாம்.

அதிக அழுக்குள்ள பொருட்கள் (Extremely dirty items)

அதிக அழுக்குள்ள பொருட்கள் மணல் நிறைந்த டவல்கள், செல்லப் பிராணிகளின் முடிகள் நிறைந்த போர்வைகள், சேறு படிந்த துணிகளை நேரடியாக வாஷிங் மெஷினில் போடக்கூடாது. அதிகப்படியான மணல், மண் அல்லது முடி மெஷினைச் சேதப்படுத்துவதோடு, உங்கள் துணிகளும் சரியாகச் சுத்தமாகாது. மெஷினில் போடுவதற்கு முன், இதுபோன்ற துணிகளை வெளியே அல்லது குப்பைத் தொட்டி மீது நன்றாக உதறிப் போடுங்கள். நாய் முடியை அகற்ற நீங்கள் லிண்ட் ரோலர் (Lint Roller) கூட பயன்படுத்தலாம்.

திடமான ஃபோம் தலையணைகள் (Solid foam pillows)

திடமான ஃபோம் தலையணைகள் கழுத்துக்கு சப்போர்ட் கொடுக்கும் திடமான மெமரி ஃபோம் (Solid memory foam) தலையணைகளை ஒருபோதும் வாஷிங் மெஷினில் துவைக்கக் கூடாது. மெஷினின் வேகமான சுழற்சி, அந்த ஃபோம்மை முழுவதுமாகக் கிழித்துவிடும். 'தண்ணீர் நிறைந்தால், அதன் எடை காரணமாக ஃபோம் கிழிய வாய்ப்புள்ளது. அதனால், இதைக் கையால்கூடத் துவைக்கக் கூடாது' என நிபுணர்கள் கூறுகின்றனர். இதற்குப் பதிலாக, மெஷினில் துவைக்கக்கூடிய தலையணை உறைகளைப் பயன்படுத்துவது நல்லது.

அதிக எடை கொண்ட போர்வைகள் (Weighted blankets)

அதிக எடை கொண்ட போர்வைகள்  சில பெரிய, எடை அதிகமான போர்வைகளில் 'மெஷின் வாஷ் செய்யலாம்' என்று எழுதியிருக்கலாம். ஆனால், உங்கள் வாஷிங் மெஷினின் கொள்ளளவை (Capacity) யோசிப்பது முக்கியம். பெரிய வீட்டு வாஷிங் மெஷின்கள் 22 முதல் 24 பவுண்ட்ஸ் (சுமார் 10 கிலோ) வரை தாங்கினாலும், ஒரே ஒரு 20 பவுண்ட்ஸ் (சுமார் 9 கிலோ) பொருள் மெஷின் மீது பெரும் அழுத்தத்தை ஏற்படுத்தும். உங்கள் மெஷின் அதிக திறன் கொண்டதாக இருந்தாலும், 15 பவுண்டிற்கு (சுமார் 6.8 கிலோ) மேல் எடை உள்ள போர்வைகளை மெஷினில் துவைக்க வேண்டாம் என நிபுணர்கள் பரிந்துரைக்கின்றனர்.

'டிரை கிளீன் ஒன்லி' என்று எழுதியுள்ள துணிகள் (Dry clean only items)

டிரை கிளீன் ஒன்லி' என்று எழுதியுள்ள துணிகள் துணிகளை மெஷினில் போடுவதற்கு முன் எப்போதும் கேர் லேபிளைச் சரிபார்க்கவும். லேபிளில் "டிரை கிளீன் ஒன்லி" (Dry clean only) என்று இருந்தால், அத்தகைய துணிகளை மெஷினில் போடும்போது அவை சுருங்குதல், நிறம் மங்குதல் அல்லது கிழிந்துபோகும் அபாயம் உள்ளது. பட்டு (Silk), காஷ்மீர் (Cashmere), லெதர் (Leather), எம்ப்ராய்டரி உள்ள துணிகள், சூட் மற்றும் கவுன்கள் போன்ற ஃபார்மல் உடைகளை டிரை கிளீன் மட்டுமே செய்ய வேண்டும்.

