wealth tips பணக்காரர் ஆக வேண்டுமா? இந்த 5 தவறுகளை மட்டும் செய்யாதீர்கள்

செல்வந்தர்கள் தவிர்க்கும் 5 பணத்தவறுகள் இவைதான்! உங்கள் பொருளாதார நிலையை உயர்த்தி கோடீஸ்வரராக மாற, இந்தத் தவறுகளை ஒருபோதும் செய்யாதீர்கள். பணக்காரர்கள் மேலும் செல்வத்தைச் சேர்க்கப் பின்பற்றும் ரகசிய வழிமுறையும் இதுவே. இவற்றைத் தவிர்த்து முன்னேறுங்கள்

"தற்பெருமைக்காக" செலவு செய்வதில்லை :

நடுத்தர வர்க்கத்தினர் மற்றவர்களுக்குத் தாங்கள் பணக்காரர் என்று காட்டுவதற்காக விலை உயர்ந்த கார், பிராண்டட் உடைகளை வாங்குவார்கள். ஆனால், உண்மையான செல்வந்தர்கள் 'Invisible Wealth' (கண்ணுக்குத் தெரியாத சொத்து) என்பதில் குறியாக இருப்பார்கள். அவர்கள் பழைய காரை ஓட்டினாலும், அவர்களின் வங்கிக் கணக்கு வளர்ந்து கொண்டே இருக்கும். ஆடம்பரத்தை விட "சுதந்திரமே" அவர்களுக்கு முக்கியம்.

ஒரே ஒரு வருமானத்தை மட்டும் நம்புவதில்லை :

பலர் தங்களின் மாதச் சம்பளத்தை மட்டுமே மலை போல நம்பி இருப்பார்கள். ஆனால், கோடீஸ்வரர்கள் சராசரியாக 7 வெவ்வேறு வருமான வழிகளை (Passive Income) வைத்திருப்பார்கள். ஒரு வழி அடைபட்டாலும், மற்ற வழிகள் அவர்களைக் காப்பாற்றும். பங்குச்சந்தை லாபம், வாடகை வருமானம், தொழில் முதலீடு போன்றவை இதில் அடங்கும்.

பணத்தை சும்மா வங்கிக் கணக்கில் தூங்க விடுவதில்லை :

பணத்தை அப்படியே வங்கியில் வைத்திருந்தால் பணவீக்கம் (Inflation) காரணமாக அதன் மதிப்பு குறைந்துவிடும் என்பது அவர்களுக்குத் தெரியும். சாதாரண மக்கள்: பணத்தைச் சேமிப்பார்கள் (Saving). செல்வந்தர்கள்: பணத்தை முதலீடு செய்வார்கள். நீங்கள் பணத்திற்காக உழைப்பதை போல், பணமும் உங்களுக்காக 24 மணிநேரமும் உழைக்க வேண்டும் என்பதே அவர்களின் தாரக மந்திரம்.

எமோஷனல் ஷாப்பிங் :

மன அழுத்தம் அல்லது அதிக மகிழ்ச்சியின் போது பொருட்களை வாங்கும் பழக்கம் செல்வந்தர்களிடம் இருக்காது. எதையும் வாங்குவதற்கு முன், "இது எனக்கு தேவையா? அல்லது விருப்பமா?" என்று சிந்திப்பார்கள். குறிப்பாக, தேவையற்ற கடன்களை வாங்கி சொத்துக்களைச் சேர்க்க மாட்டார்கள். உதாரணமாக கடனில் போன் வாங்குவது இவர்களுக்குப் பிடிக்காத ஒன்று.

நிதி அறிவை வளர்ப்பதை நிறுத்துவதில்லை :

"எனக்கு எல்லாம் தெரியும்" என்று நினைப்பது தான் மிகப்பெரிய நிதித் தவறு. செல்வந்தர்கள் எப்போதும் பணத்தைப் பற்றிய புத்தகங்களைப் படிப்பதிலும், புதிய முதலீட்டு முறைகளைக் கற்றுக் கொள்வதிலும் நேரத்தைச் செலவிடுவார்கள். நிதி ஆலோசகர்களின் ஆலோசனையைப் பெற அவர்கள் தயங்குவதில்லை.