பழைய மற்றும் மென்மையான துணிகள் (Vintage and delicate clothing)

பழைய மற்றும் மென்மையான துணிகள் பழங்கால (Vintage) உடைகள் அல்லது பட்டு, சூட் (Suede), லேஸ் போன்ற மென்மையான துணிகளை மெஷினில் துவைக்கக் கூடாது. மாறாக, இவற்றைத் குளிர்ந்த நீரில் மைல்டான டிடர்ஜென்ட் பயன்படுத்தி கையால் துவைக்க வேண்டும் அல்லது டிரை கிளீனிங்கிற்கு கொடுக்க வேண்டும். மடிப்புள்ள ஸ்கர்ட்கள் (Pleated skirts), லெதர் துணிகள், மணிகள், மினுமினுப்புகள் (Sequins) அல்லது லேஸ் வேலைப்பாடு உள்ள துணிகளுக்கு டிரை கிளீனிங் செய்வது சிறந்தது.

ஜிப் போடாத துணிகள் (Items with an unzipped zipper)

 ஜிப் போடாத துணிகள் (நீங்கள் ஜீன்ஸ் பேன்ட், ஜாக்கெட் அல்லது பெட்ஷீட்களைத் துவைக்கும்போது, அவற்றின் ஜிப் (Zipper) முழுமையாக மூடப்பட்டுள்ளதா என்பதை உறுதிப்படுத்திக் கொள்ளுங்கள். திறந்திருக்கும் ஜிப்பின் பற்கள் மற்ற துணிகளில் எளிதில் சிக்கி, அவற்றைக் கிழித்துவிடலாம். மேலும், மெஷ் லாண்டரி பைகளை மெஷினில் போடுவதற்கு முன்பும் அவற்றின் ஜிப்பை லாக் செய்துவிடுங்கள்.

பாக்கெட்டில் தங்கிவிடும் பொருட்கள் (Anything left behind in pockets)

பாக்கெட்டில் தங்கிவிடும் பொருட்கள் துணிகளை மெஷினில் போடும்போது பாக்கெட்டில் ஏதாவது இருக்கிறதா என்று எப்போதும் சரிபார்க்கவும். நாணயங்கள், சாவிகள், டிஷ்யூ பேப்பர், பழைய ரசீதுகள் அல்லது லிப் பாம்கள் பாக்கெட்டிலேயே தங்கிவிடலாம். லிப் பாம் மற்றும் டிஷ்யூக்கள் கரைந்து துணி முழுவதும் பரவினால், நாணயம் மற்றும் சாவிகள் போன்ற உலோகப் பொருட்கள் வாஷிங் மெஷினின் உட்பகுதியைச் சேதப்படுத்தலாம்.

லெதர் ஆடைகள் (Leather clothing)

முன்பு கூறியது போல், லெதர் (தோல்) ஆடைகளை வாஷிங் மெஷினிலிருந்து தள்ளியே வைக்க வேண்டும். தண்ணீர் சுழற்சி அல்லது அதிக வெப்பத்திற்கு வெளிப்படும்போது லெதர் ஆடைகள் சுருங்கலாம், வெடிப்பு விடலாம் அல்லது அளவில் குறையலாம். லெதர் ஜாக்கெட்கள் அல்லது பேன்ட்களைக் கையால் சுத்தம் செய்யுங்கள் அல்லது கறை உள்ள இடத்தை மட்டும் துடைத்து எடுங்கள்.

சாயம் போகும் டார்க் மற்றும் பிரைட் துணிகள் (Clothing that might bleed)

சாயம் போகும் டார்க் மற்றும் பிரைட் துணிகள்  சில நிறங்கள், குறிப்பாகச் சிவப்பு மற்றும் ஆரஞ்சு நிறப் புதிய துணிகள் துவைக்கும்போது சாயம் போகும் (Bleed). இது மெஷினில் உள்ள மற்ற எல்லா துணிகளிலும் கறையை ஏற்படுத்திவிடும். சாயம் போகும் எனச் சந்தேகம் இருந்தால், அத்தகைய துணிகளைத் தனியாகக் கையால் துவைப்பதே புத்திசாலித்தனம்.